المنســـــــــــــــــــى

الحاجة إلى الثورة على العالم

2011-07-28T02:20:00.000-07:00

قرأت لأحد الأصدقاء الثورة فى مهب الريح ..وقرأت اليوم لدكتور يوسف زيدان ..ثورتنا المصرية ..تفقد البوصلة ..لماذا ؟

وقرأنا كثيرا فى الأيام الماضية تعليقات مثل ياثورة ما تمت ..وإنتبه من فضلك الثورة ترجع إلى الخلف ..إلخ

وفى مقالى مصر المنحوسة كتبت وجهة نظرى فى كيفية أننا دائما ما نعيش الفرحة منقوصة وأيضا فى مقال قراءة فى الثورات العربية ..تحدثنا عن المؤامرة التى تحاك للدول العربية بشكل عام ومصر بشكل خاص أو تستطيع أن تقول رسم مسار محدد تسير فيه هذه الدول لإبعادها عن التأثير فى الرأى العام العالمى أو خريطة التحولات السياسية الدولية ..وذلك يتم أحيانا بمساعدة الدول العربية نفسها !!

نحن قمنا بثورة ..أنا لا أتساءل ..فنحن فعلا قمنا بثورة ..أبهرت العالم ..عذوبة ورقى وفكاهة ...وتصدينا لأعمال بلطجة نتجت عن تصرفات غير مسؤلة من وزير داخلية ندل ورئيس جمهورية جبان ..المسؤولون عن الفراغ الأمنى الذى حدث فجأءة فى بلد بحجم مصر وكأنه خيار بين الحرية وبين الموت وصمد الشعب المصرى وظهر معدنه الأصيل كالعادة – وصنعنا التاريخ كالعادة ووقف مع الثورة من وقف ...ووقف ضدها من وقف ومنذ نزول قوات الجيش إلى الشارع وهى تحظى بتأييد جماهيرى واسه وقوبلت بالورود رغم أنها كانت على الحياد ورغم أنها لم تحرك ساكنا فى موقعة الجمل وتركت دماء الثوار الذكية تسيل من قبل غوغائية النظام السابق ورغم ذلك ...نحينا كل هذا جانبا ونظرنا إلى نصف الكوب المليان وتذكرنا للجيش وللمجلس أنهما لما يستجيبا لأوامر ضرب المتظاهرين وخرج علينا المجلس العسكرى فى كامل بهائه يحتضننا ويضرب تعظيم سلام لشهداء الثورة ...والله العظيم ثورة ...ولإحترامنا للمجلس العسكرى بمجرد ما قالنا ..خلاص روحوا إنتوا وإحنا هانجيبلكم حقكم ..والمثل المصرى بيقول إيه؟؟ ...إللى مالوش كبير بيشتريله كبير ..ودى ثورة شعب وملهاش قيادة ...وضعنا كل أملنا فى ربنا إللى نصرنا ثم فى المجلس العسكرى ...سمعنا الكلام ومشينا

وبما إن فى ثورة قامت ..وأؤكد أنها ثورة مش أى حاجة تانية

ولإنها فعلا ثورة كان من المفترض أن يكون عمل دستور جديد ..يليق بالثورة ومطالبها ويكون هذا الدستور مطلب ثورى من المطالب الرئيسية مثل إسقاط النظام تماما ولكن حبا وإحتراما وتقديرا للمجلس العسكرى قبلنا بمقترح الإستفتاء ..ووضعنا قدمنا داخل دوامة الدستور ولا الإنتخابات ..وأديرت اللعبة بشكل قذر ..ولكنها إرداة الله ..خلاص الإنتخابات أولا والحمد لله

كانوا 9 مواد وبقوا 63 وقلنا مش مهم عادى

وكان فى قبلها فى 9 مارس كشف عذرية وكان فى ...ورصيدنا لديكم يسمح وقلنا مش مهم

المفروض إللى أعرفه طالما إتقالنا روحوا وحقكم هايجيلكم ما نضطرش لنزول الميدان تانى ..ننزل ليه ؟؟

الريس وإتخلع ...والنظام ..وسقط ..والجيش بتاعنا ..هو إللى حاكم البلد ...قالك فى ضغوط من الخليج عشان ما نحاكمش المخلوع ..عملنالوه مليونيات ترفع عنه الحرج والضغوط قالك العجلة واقفة ..نزلنا كلنا نزق والعجلة كانت هاتمشى وتبقى زى الفل ولكن

إيه بقى إللى بيحصل تحت الترابيزة

حد فاهم حاجة يفهمنى ؟؟!!

بعد الفترة القليلة المشرقة فى وزارة الخارجية المصرية شالوا العربى وجابو العرابى ..لييييييييييه ؟؟؟!!!

بعد ما حصلت المصالحة وإتفتحت المعابر وإرتعدت فرائس اليهود جراء ما يجرى فى مصر من حراك يهدد مباشرة أمن إسرائيل – وراجعوا أحداث ذكرى النكبة والمسيرات التى خرجنا فيها وكاانت تشبهه إلى حد كبير فى روعتها مسيرات جمعة الغضب إلى أنها مبطنة بالعقيدة التى تجعل القضية الفلسطينية على رأس أولويات ..مصر الثورة

طار العربى ..الذى جعل الخارجية الإسرائيلية تنتقدنا أكثر من مرة فى إسبوع واحد بسبب أنه صرح أن مصر اخذت على عاتقها إعلان قيام دولة فلسطين فى الأمم المتحدة فى 2012 وبسبب أنه إحتضن المصالحة بين الفرقاء الفلسطينيين ..وفى الوقت ذاته كانت الجبهة الداخلية لا تقل حرارتها وسرعة أحداثها عن الجبهة الخارجية

أحداث كثيرة وجمعات متتالية أسفرت عن وحدة وطنية وحبس فلول النظام ووضع مبارك تحت الإقامة الجبرية وغيرها الكثير من احداث الأشهر الماضية التى لا تخفى عليكم جميعا

............

أحيانا نرجع البطىء فى إتخاذ القرارات من المجلس العسكرى ورئاسة الوزراء ((التى من المفترض أنها ثورية )) إلى إلتهاب الأوضاع وإلى أن المجلس غير مسيس والضغوط وغيرها

وأحيانا نرجعه إلى سيناريوهات خارجية مرتبطة بمعونة أو ((بنظام عالمى )) كثيرا مل يقلقنى هذا المصطلح من جراء قراءاتى لكتب الرائع مصطفى محمود ومشاهداتى لسلسلة القادمون ..أشعر بخطوات تؤخذ فعلا على أرض الواقع أننا ..أقصد دول العالم الثالث والدول العربية والإسلامية أننا مجرد دمى على رقعة الشطرنج العالمية ..كلا له دوره كحائط صد لجهة ما معينة أو لدولة ما معينة فرأينا مثلا أنه أكثر من أدلى بتصريحات جراء ما يحدث فى ليبيا هى حكومة إيطاليا كقوة إستعمارية لليبيا سابقا وفى تونس كانت فرنسا وفى مصر كان الكل يدلى بدلوه لأهمية وحساسية الموقف المصرى وتأثيره على المشهد العالمى

........

أما عن سوريا وما يفرض عليها من عقوبات إقتصادية وإطلاق يد النظام السورى وشعبه لينهك كل منهما الآخر وذلك بالطبع يصب فى المصلحة الإسرائيلية ..وإطلاق يد السعودية كحليف أمريكى فى المنطقة تفعل ما تشاء فى اليمن والبحرين

................

إذن هناك شىء ما غامض ...يحيرنى وأعتقد أنه يحيركم أيضا

لدى بعض الإعتقادات التى لا أريد أتا أصدقها لإنها بمثابة كارثة إن ثبتت صحتها

هل هناك صحة لما يتردد أن هناك سيناريو مسبق للوضع الحالى فى مصر ويتم التعديل والتغيير فيه على حسب الأوضاع الداخلية والخارجية ودرجة حرارتها ؟؟!!

هذا السيناريو المرعب من وجهة نظرى والذى يٌخمن انه بموجبه تم خلع مبارك مع الإبقاء عليه بدون محاكمة هذا السيناريو هو الذى أطاح بالعربى وجاء بالعرابى هذا السيناريو الذى جعل سامى عنان الساعد الأقوى فى المجلس العسكرى المصرى يكون متواجدا فى البنتاجون قبل التنحى بيومين فى الوقت الذى كان فيه مبعوث أمريكا للشرق الأوسط متواجد بالميدان !!

هذا السيناريو الذى سمح للمجلس العسكرى بوضع ال63 مادة التى أطاحت بأناس مثل زويل من السباق الرئاسى ..هذا السيناريو الذى يحاول القائمين عليه جاهدين أن يعيدوا الأوضاع إلى ما كانت عليه قبل الثورة والمتمثل فى نقاط كثيرة جدا أذكر منها على سبيل المثال لا الحصر فترة جس نبض الشارع المصرى التى كانت تتضمن إعتذار مبارك والفترة التى خرج فيها وزراء النظام السابق براءة وبالونة إختبار خروج زكريا عزمى لكبر سنه وخروج الضباط المتهمين بقتل المتظاهرين فى السويس براءة !!! والتى تسبب فى الموجة الثانية للثورة

هذا السيناريو أيضا المتسبب فى الحكم من يومين ببطلان دعوى رفع إسم مبارك من المنشآت والميادين العامة وكأننا لم نثور ...لإننا لو ثورنا حقا لا داعى لذكر إسم أى شخص أيا كان فى مصر الجديدة على أى منشأ

هذا السيناريو الذى تسبب فى أن اللواء ممدوح شاهين خرج علينا ليخبرنا وياللعجب أننا قلنا نعم للمجلس العسكرى وهذا السيناريو الذى جعل اللواء الروينى يتهم بعضنا بالخيانة والعمالة والذى جعل اللواء الفنجرى يهددنا بإصبعه واللذى جعل مكالمة اللواء كاطو تطيح بمذيعة بقيمة دينا عبد الرحمن والذى جعل إلى الأن وجود 11 ألف سجين قابعين خلف قضبان السجون الحربية والذى أعادنا ثانية إلى ميدان التحرير فى فى صيف لا يعلم حرارة شمسه إلا خيرة شباب الوطن الذى يحترق تحتها يوميا تحت مرأى ومسمع وتعنت من القيادة السياسة الحالية التى تقبع هى فى مكاتبها المكيفة التى تتعامل بنفس منطق سيبوهم يتسلوا ..حقا هناك إنجازات كثيرة تحققت على الأرض من بداية إعتصام 8 يوليو إلى الآن ...ولكن ألم نقم بثورة ؟؟!!..لماذا إذا نضطر أن نضغط ونشحت الحرية لتتحقق مطالبنا ؟؟؟!!!

هذا السيناريو أيضا الذى أعتقد أنه متسبب فى هذا الحوار ..الذى قال فيه الدكتور خالد أبو الفضل أن أمريكا تفضل حكم العسكر أو الحكم الوهابى لمصر طبعا كما وضح فى حواره أن هناك إجتماعات مستمرة فى البنتاجون لتحديد ما هو نظام الحكم الأفضل ((للمصالح الأمريكية فى مصر فى الفترة المقبلة ))!!!

ذلك كله فى جهة وفى الجهة الأخرى إنشقاق الصف الداخلى برفع دعاوى التخوين والتكفير والأسلمة والعمالة والخيانة

أنا لا أدعى أنى مسيس ..أنا لا أحمل أى توجها سياسيا يحملنى على إتباع فصيل بعينه ولكنى مواطن مصرى أحلم باليوم الذى يعيش فيه وطنى فى المكانة التى تليق به مؤثرا فى خريطة العالم لا تابعا لأيدولوجيات مسبقة

ولو كنت مسيس فعلا ما كنت إمتنعت عن النزول بعد جمعة الغضب ..قال إيه..إحتراما للجيش لإنه قال إن فى حظر تجول ..فا سمعت الكلام وقعدت فى البيت ..وحينما عاودت النزول يوم 30 فى الأسكندرية وسمعت خطاب لم أكن أنتوى ...صعب عليا الريس ..المخلوع ...الله يخلع قلبه البعيد ...وأفتتنت بلهجة الإنكسار التى كان يتكلم بها ..ولما تبينت الرؤيا أمامى وعاودت النزول إلى الميدان وتعرضت للأراء التحريرية المحررة من شباب مصر الرائع ..إستعدت قوتى الثورية وآثرت الإعتصام فى الميدان

إذن كل ما هنالك أنى مصر مسلم لا أحمل أى أجندة ولا أقوم بعمل ينافى دينى أو أخلاقى ولا أقصى فصيلا بعينه ولا أكفر أو أخون أحدا ولكنى حقا بدأت أن أكفر برموز وطنى

ولذلك كل ما أتمناه فى المرحلة المقبلة أن تنقشع سحابة الخنوع والخضوع لحكوماتنا ((التابعة )) وقيادتنا السياسية وتكون حكومة ثورية ....لالا ...لا أقصد أن الحكومة تأخذ شرعيتها من الميدان ..ولكنى أقصد أن تكون ثائرة ومؤثرة فى السياسات والنظم العالمية

لماذا لا نكون مثل الصين أو فنزويلا أو حتى إيران ((فى المواقف السياسية الخارجية ))لماذ لا نكون مثل البرازيل أو حتى كوبا ..ولنا من إمتيازات ما لا يهمشنا مثل كوبا مثلا وسوف تكون أصدقائنا دولا مثل المذكورة لا تتسم بخيانة الوعد أو العهود المعسولة مثل أمريكا وإسرائيل

من ينظر إلى التحولات السياسية العالمية ويعى أن أمن إسرائيل خط أحمر بالنسبة للإدارة الأوربية بقيادة أمريكا يعنى تماما ومن غير فكاكة

أن أمريكا لا ولن ولم تفكر فى حق أى فرد يعادى إسرائيل على وجهه البسيطة أو يعادى الصهيونية العالمية أو يقوى من شوكة الإسلام والمسلمين ..وإسألوا البوسنة والهرسك وإقرأو تاريخ فلسطين من النكبة إلى الآن وسربنتشيا بل وحرب أكتوبر نفسها شاهدا على التدخل الأمريكى فى شؤننا وهى عدو وهى صديق

أخيرا وليس أخرا

بعد أن تمنيت وجاء اليوم فعلا الذى تقول فيه شعوبنا الخانعة كلمتها وتوحد وراءها صفوف العرب وتجبر الجبابرة على الرحيل

أتمنى جديدا وأدعوا الله أن يطيل فى فى عمرى للوقت الذى أرى فيه حكوماتنا تثور على الأوضاع العالمية وتخرج خارج إطار اللعبة وتعتصم وتجتمع من أجل تغيير موقف دولى واحد نؤثر فيه ونغيره ليس عن طريق الشجب والإدانة والرفض ولكن عن طريق الأفعال وتكون لنا سياستنا النابعة من مصالحنا ومصاح شعوبنا وليست لأى أيدولوجيات مسبقة لصالح أناس أخرون

والله الموفق والمستعان

المنســـــ27 ــــ7 ـــ2011ـــــى

قراءة فى الثورات العربية

2011-07-28T01:08:00.000-07:00

تستطيع أن تقول فقدان الكرامة فى المقام الأول و من دعى إلى الثورات العربية فى توقيت واحد على أنظمة جاءت أيضا فى توقيت واحد هو التالى للحقبة الإستعمارية التى أفقدتنا شيئا من هويتنا ...ولإننا كنا ندين لأنظمة الحكم هذه بشىء ما من الإحترام لإنها من ثار على الإستعمار وحقق الإستقلال فى معظم أنظمتنا العربية فكنا لا نعى حتى حق الإعتراض عليها ولكن ما زاد الطين بلة التقدم المذهل لدول العالم الذى جعلنا نتذيل القوائم الإحصائية دائما ..حتى فى أبسط الأشياء فى الوقت الذى علماؤنا وفلذات أكبادنا يتقلدون أرفع المناصب فى هذه الدول وإسئلوا الباز وزويل وإشتدت طاقة الثورة أكثر حينما إنتهكت حقوق المواطنين فى البلدان العربية .... كافة الحقوق السياسية والعقائدية ..إلخ ..مما جعل شكل المواطن العربى فى العالم كله وكأنه بشر من كوكب أخر ..معدوم الإحساس بكرامته ..يعيش أيامه فى سلسلة من ممارسات الخنوع والخضوع والذل ...إلى أن وقعت حادثة خالد سعيد ..أو البو عزيزى ..أو إنتخابات 2010 ...أو الكثير من الحوادث فى مصر والدول العربية التى أدت بشكل مباشر أن يثور العرب على الأنظمة التى قدموا لها فروض الولاء والطاعة كثيرا ...الأنظمة التى لم تستطع على الأقل فى ظل خنوعها وخضوعها أن تعمل على توحيد صفها وتحقيق الحد الأدنى من الكرامة والعدالة والعيش الكريم لمواطنيها ...ٌقامت ثورة تونس وتوالت بعدها الثورات العربية المباركة فى الوطن الكبير ولإننا على يد الملوك والرؤساء العرب ...عليهم جميعا من الله ما يستحقون ...أصبحنا مجرد قطع على رقعة شطرنج يحركها الغرب بقيادة أمريكا وتدابير إسرائيل

ولذلك

تم التعامل مع كل ثورة بشكل ما مختلف

ليس لحساب الثوار اللذين ثاروا على الظلم واللذين يطالبون بأبسط حقوق العيش الآدمية

عفوا

الغرب يطبق مبادئه لصالحه فقط

من هذا المعتوه الذى يعتقد أن دم المصرى له إحترامه وقدسيته عند أمريكا مثلا ؟؟!!!

أو دم الليبى له ذلك عند إيطاليا ؟؟!!

أو دم التونسى له ذلك عند فرنسا ؟؟!!

إن هذه الدول جل آمالها فى الحياة أن تستيقظ يوما ما لم تجدنا على وجه البسيطة

وإذا سألت نفسك لماذا تم التعامل المباشر مع الثورة المصرية ((التى أثرت على الإقتصاد العالمى ))وأربكت سيناريوهات السياسة الدولية ...,التى أيضا تحمل كل القيم العظمى من السلمية والتحضر والرقى ما تحمله

ولكن هل جاءت أوامر مباشرة بتنحى مبارك ؟؟

لإن الثورة المصرية تسببت فى صداع للأنظمة الأوروبية ..وإذا سألت نفسك أيضا ..لماذا لم يتم رد الفعل تجاه ثورة ليبيا أو اليمن أو البحرين أو ((سوريا ))؟؟!

أو غيرها من الثورات العربية

تونس ..بن على قصر على شعبه الموضوع وفر هاربا ..أما بشار أصر على إبادة شعبه فما كان رأى منظمة المؤتمر الإسلامى ؟؟ أو جامعة الدول العربية ؟ أو الأمم المتحدة أو منظمات حقوق الإنسان العالمية ؟ مجرد كلام

كذلك الوضع فى ليبيا تدخلات غير موفقة للناتو

كذلك اليمن الذى لم يحدد مصيره بعد

ببساطة إن لم يكن الغرب مستفيد بشكل ما أو بأخر من خنوع وخضوع وذل الشعوب العربية ..كان لا يلزم الصمت هكذا ..ولو كانت منظمة المؤتمر الإسلامى أ و الأفريقى أو الجامعة العربية بها من يحترمون هذه الشعوب ويبقون عليها ..لكان الوضع تغير كثيرا ...

وهو ما حملنى أنا أفكر بمنطق نظرية المؤامرة

لقد أصبحنا حكومات وشعوب مجرد دمى فى النظام العالمى الجديد الذى زرع إسرائيل وجعل لها أنياب ومخالب وأباد البوسنة وأنهى العراق وأغرق الصومال وقسم السودان ويتوغل فى دول حوض النيل ليحاصرنا

نحن كحكومات وكمواطنين وشعوب عربية وإسلامية أصبحنا لا نحتاج إلى أن نثور نحن كشعوب فالشعب باقى وواعى وإرادة الله ستتحقق فى النهاية ولكنها تفتقد فقط الأسباب ..نحن أصبحنا نحتاج إلى حكومات تثور على النظام العالمى الذى يحاولون ترويضنا كى نرضى به ...نحن نحتاج حقا نظام عالمى جديد يخدمنا نحن

المنــــ27 ــــ7 ـــــ2011ــــى

مصر المنحوسة

2011-07-27T13:49:00.001-07:00

لا أدرى من أين تكون البداية تحديدا لإنى منذ فترة وأنا أريد أنا اخرج هذا المقال إلى النور ولكنى لا أستطيع ..وهناك ما يدور بداخلى من صراعات كثيرة ورؤى عديدة ووجهات نظر أود أن أطرحها للنقاش لنصل معا إلى أرضية ترشدنا جميعا إلى الطريق الصواب إن أمكن إن شاء الله

شوية سعة صدر بقى

هو إحنا فعلا كشعب مصر ..شعب عظيم ؟؟!! – هى فعلا مصر ..محروسة ؟؟!! انا وإنتوا كمان عارفين إننا شعب زى الفل وشعب طيب وجدع وشهم ..إلخ ..وده مش إخلاص مننا بس ..- ده تكريم من ربنا إللى ذكر مصر فى القرآن أكثر من مرة والنبى (ص) الذى كان له فى مصر نسبا وصهرا ...وإحنا دايما عارفين الكلام ده – لكن إللى عايز أتكلم فيه دلوقتى ...إنى حقيقى نفس أفرح ...الفرحة وحشتنى ..نفس مصر كلها تفرح بإنجاز حلو كده مايكونش كروى ولا رياضى ولا معنوى ونفرح فرحة كاملة ...ليه دايما فرحتنا منقوصة ...الشعب العظيم وشعب البطولات وشعب الإنجازات ومصر المحروسة بقالها كتير أوى ..منحوسة ..تعالوا كده نراجع مع بعض ومحدش يتضايق إنه هيلاقى نظرية المؤامرة مسيطرة على كلامى شوية ..ده راجع لإنى فعلا قلقان من إللى بيجرى حوالينا ..ده غير إن لسة منتهى من قراءة كتاب مصطفى محمود بعنوان الإسلام السياسى والمعركة القادمة ..ونظرية المؤامرة المتفشية بين سطور هذا الكتاب الرائع التى تحاك لمصر وللعرب وللمسلمين وفى كتب أخرى لمصطفى محمود هى ليست بنظرية مؤامرة ولكن هو واقع حقيقى نعيشه يوما بيوم لكننا ندفن رؤوسنا دوما فى الرمل كى لا نعرف عنه ولا نصدقه ..

المهم – تعالوا كده نشوف مايسمى بالعصر الحديث – إللى أصبحنا فيه دولة منحوسة بدلا من كونها محروسة ..على فكرة انا مش مذاكر تاريخ أوى ولا قريت كتير عن الثوارات المصرية ..بس يلا بينا هنفكر بعض ..هى ثورة عرابى قامت على ظلم الخديوى مش كده ؟؟ ..وإيه إللى حصل ؟؟ توجت بالإحتلال الإنجليزى لمصر ..صح ؟

وثورة 19 قامت ليه أساسا ...مش ضد الإحتلال البريطانى ..وعشان الوحدة الوطنية ورفض الأحكام العرفية وكده كان فى إنجازات أكيد ..هتشوفوها هنا ..ولكن برضو خلصنا وإحنا ما زلنا محتلين ...وثورة 52 بقى التى تعد من الصفحات المشرقة ليست فى تاريخ مصر بس ولكنها ألهمت ثوار العالم أجمع مثل غاندى وجيفارا وكاسترو وحررت ليس مصر فقط ولكن ساهمت فى تحرير العديد من البلدان المستعمرة ...وشالت الملك ومشت الإنجليز ..وبعد كده؟؟ ...طار نجيب وجه ناصر وألاف المعتقلين وجه اليهود و100 ألف جندى مصرى ماتوا قبل ما يفكروا يرفعوا سلاحهم وظلت الفرحة منقوصة ..هو إحنا مش مكتوب لنا نفرح يعنى ؟؟!!

ده كل قتلى عصر مبارك ماحصلوش عدد ال100 ألف ..والقومية العربية إللى زى ما قال مصطفى محمود إتحققت على الورق بس وطار ناصر وطارت القومية وطار الإستقلال وخسرنا الجلد والسقط فى مرحلة بها من الغموض إلى الآن ما بها ..وجاء الخليفة ..بطل الحرب والسلام ..الرئيس السادات الذى أيضا حقق العبور العظيم وقبل ما نلحق نفرح برضو أٌعقب بإتفاقية السلام.. سبب ما نعانيه إلى الآن ..التى يقول عنها خبراء القانون الدولى أنها أكبر إنجاز سياسى فى العصر الحديث ...لصالح إسرائيل ...والتى تسببت فى رفع يد مصر من المواجهة لتترك العرب والعروبة جسدا مسجى لتعبث بها يد أمريكا وإسرائيل ..وده طبعا غير الإنفتاح المفتوح المنفتح وما أدراك ما الإنفتاح ..وسرعان برضو ما طار السادات وسابلنا إنفتاحه وطارت معاه ذكرياته بحلوها ومرها وجاء الموكوس مع حفاوة الكلام عن الضربة الجوية ضربة فى قلبه البعيد الذى أكمل مسيرة الإنفتاح والتطبيع وجعل من مصر حقلا لتجارب البذور المسرطنة ويدخل هذا الوطن وهذا الشعب مرحلة جديدة من حرقة الدم وإنجازات مبارك مفيش داعى لسردها يعنى ...ونبى قولولى ..دى تبقى بلد

محروسة ؟؟؟ ولا منحوسة ؟؟؟

إيه يامصر ..إيه يا أم الطيبين ..إللى حكموا فى الزمان ده يبقوا مين ...دين أبوهم ..إسمه إيه

حد يعرف فيكوا دين ...

كل أتباعوا لصوص أو.... قوادين ...

في المعاصي مولودين ...في الكراسي مأبدين...

في التفاهه معدودين ... في السفاهه مفرودين ...

عالبلاهه مسنودين ...للشراهه مجندين ...

عالقرف متعودين ... عالشرف متمردين...

عالوطن متنمردين ... بالخيانه موحدين

اللي يعرف دين كده يقولي عليه ؟؟؟

دين أبوهم أسمه أيه ؟؟؟

جمال بخيت

المنســـ26 ــــ 7 ــــ 2011 ـــــى

قصة السرب 36 قناصة

2011-03-25T15:16:00.000-07:00

قصة ستسمعون فى الأيام القادمة الكثير مثلها من من كانت لهم حكاية مع الثورة من يومها الأول – ستعرفون معنى العنوان بعد قليل – الزمن ..25 يناير الساعة 11.30 صباحا ..المكان – أمام التوحيد والنور الماثل بشارع السودان بالدقى ..إستقليت سيارة كان بداخلها أصدقائى – شريف الفاتح – هشام الجرف – مراد عبد السلام ودكتور بشرى معرفوش – إنتقلنا بعدها إلى مقر حزب الجبهة .ركنا العربية هناك وسيرنا على الأقدام إلى مسجد الحامدية الشاذلية فى شارع وادى النيل بالدقى والمؤدى إلى مسجد مصطفى محمود ..الطرقات خالية تماما إلا من ثكنات الأمن المركزى التى مررنا عليها بالسيارة ..صلينا الظهر فى مسجد الحامدية الشاذلية وبعدها إنتقلنا إلى مقهى بجوار ميت عقبة إنضملنا هناك صديقنا أسامة سليمان- مشير أبو الفتوح وأحمد عزت قرينا جرايدنا – تجاذبنا أطراف الحديث – شربنا أحلى شاى – وبدأنا رحلة البحث عن أى متظاهر ..عدنا إلى نقطة البداية بالقرب من مسجد الحامدية الشاذلية كانت الساعة واحدة تقريبا وبعض الناس واقفة فى تجمعات تتراوح الأعداد بين 5:6 أفراد أكثر من تجمع شباب وبنات وأخذنا فى تبادل النظرات فى توجس إلى ان أخد أحد الشباب المبادرة وإنطلقت شرارة الثورة بعبارة – يسقط يسقط حسنى مبارك – ومنها إلى عيش حرية كرامة إنسانية – وبدأنا التحرك كنا حوالى 30:40 فرد (وده إللى خلانى سميته 36 ..وقناصة لإننا مش مجرد مظاهرة طالعة فى ميدان عام ..لأ كان الهدف إننا نمشى فى الشوراع الداخلية عشان نوصل صوتنا أكتر عدد من الناس وقد كان ..كنا عاملين زى كرة التلج ))أو ده كان هدفنا ..إننا نلم أكبر عدد من الناس – شوية وظهر اللواء أركان حرب تامر عبد الوهاب قائد السرب 36 قناصة إللى مبقاش 36 كنا وصلنا حوالى 200 ولا 300 (انا ما بعرفش أعد على فكرة ) تامر انا معرفوش بس عرفته بعد كده ..وبالتنسيق مع عيون السرب مشير أبو الفتوح هو وبعض الناس إللى معرفهمش من الجنود المجهولين ومنفذى العمليات الإنتحارية فى السرب كنا بنزوغ من الأمن فى الشوراع الجانبية والعدد بيكتر وبيكتر والفكرة بتنجح وبتنجح وشكلنا بيحلو أكتر وأكتر على العصر كده كنا وصلنا 600 أو أكتر ..بس ما أعتقدش إننا وصلنا ألف ..وكنا بنلف فى الشوارع الداخلية مرددين هتافات مثل – عيش حرية كرامة وإنسانية – ويأهالينا ضموا علينا ..إحنا إخوتكم إحنا ولادكم ..إحنا بنعمل كده علشانكم ..وعلى وعلى وعلى الصوت إللى هايهتف مش هيموت – ويسقط يسقط حسنى مبارك – وباطل – باطل – حسنى مبارك زبعض الوزراء – وأه ..يابلدنا ..ياتكية ..ياوسية ...سرقوكى الحرامية ...نهبوكى الحرامية ..- ومصر يا أم ,,ولادك أهم ..بناتك أهم ..دول علشانك شالو الهم ...دول يفدوكى بالروح والدم ..ولا هو عدلى ولا حبيب إرحل ياوزير التعذيب – و ولا حبيب ولا عدلى إللى يعذب ناسى وأهلى ..وعيشة ياوزيرة الندامة ..فالحة فى تصدير الخدامة – وغيرها من الشعارات إللى أقل ما يقال عنها إنها إبداعية –وجدير بالذكر هنا إنه بعد ما صوت الشباب لإنه ضخم وتخين والحنجر باظت من الإنفعال صوت الشباب راح كانت البنــــــات هى إللى بتهتف وتقود المظاهرة وإللى عرفتها منهم كانت خلود التانبولى - إستمرينا فى اللف فى الشوارع الجانبية لحد ما بقتش عارف انا فى الدقى ولا المهندسين ولا فين بالظبط ..وعلى أخر النهارد فى المغربية كده وصلنا على الكورنيش وكنا عايزين ندخل من مكان هو كان هيودى على التحرير بس الأمن ما سبناش نعدى وبعد مفاوضات وشد وجذب وأنباء عن إحتشاد إخواتنا فى التحرير وسد كل المنافذ المؤدية من وإلى التحرير فى الوقت ده كنا وصلنا حوالى 2000 وكنا بقالنا 6 ساعات تقريبا بنمشى فى الشوراع والعدد بيزيد رجعنا نلف تانى فى شوارع داخلية لحد ما وصلنا عند كوبرى معرفش برضو هو كوبرى إيه ومكنتش مركز أسأل حد بس هو كان قريب من محطة مترو الدقى على بعد 15 دقيقة تقريبا منها ...لقينا عند الكوبرى قوات أمن أكتر من المتظاهرين نفسهم كانت الناس خلاص جابت أخرهم ...وكانوا بيحاولو يعدوا من قوات الأمن لكن كل المحاولات باءت بالفشل وأحيانا نذقهم ونرجعهم لورا وأحيانا يجروا ورانا ويفرقونا بس كنا بنرجع تانى ..وشوية وظهرت مظاهرة ورا قوات الأمن إللى كنت واقفة بقينا مظاهرة من وراهم ومظاهرة من قدامهم راحوا سابو إللى وراهم تعدى نحيتنا وإنضمينا على بعض فى مشهد انا مش قادر أوصفه وفى الأخر قعدنا على الأرض وكان فى ولد زى السكر كان بيقول شعر نجم ده ووشوية والأمن بدأ يضرب عشان يمشى الطريق ..بس الحمد لله ما نابنيش من الحب جانب وبعد ما فشلت كل المحاولات رجعنا فى نفس الشارع ده بس الناحية التانية وبعد 15 دقيقة تقريبا كنا وصلنا لمحطة مترو الدقى ..روحنا انا وعزت وبعدها بنص ساعة كنت فى بيتنا ..مش حاسس ولا سامع ولا شايف غير إنى أطمنت على صحابنا إللى كانوا معانا وعرفت إنهم ركبوا أتوبيس وراحو التحرير وإنضموا للمتظاهرين هناك وبدأ أول يوم إعتصام .تواصلت على الفيس لأنقل أخر الأخبار ومعرفة أخبار التحرير ..إتهديت ونمت وتانى يوم بعد صباح الخير مباشرة على التحرير ..بس المرة دى من غير السرب .

تمت

إلى السودان الشقيـــــــــــق

2011-01-07T00:53:00.000-08:00

عام هجرى جديد ..وأخر ميلادى جديد ..ينذر بقدوم حدث أخر جديد وكارثة أخرى جديدة نحو ما يطلقون عليه الشرق الأوسط الجديد أو النظام العالمى الجديد
منذ قرن تقريبا ونحن داخل لعبة كبيرة ..من نحن ؟ نحن سكان الأرض .. شعوبا ..وحكومات أحيانا ..مثل رقعة شطرنج كلا يٌحرك ليس بإرادته – ولكن بإرادة اللاعب الوحيد والأوحد الذى ينافس نفسه ..وكلا منا يؤدى دوره بمنتهى الأمانة والإخلاص ويعتقد أنه يفعل ما يريد ولا يدرى ...أو يدرى فى بعض الأحيان أن هناك من أراد له ذلك ..أو إضطره لهذه الحركة أو اللعبة . وأننا جميعا دٌمى داخل رقعة شطرنجية عالمية فيها العسكرى – مثل الوزير- ॥الكل له دور ॥ولكن مع فارق الإمكانيات وطريقة التفكير والتنفيذ لكل دور وكل قطعة । مثل الملك

قرن من الزمان.. حدثت خلاله الحرب العالمية الأولى لخدمة من ؟ والحرب العالمية الثانية ؟ وإنتهى الإتحاد السوفيتى والإمبراطورية النازية وزرعت إسرائيل فى قلب الوطن العربى الذى يمثل نبض الجسد الإسلامى ..وحدها فلسطين ..تأبى وترفض النسيان ..ترفض ان تصبح أندلسا أخرى ...نستطيع ان نقول ان تدابير صهيونية وراء كل هذه الأحداث ..نستطيع ؟ نعـــــــــم ..صهيونية وليست يهودية والفرق بينهما كبير .
قرن من الزمان يتأخر العرب إلى الوراء وفى مقدمتهم مصر ..قرن من الزمان يتلاعب بإرادتهم ويُستخف بآرائهم قرن من الزمان ويد جراح ماهر فاسد فى نفس الوقت تستئصل كل بؤرة إصلاح وتطفىء كل شعاع نور وتطمس كل بارقة أمل ..قرن من الزمان ونحن ننقسم ونتقاسم ونتباعد ...فلسطين – إيران – العراق – الكويت – الصومال – لبنان – دارفور والسودان وماخفى كان أعظم فى مصر وقطر والسعودية والأردن وغيرها ...نتراجع ونتخلف ونتدهور فى إستمرار مخيف وبخطى ثابتة إلى الوراء .
يد جراح ..تستئصل وتقسم وتجرح وتبطش وتقتل ونحن فى غياب تام كالجسد المسجى فى غرفة العمليات الغائب عن الوعى ..الكثير من الجرائم ترتكب بإسم العرب والعروبة تارة والإسلام والمسلمين تارة أخرى ..حكومات وحكومات وأنظمة إستخباراتية بالكامل وعالم من رجال المال والأعمال والإعلام ..الكل يعمل فى بوتقة واحدة والهدف واحد ..النظام العالمى الجديد..الذى لا يتم إكتمال صورته إلا بالقضاء على العرب والمسلمين ...وقيام دولة إسرائيل ..نعم إنها ليست مجرد دولة صغيرة إنها فكرة عظيمة ..نظام عالمى جديد ..؟؟هذه هى كلمة السر
الوطن الأم – أرض المعاد وتأمينها بالطبع!! وتلبية كل إحتياجات شعب الله المختار من مياه وثروات الشرق حتى ولو كان كل العرب دروع بشرية فداء لذلك .
أصبحت أشعر بأنى أعيش داخل نظرية مؤامرة كبيرة يطول التحدث عنها وعن أسبابها ونتائجها ولكنها بالفعل موجودة ونحن بالفعل نعيش بداخلها ..سواء كنا مدركين ذلك أم لا ...ونسير بالضبط فى الطريق المرسوم ولا نود ان نحيد عنه يمنة أو يسرة ..والآن وفى بداية عام جديد وعقد جديد أيضا وبعد بضع أيام خطوة جديدة على الطريق.. نفس الطريق ..ونفس يد الجراح الماهر
طريق الشر ..المحفوف ببعض الشعارات ..الديمقراطية – الطائفية – محاربة الإرهاب – محاربة الحكام الديكتاتوريون – وغيرها الكثير والكثير – فبعد بضعة أيام سنتلقى بكل أسف صفعة جديدة على جبهة الوطن العربى الكبير نتلقى مسمارا أخر فى نعش الوطن نتلقاه بكل خشوع وخضوع ((كعادتنا)) مسمار أخر وضربة أخرى هى ببساطة ..تمزيق الســــــــــــــودان
اليوم إلى شمال وجنوب
وغدا إلى شمال وجنوب ودارفور وبعد غد ينتقل الدور إلى ضحية أخرى لدق مسمار أخر فى نعش الوطن العربى ...نعم ..هى ببساطة سياسة فرق ..تسد
التى ننفذها دون أن نرهقهم أو دون حروب ومواجهات شكلية على الأقل ..دويلات ودويلات يسهل القضاء عليها واحدة تلو الأخرى مثل قطيع الغنم التائه فى الصحراء ..يصطادها الذئب واحدة تلو الأخرى
إن لم تقضى هى على نفسها ..شمال وجنوب ..مسلم ومسيحى ...غنى وفقير ..وتقاسم ثروات ..ونزاعات.طبقية ..بترول ..نيل ..معونات أجنبية ..سلاح ..أموال ..حروب أهلية طاحنة ..يخرج منها الوطن بلا مواطنين وبلا شعب وبلا حب وبلا شىء
هذا هو الطريق المرسوم بكل بساطة بعد يومين سيتم عمل إستفتاء 9 يناير لتمزيق السودان ((لا أدرى لماذا كلما قرأت أو قلت 9 يناير تذكرت وعد بلفور المفجع 2 نوفمبر 1917 )) لجعل الشعب الذى كان يوما بالإضافة إلى الشعب الذى.كان.يوما.بالإضافة.إلى.الشعب.المصرى.شعبا.واحدا...إلى.شعبين..وغدا إلى ثلاثة أو أربعة وذلك بالتستر تحت شعار الحرية الدينية تارة وإمتلاك أسلحة تارة ومجابهة حاكم ظالم تارة أخرى ..عراق أخر ..وليس العراق منا ببعيد سقوط العراق كان فى العقد الأول من الألفية ..هل سقوط السودان سيكون فى بداية العقد الثانى؟؟؟ ..سقوط العراق كان رغما عنه ..هل سقوط السودان سيكون بمحض إرادته ؟؟؟
تساؤلات وتساؤلات لا أجد لها تفسيرا
أسأل كل الأخوة السودانين مسيحين كانوا أو مسلمين أو حتى يهود ..نار صدام حسين فى العراق كانت الأفضل ..أم جنة الأمريكان ؟؟؟
السودان الشقيق ...إخوتى فى العروبة ...إخوتى فى الإنسانية ..أبناء القارة الأم ..أبناء إفريقيا ..إلى منظمة المؤتمر الإسلامى ...إلى منظمة المؤتمر الإفريقى ...إلى جامعة الدول العربية ...إلى كل مواطن عربى أو إفريقى ..مسلم أو مسيحى ..يستطيع أن يفكر فى مستقبل السودان
نظرة تأمل
ننسى خلالها الذاتية والمصالح والمناصب ..لحظة تأمل نفكر فيها فقط من أجل السودان ووحدته وإستقلاليته ودوامه
من المستفيد من تمزيق السودان ؟
ولماذا الآن ... السودان فى حروب أهلية طاحنة منذ عقود ...لماذا فى بداية العقد الثانى ..لماذا تزامنا مع وجود توترات فى كوتديفوار ..اليس من الغريب أن تتزامن تفجيرات كنيسة القديسين فى الإسكندرية فى بداية 2011 ...مع الإستفتاء الذى سيجرى يوم 9 يناير ..أعرف إن موعد الإستفتاء محدد سابقا ..ولكن من يدرى أن موعد التفجيرات أيضا محدد سابقا وغير ذلك على الصعيد السياسى العالم كله فى هذه الآونة تتجه أنظاره نحو مصر لينظر هل تأكلها الفتن الطائفية ؟؟ أم أن مصر كعادتها تأتى بغير المتوقع فى الوقت نفسه نسينا جميعا مشكلة السودان للنظر إلى شأننا الداخلى ونداوى جراح إخوتنا الجرحى ونأخذ بيد أهالى شهداء يد الغدر التى ما أنزل الله بها من سلطان ..ليلتهب المسرح فى السودان دون أن نستطيع حتى المشاهدة ..ولا التصفيق ... صدفة ...أليس كذلك ؟؟؟
انا لا أستبق الأحداث ولا أستطيع تحديد الجانى ولا أنفى التهمة عن أبناء وطنى ولا أستطيع فعل شيء غير أنى
عفوا
أدعى أنى واحد من هؤلاء المجانين اللذين يمارسون هواية التفكير فى زمن يحكمنا فيه مجموعة من الحمقى والمغفلين
أليس من الغريب أن تبدأ السنة الجديدة والعقد الجديد بعشرات القتلى والجرحى فى أكبر دولة فى المنطقة وعلى حدود السودان وقبيل أيام من الإستفتاء والحادث مصبوغ بطابع طائفى ..أليس هذا يدعم رأى مؤيدى الإنقسام ..أبسط ما يقال ..إن لم ننقسم الأن سيتحول علينا مسلمون الشمال للتخلص منا كما فعل مسلمى مصر ..أليس هذا يعتبر تحليل جيد لدى بعض الناس التى تترك نفسها لتسبح مع تيارات الإعلام العالمى المأجور أليس هذا بتحليل جيد لإصحاب النفوس الضعيفة؟؟؟
أسأل مرة أخرى ..من المستفيد من تمزيق السودان ؟؟
إخوتى فى السودان ..تعتقدون أنكم بقرار التمزيق ..ستحصلون على حقوقكم ..انكم سترضون ربكم أو دينكم ..أيا كنتم مسيحيين أو مسلميين ...فلندع للعقل فرصة للتفكير والتدبير وإتخاذ القرار المناسب وللنظر إلى فلسطين ولنأخذ العبرة من العراق
العراق الذى أيضا يحوم حوله قرار التقسيم الذى يخدم بكل أمانة الشرق الأوسط الذى يحلمون به ..الذى يخدم مصالحهم الذى يقوم بتوصيل كنوز الشرق إلى سفاحين الغرب أو للدقة.... للسفاحين من حكومات الغرب ....فالغرب بكل علمه وعلماءه وتقدمه يحتوى على الكثير من النبل والإنسانية والقيم ..ولكن للأسف كما ذكرت يحكمنا فى هذا العالم مجموعة من الآفاقين والمنافقين يعلمون جميعا أنهم على باطل (( إلا أقل القليل ممن رحم الله )) يعملون جميــعا من أجل خدمة أجندة كبيرة خفية تسمى (الصهيونية ) للأسف أحاول أن لا أقنع نفسى بذلك ولكنها الحقيقة
إخوتى فى الســـــــــــودان.وفى.كل الوطن العربى بمسلميه ومسيحيه وفى كل أفريقيا
لحظة للعقل ..للتفكير ..للتدبر ..لنكران الذات ..والتفكير فقط فى مستقبل الســــــودان ...شعب واحد ..دم واحد ..وطن واحد ..رغم تعدد الديانات ...فنحن جميعا إخوة بشر قبل كل شىء
لابد أن نعى تماما معنى كلام الله
لكم دينكم ولى دين
يعيش السودان حر ومتوحد ومستقل ..وتحيا العروبة
مواطن ..مصرى عربى

نوبل بالمصرى

2010-12-20T01:06:00.000-08:00

بداية لمن لا يعرف نوبل ..أو ..نموذج محاكاة جائزة نوبل ॥هعرفهم تعريف بسيط جدااا..ببساطة هما شوية ناس بيحبوا مصر ..حب حب ..مش أغانى وأشعار ..ولا هتافات وثوار ..حب يعنى إيدين بتبنى ..إيدين بتعمر ..إيدين بتداوى وبيطيب ...إيدين حنونة ..بتحب تطبطب ..بس وقت الجد بتنحت فى الصخر ..عشان تنور وتنور ..يعنى حب بشكل عملى ...حب يعنى عملت كذا وقدمت كذا ..طب بس بس بيعملوا إيه نوبل دول ياعم الوطنى إنت

هقولك ياسيدى ...دول مجموعة شباب بيعملوا حاجة لذيذة أوى ..اى حد عنده فكرة بحثية فى أى فرع من فروع جائزة نوبل ...إيه بيدولوه جايئزة نوبل ؟؟؟؟!!!!

لأ ياعم أصبر بس ..هو بيكون عنده الفكرة بس واقف .ممكن يكون مش عارف يكمل ..مش لاقى حد معاه يساعده وياخد رأيه ...مش واثق من نفسه ...ممكن يكون محتاج تمويل ...وشوية فى لحظة من إياهم يقول ..ياعم فكك هو انا إللى هبقى زويل التانى يعنى ..ماهى خربانة خربانة ...

نوبل بياخدوه فى المرحلة دى ...بيساندوه ويحفزوه ويعلموه وفى نفسه يوثقوه وعلى شغله ومستقبل بلده يأمنوه ويستأمنوه وفى بلده يحببوه ..ويدلعوه ويهننوه وده طبعا إيمانا منهم

بالمشاركة الفعالة ..والمشاركة الإيجابية ..والمشاركة الحتمية ..المشاركة الكويسة والحلوة :D:D

طبعا إللى حضروا يوم الإفتتاح فاهمنى :D

المهم بياخدوا الطالب ده ..عايز ممول ماشى ..عايز كورسات ماشى ...عايز يتعلم حاجة مش عارفها .مايضرش ...وقت ما يقع ودى حاجة بنوصلها كلنا ..عايز حد ياخد بإيده ..هيلاقى ...إزاى تسوق فكرتك وتعرضها ..كل حاجة ممكن تتعلمها فى نوبل بحيث إنك تطلع فى ا لأخر بحث علمى محترم ممكن يفيدك ويفيدنى ويفيد ...مصر ....

وده كله فى مقابل إيه – حاجة بسيطة أوى

إيه ده إنت هاتطلب فلوس ؟؟؟!!!!

لا ياعم أصبر بس ..اهو إنت دايما متسرع كده وموترنى

أومال إيه الحاجة البسيطة دى ؟؟

الحب ....حب ؟؟؟ حب مين ياهندسة مش بتقول علوم وأبحاث ونوبل ..هو فى جائزة نوبل فى الحب ؟؟؟

لأ

حب مصر ..حب البلد دى ......والعمل من اجل رفعتها وتقدمها .. وحب الإنتماء ليها..الإنتماء إللى بننسى شكله وطعمه ولونه يوم بعد يوم ..فى إشارة مرور ولا قسم بوليس ولا طابور فى أى هيئة حكومية ولا فى مسلسل تلفزيون ورغم كل حاجة وحشة حوالينا ..لسة بيطلع من وسط الظلمة ناس مؤمنة ..بإن الطريق فعلا مظلم وحالك ..فإن لم تحترق انا وأنت فمن سينير الطريق ...جيفارا...

مش عايزين يسبيوا البلد ولا عايزينك تسيبها ॥ولا عايزين يثبتوا نفسهم فى أى مكان تانى ...ولا دولة تانية ॥لأ هيفضلوا هنا ..متأكدينإن بلدنا محتاجانا ..يفضلوا فى وسط الوحل هنا وهنفضل معاهم وهيستقطعوا من وقتهم وجهدهم ومالهم ودراستهم وصحتهم عشان يدوك ويدونى ويدوا مصر ...ومتقوليش।هى مصر إديتنى إيه ॥ومش هقولك لإن هندخل فى كلام كبير لإن أفضالها علينا كتيرة ..على فكرة ..مش نوبل بس إللى كده ..فى ناس كتيرة كده ..بس إللى إتعاملت معاهم بشكل مباشر كانوا نوبل وإلى وقفوا معانا فى نايل تيم بشكل مباشر كانوا نوبل ..وعشان كده بنوجهلهم تحية حب وإجلال وتقدير وتوقير ورسالة شكر للأسف قلمى عاجز عن إنه يكتب كلماتها ।نوبل..ناس ..مش بتقرا لنفسها أو عشان بس مستقبلها ..مش بس بتتعلم عشان نفسها ..مش بس بتعمل خير عشان دى حاجة كويسة كده وخلاص ..لأ ..فى هدف أسمى من كل ده فى الأخر ..الهدف ده انا وإنت وكل مصرى وكل عربى محب لوطنه ومحب للعلم ومحب إنه يكون منتج للعلم مش مستهلك ليه ..

انا عارف إنى مهما كتبت مش هقدر أديكم حقكم

شكرا نوبل على حفلة إفتتاح الموسم الجديد

شكرا لأى حد أو أى جهة ساهمت فى إنجاح اليوم ده

شكرا لكل الباحثين إلى متقدمين بمشاريع

شكرا لكل الضيوف إللى حضروا

شكرا لنايل تيم إللى فى وسطيهم إتعلمت وبتعلم كل يوم الكثير والكثير

شكرا لكل مصرى مؤمن بإن بلده ليها حق عليه ..شكرا لأى حد بيعمل لخدمة العلم فى مصر وتأكدوا إن دايما ..قوتنا فى عددنا ...لما نكتر أكتر وأكتر ..ونحط إيدينا فى إيدين بعض ..هنقدر وقتها فعلا نعلن عن نفسنا ونقول فعلا نحن قادرين على إنجاز ..............تقدم مصـــــــــــــــر

أسف للإطالة

تفوقنا هو سر تأخرنا

2010-12-06T02:16:00.000-08:00

لا أحب أنا أستمر فى القول بإن المصرى هو الأفضل والأتقن طول الوقت حتى لا يعتقد البعض اننى أرتفع بالمصرى فوق مرتبة البشر العاديين وولا أحب أيضا ..إنى أستمر فى سرد صفات المصرى ..الشهم – الجدع – الشجاع – القوى – الذكى – المقدام – المبتكر – الخلاق – المبدع – الدكتور – المهندس- إلخ – إلخ – إلخ المصرى يعنى الكفاءة ..يعنى الرجولة فى الأداء فى أى مجال ..المصرى حالة ربنا خلقها كده..ملهاااااش تفسير

غيرى إنه مصرى

مش موجود عند أى حد تانى ..بس ما ننساش ..مبروم على مبروم مايرولش

يعنى ؟ يعنى مصرى ما ينفعش يلعب على مصرى ..عيـــــب مش على بابا ..المهم ..ندخل فى الموضوع ..عدت الإنتخابات البرلماانية كما توقعها الكثيرين تمااااااااما .... وتعتبر هذه الإنتخابات صفعة جديدة وكبيرة ومدوية على وجه الشعب المصرى والمعارضة والإخوان ومنظمات حقوق الإنسان بل وعلى وجه العالم أجمع

من الآخر كده ضربة معلم

إيه ده إيه ده ..إنت فرحان ياعم ولا إيه ؟شكلك كده حزب وطنى !

لالالا والله مش كده خالص ..بص انا هشرحلك ياسيدى ...الموضوع ببساطة زى ماانا فاهمه ..الحكاية سهلة وبسيطة مش بقولكم تفوقنا هو سر تخلفنا ॥إزااااااااى ؟ بما إن المصرى متفوق فى كل حاجة وفى أى حاجة بيثبت نفسه ॥دكتور – عالم – مهندس- مقاتل – إمام – كاتب- أديب – مدرس- فنان – صايع – بلطجى – نصاب- حرامى – مجرم – مزور – مهرب- أى حاجة ليه فيها بيفوت فى الحديد – من الأخر .....م- ص- ر- ى-

حقيقى والله بيعمل أى حاجة بقلبه ولا بيهمه ...خير بقى ولا شر ..مش مهم ده بيعتمد على الشخص نفسه ..يعنى مثلا الدكتور المصرى أو العالم المصرى تلاقيه متمرس وفاهم ..والحرامى المصرى برضو ..بتلاقيه حرامى قرارى متمرس وفاهم متفوتهوش فوته ॥وإللى مش كده بصراحة ما يبقاش مصرى ..( المصرى متميز داااااائما)

يحضرنى هنا موقف فى فيلم ظاظا لما كان هانى رمزى بيقولهم لما تحبوا تأكلوا الناس البلوظه أكلوهالهم واحدة واحدة مش سد حنك كده ॥لأ هو بقى سد حنك وإذا كان عجبك :D

المهم عشان انا كده طولت عليكم... الموضوع نسبة وتنااااسب॥يعنى إحنا إتأخرنا أوى عشان حصل عندنا خلل فى نسبة التفوق ॥إزاااااااى ؟؟يعنى عدد الحرامية والنصابين والمزورين بقوا أكتر بكتير من العلماء والمصلحين وزويهم ...بس كده ...فطبعا لإن الكل متفوق ومتمرس فى مجاله ...حصل إللى حصل ده إننا بقينا متأخرين ॥لإن عندنا شوية حرامية ..عجب ..مش اى حرامية ..حرامية مصريين ..مش حرامية الصينى المضروب لأ حراميتنا حرامية ما تتعورش ..حرامية ما إنضربش فيها مفك ..يعنى بالشاحن والكرتونة ..حرامى مصرى على أبوه – قرااااااااارى – يعنى ما يقعش ويتقدم لمحاكمة والكلام ده ..لالالا ده يبقى مش مصرى ده يبقى تقليد ..بس كده

وده بالظبط وببساطة إللى حصل فى الإنتخابات ...كل واحد مصرى متفوق فى مجاله ..الرئيس مصرى ومتفوق فى الرئاسة ..رئيس من يومه ..معلم بصراحة محدش يقدر يقول غير كده

الراجل لعبها صح بصراحة ...أستاااااذ ..حط أمريكا فى جيبه اليمين ...وحموم الإنسان فى جيبه الشمال ..ونيم المعارضة نينة هووووووو...ولعب تحت الترابيزة مع إللى لعب معاه بقى ..لأ وإيه الأخت نزيهة وبنت خالتها شفافة بذات نفسهم حضروا الإنتخابات وعشان كده الإنتخابات أسفرت عن مدى شعبية الحكومة عند الشعب .هع.هو ده الكلام ..والله ده إعجاز ياجدعان ..والله الراجل ده يستحق جائزة نوبل فى ............

لأ مصرى مصرى ..محدش فى العالم كله يقدر يعمل كده ...إنتخابات الرئاسة كمان سنة ..ليه يحطله نائب إخوان يوجعله دماغه ولا نائب معارضة ... يرمى كلمة كده ولا كده ويعكر صفو المجلس الكريم ..الراجل ده مش بيسيب حاجة للظروف ياأخوانا...كله مدروس من زماااااااااااااان ...الإخوان خمس المجلس ..وشوية معارضة وجرايد ..وقنوات وبرامج كله يبعبع لمدة خمس سنوات

ومظاهرات ووقفات ..ولا يهمنى ..أصبروا بس التقيـــــــــــل جاى ورا ..يابن اللعيبة ....معلم ياجدعاااان والله معلم ..الخمس سنين خلصوا ...إدفع إللى عليك ..السنة الجاية إنتخاباااااات رئاسة الجمهورية ...يعنى مافيهاش هزار...لن أقبل :D:D

كله يقفل بقه ياكلااااااااب مش بقولكم مصرى ॥وكل المعارضة معارضة مش مصرية عشان كده كلهم إتهزموا بسهولة وأخدو.......(أحم) بالهم كده إن الموضوع كبير فا إنسحبوا بهدوء

أطيب التمنيات بدورة برلمانية سعيدة ومنزوعة الدسم والسنة الجاية كله يتفصل عشان رئيس الوطنى الجديد يتفصل على مقاسه إن شاء الله ..وميضايقش جناب سيادته بإذن الله

ومين الرئيس الجاى مش مهم ..هو الراجل ده كل واحد فى مؤسسته الكبيرة عارف دوره كويسة وعارف إن الصايع فى الأصيع منه ...وفى تجارب لده ...والحمد لله

عرفتوا بقى ليه تفوقنا الشديد ...هو سر تخلفنا الشديــــــــــــــــد :D:D

ولســـــــــــــــــــــــــه ॥ياما ها تدق على الراس طبول

ولنا ولكم الله ثم حب وطن لم يعد لنا

المنســــــــــــــــــى من قطار الإسكندرية كالعادة إللى رايح القاهرة ولسة مش راضى يطلع بسلامته ...2- 12 -2010

التغير المناخى

2010-11-10T12:00:00.000-08:00

مجرد ورود هذه العبارة على أسماعنا ترتبط بعدة أشياء ..تغير مناخى ..أى ببساطة تغير فى درجات حرارة الجو على مدار الأيام والشهور إرتفاع أو إنخفاض ..لايهم ..المهم والواضح إنه تغير ...ولكن الفكرة أصبحت معقدة أكثر من ذلك ..فعندما نسمع عبارة تغير مناخى لابد هنا ان نقارن هل هو تغير مناخ أم تغير طقس والفرق بينهما كبير ..التغير فى الطقس هو تغير درجات الحرارة على منطقة ما على المقياس الصغير ولتكن محافظة أو مدينة مثل القاهرة أو الإسكندرية وذلك على مدار يوم أو عدة أيام أو عدة ساعات وهذا ما تتابعه هيئة الأرصاد وتوافينا به بشكل يومى ...أما التغير المناخى فالموضوع أكبر بكثير من مجرد تغير فى درجات الحرارة لمحافظة ما بل هو تغير لبلد ككل دولة أو مجموعة دول (مثل إقليم شمال إفريقيا مثلا ) ولا يتغير على مدار يوم أو بعض يوم فحسب ولكنه يتغير على مدار عام أو عدة أعوام .

إذن ما هو التغير المناخى ...ببساطة هو عملية تحدث بشكل طبيعى لبعض المستجدات البيئية ..نحن نعيش على الكرة الأرضية ..يغلف الكرة الأرضية من الخارج ..الغلاف الجوى الذى يعد من سبل إقامة الحياة على وجه الأرض ويحميها من الأضرار الكونية المختلفة ..يخترق شعاع الشمس الغلاف الجوى نافذا إلى سطح الأرض ليعطيها الحرارة والضوء والدفء والطاقة الشمسية الكافية لإستمرار الحياة على سطح هذا الكوكب وبعد ما يقوم شعاع الشمس بأداء المهمة المكلف به يعود ليخترق الغلاف الجوى ثانية ويتشتت إلى الفضاء الخارجى بعد انا تكون أخذت الأرض وسكانها ما يحتاجونه من هذا الشعاع ..ولكن ..بفضل ما تقترفه إيدينا من إنتهاك لحقوق البيئة مثل القضاء على الرقع الزراعية وقطع الأشجار وتلويث مياه البحار والأمطار ..وبفعل أيضا الكثافة السكانية المرتفعة فى كل الكرة الأرضية وبفعل الصناعات التى تسبب إنبعاثات عالية من الغازات الملوثة مثل غازالميثان وأكسيد النيتروز وغيرها ...إلى جانب ثانى أكسيد الكربون المتزايد بسبب الكثافة السكانية والملوثات الآخرى وإنحصار الرقعة الزراعية التى لا تستطيع إستخدام كل ثانى أكسيد الكربون الناتج عن عملية التنفس إلى جانب الملوثات التى ذكرناها...تتعلق كل هذه الغازات الكثيفة عند تصاعدها بالغلاف الجوى للأرض وتكون طبقة تزداد سماكتها يوم بعد يوم مما يتسبب فى الآتى

1- عند دخول شعاع الشمس إلى الأرض ليعطيها ما تحتاجهه لإستمرار الحياة على سطح الأرض وبعد قضاء مهتمته يعود ثانية إلى الفضاء الخارجى ولكنه يصطدم بالطبقة السميكة ..ويعود أدراجه إلى الأرض فيحدث ما يسمى بإحتباس الحرارة الذى يتسبب فى مايسمى بالتغير المناخى ..الذى يتسبب بدوره فى إرتفاع درجات حرارة الأرض بشكل مبالغ فيه فى مناطق كثيرة من الكرة الأرضية مما يترتب عليه ذوبان الأقطاب الجليدية وبالتالى إرتفاع مستوى سطح البحار والمحيطات وبالتالى غرق أجزاء كبيرة من الكرة الأرضية .

2- عند إرتفاع درجة الحرارة فى بيئة ما لا تستطيع الكائنات التى تعيش فيها الإستمرار فى الحياة فيحدث لها هجرة إلى مكان أخر أو إنقراض ..وتحل محلها كائنات أخرى قد تكون ضارة للإنسان ..أو تنشر مرض معين ..نأخذ على سبيل المثال لا الحصر

عندما ترتفع درجة حرارة بيئة تكون البومة من طيورها ॥فترحل البومة ॥فتزيد الفئران ...التى تتغذى على المزروعات ..وتتسبب فى فقدان محصول المزارع ..الذى يضر بمستقبل الإنسان ..وهكذا

إذن فتغير المناخ مرتبط بكل شىء فى حياة الإنسان وإستمراريتها ॥ويجب علينا جميعا ان نتكاتف من أجل الحد من إنتشار هذه الظاهرة التى أصبحت تهدد حياة كوكب بأكمله

المنســـــــــ10-11 - ـــ 2010ــــــى

إعمـــــــــــال العقل

2010-08-20T20:35:00.000-07:00

من المفارقات وربما الطرائف في وطننا الغالي العربي وليس مصر فقط أنك مثلا تري مواطن وليكن رجل أعمال مثلا أو عضو مجلس شعب أو غيره يمتلك 65 أو 75 مليار جنيه وتري آخر يمتلك 40مليار وآخر يمتلك 30 مليار وهناك ملياردير ومليونير ...ربنا يزيد ويبارك ....إلى ما ذلك وعلى النقيض تماما ترى مواطن آخر فى نفس الوطن المفروض أنه يتميز بنفس الإمتيازات ولم يمتلك ما يسمى بمقدم شقة أو شبكة لعروسه أو مبلغ من المال لتسجيل براءة إختراع أو بداية مشروع جديد كل هذا نعرفه ويطول الكلام عنه ولكن من المفارقات أيضآ أنك ترى شخصآ مواطن ايضآ أنهى التعليم الجامعى أومازال فيه ووصل إلى مرحلة متقدمة من التفكير و إعمال العقل فى أشياء مثل الدين _المستقبل _ التاريخ وبما أننا شعب فهلوى كالعادة فلقد ظهر منا من يريد أن يكسر بعقله كل العوائق ويتخطى كل العقبات ويقولك- ما هو بالعقل كده أو بالمنطق ونسى أنه رغم كل إنجازات العقل أن رب العقل قال ((وما أوتيتم من العلم إلا قليلا)) ..... وعلى النقيض تماما فإنك ترى شخصا آخر لاغى عقلة تماما فى نفس الوطن أيضا ولا يستخدمه إلا نادرا وتبقى هكذا الحياة جامدة صلبة دون وعى أو تفكير عند الغالب الأعم تحت مقولة سلمها لله وعند البعض الآخر يتم فيها إعمال العقل بشكل غير صحيح أوبشكل صحيح ولكن مبالغ فيه وهكذا كعادتنا دائما لا نعرف أن نعدل بين الأشياء فكثيرا ما نقع بين طيتى الإفراط و التفريط ولا ندرى ما هو الأمر الوسط رغم أن ديننا الإسلامى وقرآنه يقول "وقد جعلنكم أمة وسطا لتكونوا شهداء على الناس"

كنت قد تحدثت إليكم فى رسالة ماضية "تساؤلات يا سادة" عن أن من كثرة الاتجاهات والانتماءات وكل واحد حر فى فكره "إعمال عقله" وكثرة النظريات والإنغماس فيما يسمى بنظرية المؤامرة على شباب هذا الوطن العربى الكبير ((طبعا ممكن يطلع حد يقولى هو أنت هتمشى الناس على مزاجك أو عايز يبقى فى نمطية وأحادية تفكير اومال فين حرية الفكر اللى بتدعوا ليها ياعم)) هذا حقا لم يكن المقصود على الإطلاق ولكن حقيقة كل ما أريده الرفق بنا رفقا بى وبكل شباب جيلى "والله الواحد قرب يتعقد " إعمال عقل ـ إعمال عقل ـ إحنا مش متخلفين بس ببساطة أبو بالين كذاب . إعمال العقل يجوز أن يكون فى العلوم أو فى الكيمياء أو الهندسة إعمال العقل إذا كان فى السياسة فكل توجه له وجهة نظره الخاصة جدا التى تكون لها مميزات وعيوب حسب كل شعب وأخلاقة وعاداته فكل توجه سياسى يريد أن يحشد حوله نصيب الأسد ليصل إلى مكانة معينة من الجماهير قس على ذلك كل شئ ... القنوات الفضائية مثلا كل قناة لها فكر معين زى مثلا ميلودى تتحدى قلة الأدب .... ده توجه ...زى روتانا ومش هتقدر تغمض عينيك ده توجه زى إقرأ ومتعة الإعلام الهادف... ده توجه... ممكن أى حاجة فى الدنيا يكون فيها إعمال العقل وكل تخصص فيها يكون له وجهة النظر الخاصة به ناهيكم على إننا متعلمناش كده فى المدارس ولا تعلمنا حرية النقاش ولاتقبل رأى الآخر ولا آداب النقد ولا كيفية الإختيار ولا ولا ولا ولا ولا كتييييييييييييييييير.

وبقينا غرقانين فى إعلام أقل ما يقال عنه أنه بلا فلسفة محددة ولا توجه واضح رغم ما ذكرته وبالبلدى " بيجبنا يمين ويودينا شمال زى ما هو عايز " طيب نسيبنا بقى من كل إللى فات ده لإنه مقدور عليه كل حاجة بشوية تفكير أوبأخذ المشورة أوبقليل من العلم والمعرفة تقدر تحدد التوجه إللى تتبعه أو ما إلى ذلك ولكن طلع عندنا حاجة ثانية وهى إعمال العقل فى الدين وكثرة التوجهات فى الدين وفى السيرة وفى التاريخ الإسلامى ماشاء الله بقى عند شيعين و سلفيين ووهابين وقرآنيين وإخوان وغيرهم وغيرهم وناس تكذب البخارى زى ماهى عايزة وناس تشكك فى القرآن زى ماهى عايزة وكل واحد عايز بصراحة ـ أن يقوم بإعمال العقل فى الدين كيفما يشاء وبدأنا فى الانقسامات والإنطواء إلى الداخل وكل واحد يقفل على نفسه ويكفر الثانى أو يقول رأيى وأنا حر فيه إلى أن وصلنا إلى أنه لا توجد ثقافة دينية وبدأنا نطالب بتجديد الخطاب الدينى وأى أحد أيا كان توجهه أو ثقافته يسمع أى فتوى صح أو غلط بس مش على كيفه يقولك الله أعلم أن إيه إللى يخلينى أصدق الشيخ ده أصل عليها إنتقادات " أنا واحد من الناس دى على فكرة عشان متفتكروش إنى بره الموضوع " أنا عادة بكتب عن المواضيع اللى تعبانى أنا شخصيا وبحاول ألا قيلها حلول " المهم بنظريتى الشخصية البسيطة لإنى لاعالم ولافقيه ولو غلطان ياريت حد يفهمنى .

ببساطة ربنا قال "وما من صغيرة ولاكبيرة إلا أحصاها " والرسول صلى الله عليه وسلم قال "الحلال بين والحرام بين " وقال كمان "تركت فيكم ما إن تمسكتم به لن تضلوا بعدى أبدا ....كتاب الله وسنتى . وقال كمان عليكم بسنتى وسنة الخلفاء الراشدين المهديين من بعدى عضواعليها بالنواجز وربنا كمان قال (( اليوم أكملت لكم دينكم وأتممت عليكم نعمتى ورضيت لكم الإسلام دينا )) . قضى الأمر الذى فيه تستفتيان ـ نسكت بقى ولا نتكلم ولا نقول إيـــــــه.... الدين ده موجود من1400سنة الرسول صلى الله عليه وسلم جاوب على كل تساؤلات الناس فى الأيام دى ... كل شئ بشكل واضح وصريح وقاطع بما لايدع مجالا للشك والقرآن الكريم أيضا ولكن رده جاء ليس إقتصارا على من أنزل عليهم فى عصره ولكن ...أرسلنك رحمة للعالميـــــــــن... "إنا أنزلناه قرآنا عربيا لعلكم تفقهون " فالعيب ليس فى القرآن فالقرآن لم يخطئ ورب القرآن منزه عنه الخطأ المولى جلا فى علاه "مش محتاجة إعمال عقل " ولكن نعيب زماننا والعيب فينا" إحنا إللى بقينا مش فاهمين لغتنا أنا بتكلم بصفة الجمع لإن إحنا فعلا الغالب الأعم ولم أقصد علماء التفسير وغيرهم.... مش فاهمين لغتنا من جهة وبنكابر ونقول إننا فاهمين .... من جهة آخرى ....القرآن منزل من قبل الله الواحد الأحد منذ 1400عام وفسرمن قبل الكثير من علماء الدين اللذين نكن لهم كل إحترام وتقدير من أول الصحابة وعلى رأسهم بن عباس رضى الله عنه مرورا بالقرطبى وبن كثير والطبرى و الجوهرى ووصولا إلى سيد قطب والشعراوى. وفى كتابه القرآن كائن حى " أنصح بقراءته" يدلل الدكتور مصطفى محمود أن عظمة القرآن وعظاته لم ولن تنتهى ولعل ذلك هو ما أدى إلى تفسيره فى كل عصر على يد أكثر من عالم ليس تماشيا مع الموضة أو العصر أوالحداثة و لكن كل عصر له متطلباته التى يجب أن يجاب عنها من صميم الكتاب والسنة فهو لا يدع صغيرة ولا كبير كما ذكرنا سالفا هنا العالم يجتهد .... يجتهد فى إعمال العقل للوصول إلى أفضل الأمور رغم إن القرآن أصلا مفسر قديما كما ذكرنا و الأحاديث النبوية أيضا مفسرة ومثبتة ومعنعنة لمن يريد التأكيد والفهم وعندنا تراث لا يمكن الاستهانة به أو تحريفه أو اللغط فيه مثل الأئمة الأربعة وصحيح مسلم وصحيح بخارى والألبانى والطبرى وغيرهم من العلماء الأبرار اللذين يقال عنهم الآن أصحاب الفكر المتشدد أو المتزمتين أو الأصوليين ... نتيجة لإعمال العقل يا من تدعون أنكم أصحاب عقول ...إعملوا عقولكم كيفما تشاؤن ولكن إتركوا الدين لمن يستطيعون فعلا إعمال العقل فيه.... إعملوا عقولكم كيفما تريدون ولكن إعلموا ان من قال لا أعلم فقد أفتى ... إعملوا عقولكم كيفما تشاؤون ولكن إتقو الله فينا وفى أبناؤكم فالحرام بين والحلال بين... ماذا يحدث لو يترك كل فرد يعمل فى مجاله للصالح العام دون التكفير من أحد واللعنة من أحد والإتهام بالغباء وعدم إعمال العقل والتشدد والتخلف من أحد آخر ماذا يحدث لو تقاربنا وتصالحنا وتفهمنا وجهات نظر بعضنا لصالح الصالح العام لصالح نقاء ومن ثم الدنيا

أأسف على الإطالة

كالعادة:D

الموضوع لم ينتهى بعد

المنســــــــــــ21- 8 – 2010 ــــى

نبتدى منيــــــــن الحكاية

2010-06-03T02:15:00.000-07:00

إن الناظر لما آل إليه حال وطننا الغالى فى هذه الحقبة الزمنية التى نحياها والرافض مثلى لكل ما نعيشه وما وصلنا إليه وماتقوله المؤشرات مما سوف نصل إليه يتســــأل نبتدى منيــــــن الحكاية .... نبتدى منين الحل ... نبتدى منين التقويم ... نبتدى منين العلاج ...وهل يوجد فى الأساس حل أم لا يوجد ... وهل هناك حلول عدة من نواحى عدة أم ليس لهذه المشكلة أو المشاكل إلا حل واحد أوحد

إنى أؤمن إيمان تــــام بإن المستحيل هو اللاشىء وأنه يوجد أكثر من حل لأى مشكلة مهما كانت بإذن الله وطالما وصل للحل أناس آخرون فى بلدان وأوطان أخرى فإننا لا محال سنصل لنفس نتائجهم إذا إنتهجنا نفس نهجهم وأتبعنا نفس أساليبهم وتوفرت لنا نفس الأدوات التى إستخدمت فى الوصول لهذا الحل التى تتوافق مع ثقافاتنا وهويتنا

إذا من الواضح أن الحلول كثيرة وعديدة ولكن ...هناك الصح وهناك أيضا الأصح

فعلى سبيل المثال ... يرى رجال الدين والعلماء والفقهاء يرون الحل فى العودة إلى الله والتوبة والأوبة من كل الذنوب والمعاصى والجشع والغش والسرقة والإتجاه إلى الصدق فى القول والعمل وما إلى ذلك ... هذا حل ... والعلماء وأهل العلم يرون انا الحل فى تدعيم العلم وتطوير المناهج والبحث العلمى والإهتمام بالمنظومة التعليمية والإنفاق عليها كما يجب والإرتقال بمستوى الطالب والمعلم والجد والإجتهاد من قبل الجميع للإرتقاء بالمستوى التعليمى وخاصة للأطفال لإن أطفال اليوم هم شباب الغد ورجال المستقبل (الكلام الحمصى إللى إتربينا عليــــه )

أما السياسيون فرؤيتهم تصب فى نفس البوتقة ولكن على طريقتهم الخاصة جدا ...فيرون أنه لابد من تغيير النظام وتغيير السياسة الداخلية والخارجية على السواء والذى ينتج عنه تغيير الوزراء والحكومة وخطة العمل وبالتالى سيتغير كل شىء - البحث العلمى والعملية التعليمية والحياة الدينية إلخ ...

ويرى المثقفون والكتاب القابعون فى برجهم العاجى إلا ما رحم ربى أنه لابد أن تتغير ثقافة الشعب نفسه ويجب ان يكون مثقفا أكثر وبعضهم يرى أن يكون ذو خلق أقوم وأخر يرى أن يكون إيجابيا أكثر وأن يتمسك بعاداته وتقاليده أكثر وأكثر وإذا حدث ذلك سيكون الشعب له موقف ورأى وسلطة التى ستكون أقوى من أى سلطة وسيملك بيده لا بيد الآخر إرادة التغيير الفعلية التى تكون بمثابة عصا موسى التى تلقف ما يؤفكون ...ماشى

كل دوووووول فى وادى والشعب المسكين فى وادى تانى

على غراراإللى يتجوز أمى أقوله ياعمى وإللى يحكمنى أسقف له عادتنا ولا هنشتريها ما حنا كده بقالنا مئات السنين

مش مهم إللى حاكمنى ده حلو ولا وحش المهم إنه بيأكلنا المم (المسرطن ) ومعيشنا فى أمن وأمان (مزيف) وإلى زوال فى لحظة وبيقولوا كمان إنه حقق لنا السلام والإستقلال

ولكنى أرى أى حل واحد من هذه الحلول لا يفيد ولن يحل المشكلة الأساسية التى هى تتلخص فى موقعنا الحالى وموقفنا من كل شىء يدور حولنا ...أصبحنا مثل الشبح .. على الهامش ... فاقدين الوعى ..ولكنى أؤمن بإن الحلول كلها مطلوبة لإن المشاكل عديدة وتحتاج إلى حلول عديدة أيضا

نبتدى من ثقافيا وفكريا لابد كما ذكرنا أن يكون الشعب واعيا فاهما مثقفا فإذا كان كذلك فكر وإذا فكر أدرك أنه فاشل وإذا أدرك فكر فى الحل وإذا فكر فى الحل أصبح بطبيعة الحال معلما وباحثا ومتدينا ومفكرا وتزداد ثقته بنفسه وبعزته فتتبدل سياسته الداخلية والخارجية ولكن

قبل أن يكون الشعب قارءا ومثقفا وواعيا لابد وأن يملك الأدوات التى تتيح له ذلك – مثل المادة – الكتاب – الوقت – أداة التنوير – أيا كانت .... نعى تماما أن المادة غير متوفرة لإن الشعب مش لاقى ياكل طبعا دى تعتبر مبالغة لإن المادة بتتصرف بالمليارات على أخر صيحة فى عالم الموبايل وخلافه لإن أدوات التنوير مش فى ثقافتنا من أساسه وأدوات التنوير – الحكومة مسيطرة عليها وهى الفضائيات والإفلام والبرامج وخلافه إللى ماشاء الله مظبطانا ...أما بالنسبة للوقت فحدث ولا حرج المواطن المطحون ممكن يكون أصلا من كتر ما بيدور على شغل مش لاقى وقت يشتغل وإللى بيشتغل مهموم بالبحث عن لقمة العيش وتوفير الحياة شبه الكريمة له ولأولاه

يااااااااه رجعنا لنقطة البداية تااااااانى

إذا فمن أين نبدأ ؟؟؟؟

لو فرضنا أنه علميا ودينيا سيقابل بقمع من الحياة السياسية التى هى بالفعل فاسدة

إذا فإنه لن يكون إلا الخيار السياسى ... تغيير الحكومة والسياسة التى سوف يتبدل معها كل شىء ومن يضمن لك ذلك على المدى القريب أو البعيد من يضمن عدم تزوير الإنتخابات من يضمن أن الرئيس القادم أسوأ من الحالى وبرضو هنستحمله ثلاثين أربعين سنة إذا فالحل يكمن فى إتجاه واحد وحل واحد وليست حلول ...أراه من وجهة نظر شخصية بحتة قابلة للصواب وقابلة للخطأ ولكن هذا الحل لا يوجد عند العلماء ولا المفكرين ولا المثقفين ولا السياسين ولا رجال الدين ولكن كل هؤلاء سيتحولون إلى أدوات للحل عندما يملك الشعب الإرادة ...إرادة الحل ...التفكير فى الحل من قبلنا نحن والتركيز عليه والإيمان به ...وقت ما نؤمن نحن بأنفسنا ونعى ونقدر قدرها تماما سسيتسخر لنا كل شىء من رجال الدين والسياسة والفكر والعلم لإنه كما قال رسولنا الكريم صلى الله عليه وسلم ((كما تكونوا يولى عليكم )) صدق رسول الله صلى الله عليه وسلم

إذن فأكبر مشكلة نحن والحل أيضا نحن ورأس المال نحن والطاقة البشرية نحن والعلم نحن والفكر نحن والثقافة الدينية نحن والعادات و التقاليد نحن

إذا فماذا نحن فاعلون ؟!!! لكى نتحول نحن من أساس لكل مشكلة إلى أداة محركة لكل أدوات الحلول .....................

المنســــ 8 ـــــــ 5 ــــــ 2010 ـــــى

دينية الدولة أم .. مدنية الدولة

2010-05-08T16:23:00.000-07:00

جلست كعادتى أتأمل مع ذاتى فى مستقبل بلدنا الحبيب مصر وسألت نفسى سؤالا... أتعجب كيف لم يخطر ببالى من قبل ...السؤال بيقول ..علل ..أو أذكر السبب العلمى ..أو لماذا... التخوف من إنشاء الدولة الدينية ؟
نسمع كثيرا من السياسين على الساحة السياسية الآن ورؤساء الأحزاب وخاصة الليبرالية ونواب الشعب والحركات والجماعات التى تتصف بالليبرالية أن الكل يريد الدولة المدنية ولا لدينية الدولة ولا لأسلمة الدولة ولا لدخول الدين فى السياسة وكأنهم يقولون لا لتهويد الدولة أو صهينة الدولة
لماذا ؟ هو إحنا مدنيين بقالنا أد إيه ؟ طب أخدنا إيه من المدنية ؟ ولا الليبرالية إللى ما بيتطبقش غير على الورق وفى الندوات والإجتماعات السياسية وعلى المقاهى الثقافية ذات التسقيف الحاد
وكمان تعالو هنا هو الدين ده حاجة وحشة لا سمح الله. ده بالنسبة لنا على لسان سيدنا عمر بن الخطاب فاروق هذه الأمة قال عند فتح بيت المقدس (الذى لا نستطيع التحدث عنه الآن لإنك هتبى بتتكلم فى السياسة ) المهم قال إيه سيدنا عمر ؟ نحن قومٌ أعزنا الله بالإسلام ... فإذا إبتغينا العزة بغيره أذلنا الله وقد حدث بالفعل .
ملحوظة صغيرة ...أنا لا اتكلم عن أحد معين أو شخص ما أو جماعة بعينها أو حزب أو حركة سياسية تدعى الأسلمة أو تأخذ الدين نهجا للوصول للحكم فى أى بلد عربى أو فى مصر أنا فقط ...فقط ...فقط ...أتســـــــــــــاءل .. لماذا التخوف من فكرة إقامة الدولة الدينية ؟لماذا ونحن مغموسون فى الدين والعقيدة فى كل أمورونا الحياتية والسياسية والقضائية إلخ ...ألخ ....
وهل يجوز ان نصدر قانونا مخالف للدين أو نتبع نهجا سياسيا منافى للعقيدة أو نعقد الإتفاقات الدولية التى تخالف تشريعنا أو تحد بشكل أو بآخر من حريتنا الدينية لماذا ؟ والأغراض الدينية والعقيدية للدول المتطرفة مثل إسرائيل تفرض نفسها على سياسة الدولة كما نسميه على إسرائيل دينية الدولة أو يهودية الدولة
فإذا كان هم على خطأ ونعى تماما أنهم لى خطأ وكتبهم محرفة وتاريخهم باطل وحاضرهم باطل ومستقبلهم لا ولم ولن يكون بإذن الله ولكنهم يطبقون ما يؤمنون به .. رغم إنه باطل؟ نعم رغم إنه باطل ... إذن ... أليس من الأجدر بنا أن نطبق ما نؤمن به نحن وهو الحق على أى حال وفى أى حال ... المحفوظ من فوق سبع سموات دينا ومذهبا وكتابا وعقيدة ((إنا نحن نزلنا الذكر وإنا له لحافظون)) صدق الله العظيم ((وتركت فيكم ما إن تمسكتم به لن تضلو بعدى أبدا .. كتاب الله وسنتى )) صدق رسول الله صلى الله عليه وسلم .
فإذا كانوا هم ولا أود أن أعقد مقارنة بيننا وبين أى من الأديان الأخرى ولكن لإوضح الرؤية فقط . إذا كانوا هم دينهم المحرف يأمرهم بالعنصرية والسامية إللى معرفش ساميين بمناسبة إيه وحاجات تانية كتير مش موضوع كلامنا .. فديننا يأمرنا بالعدل والمساواة وينهانا عن الفحشاء والمنكر يأمرنا بحرية الرأى وحرية الفكر يامن تدعون الليبرالية هى حقا ليبرالية ولكنها ليست شيوعية كما تريدونها ...حرية رأى وحرية فكر داخل إطار دينى داخل عقيدة هى أسمى العقائد على الإطلاق ويقول لنا نبينا على لسان الله عزل وجل ((لكم دينكم ولى دين )) لماذا الخوف إذا ونحن لم ننهض ولم تٌسمع كلمتنا ويٌذاع صيتنا إلا لما تمسكنا بديننا .. لماذا الخوف إذا؟ وأكثر العصور سلاما كانت أكثرها إسلاما .والعكس بالعكس صحيح وإقرأوا التاريخ .. سلاما بين كل شعوب الأرض يهودا كانوا أو مسيحيين أو مسلمين وحتى الديانات الأرضية ... نحن لا نبغض أحدا أو نجبر أحدا على شىء لكم دينكم ولى دين مسلمين أو مسيحين أو حتى يهود طالما أبناء وطن واحد يعملون جميعا لأجله فلما لا .. إنى أحترم أصوات العقلاء مثل صوت مكرم عبيد عندما قال ...أنا رجل مسيحى الديانة ولكنى مسلم الوطن ... ولما لا وأنت تأخذ كافة حقوقك الدينية والمدنية على الوجه الأكمل إذا كنت فى ظل حكم دينى نهجه العدل وأساسه المساواة وكما ذكرت أكثر العصور سلاما كان أكثرها إسلاما فإنى أقصد تماما ما أقول كان يعيش المسلمين جنبا إلى جنب مع المسيحين واليهود فى ظل حكم إسلامى يضمن للجميع حقوقه ويفرض على الجميع واجباته
اعى تماما أن هناك بعض العصور الذى إتخذ حكامها الدين نهجا للظلم والطغيان على حقوق مواطنيها مسلمين كانوا أو لديانات أخرى مثل هذا العصر السحيق الذى نعيش فيه الآن فأيا منا الآن يأخذ حقه مسلم كان او مسيحى ففى بلادنا الآن رغم مدنيتها إلا ان الكل مهدورٌ حقه فيها والعصور الإسلامية التى لم يطبق فيها شرع الله خطأ من أفراد فى فهم وتطبيق دين الله وليس الخطأ فى دين الله ذاته وهذا يظهر فى قول الله عز وجل ((ظهر الفساد فى البر والبحر بما كسبت أيدى الناس))
فلماذا الخوف من تطبيق الدين والعقيدة وهما أساس كل شىء المعاملات والحكم والسياسة والإتفاقات الدولية والضمير الذى إفتقدناه فى كل شىء
إسرائيل تطبق عقيدة أمريكا تطبق عقيدة وإن كانت عقيدة أرضية ولكنها عقيدة تدخل فيها الصهيونية عن طريق اللوبى اليهودى المتواجد وبكثرة داخل مجلس الشيوخ الأمريكى وإيران تطبق عقيدة وغيره وغيره ... أليس من الأجدر فى وسط كل هذه الديانات والعقائد المحرفة ان نطبق عقيدتنا نحن وديانتنا نحن وهى الأصح والأفضل بفضل الله
إنى أتساءال هل هناك من تشريع أعدل من الدين الإسلامى ولا سماحة فى أى دين أسمى من سماحة الدين الإسلامى إنى أتحدى وأنا لست بعالم أو فقيه أومناظر بل فقط مؤمن بالله إذا عرضنا شرائع كل أديان السماء وحتى أديان الأرض بكل ليبرالياتها وشيوعيتها وبكل أنهاجها الدينية والسياسية والمدنية على أهل الأرض جميعا وفهموا تماما مميزات وعيوب ونهج كل شريعة وكل دين وإختارنا (أى أهل الأرض جميعا ) الرجل المناسب العادل الذى سيطبق هذا كله وفق ما يوجد فى كتب كل عقيدة أو كل شريعة ان العالم كله سيختار الدين الإسلامى نهجا وقانونا وتشريعا إذا طبقنا ما أنزل الله ورسوله وليس ما أنزل الله ورسوله على مزاجنا نحن ...أكرر... ولما لا وأزهى عصور وحضارات المعمورة من وقت نشأتها كانت عصور إسلامية من عصر الرسول الكريم وشهادة أعداءه له مرورا بعصور البشر العاديين الصحابة الكرام مرورا بسلفهم الصالح أمثال عمر بن عبد العزيز أو هارون الرشيد أو عصورالأندلس بكل عظمتها وثقافتها إلى أن تدخلت فيها أياد آثمة وإنصاع إليها بعض السفهاء اللذين يهرولون وراءء المال والسلطة والجاه حتى ضاعوا وأضاعو بناء ثمان قرون فى بضع سنوات
الدين الذى أقصده ياسادة الدين العادل الدين الوسط الدين الذى يقر بكل الرسل والأنبياء ومن ثم تابيعهم
أمانة الفكر قبل حريته دين
أمانة الحوار قبل حريته دين
المعاملات دين
إحترام الكبير دين
العطف على الصغير دين
مساعدة الأخرين دين
حقوق الجار حتى ولو كان دولة دين
ما أقصده هو تطبيق روح الدين
العدل ... الحرية ... المساواة ... العمل ...إلخ
تدّين الحاكم وليس تديّّين الحكم للوصول إلى مراد الحاكم
إذا كان أحدا يملك الإجابة على سؤالى فليتفضل بالرد أكرمكم الله

وللحديث بقيـــــــــــة
المنســــ23ــــ4ـــــ2010ـــــى

أيام الصمت المتكلم

2010-04-28T10:58:00.000-07:00

فى كثير من الأحيان تحدث هذه الظاهرة لكل منا ... كلا منا على حسب عيوبه ربما أو سلبياته .. يجوز .. أو وقفاته مع نفسه نوعا ما .
هل هو إنسان محاسب لنفسه أو متحكم في نفسه أم نفسه هى التى تتحكم فيه كلا منا على حسب هذه الأشياء تتعاقب فى حياته هذه الظاهرة .
وهى بشكل عام صمت متكلم يحدث لمن تصبه هذه الحالة صمت مع الآخر ... مع الأخ والصديق والزميل ..قرفان – زهقان – مضايق – مخنوق – كلها رد للسؤال - الشهير مالك ؟ متنشن ليه النهاردة ؟ وتكون الإجابة مفيش ....هو فى ومفيش بس هو نفسه مش عارف يقول فى إيه – فتلاقيه صامت ساكت بس عمـــــــــالى يرغى مع نفسه وياخد ويدى وخناقات وعتابات وشد وجذب وإختلاف فى وجهات النظر بينه وبين نفسه على حسب كل نفس بقى ومخاطرها
هل هى نفس مطمئنة
أو نفس أمارة بالسوء
ولا هى انهى نوع بالظبط ...وإحنا عارفين طبعا إن أعدى اعداء بنى الإنسان نفسه والشيطان والهوى والنفس أخطرهم على الإطلاق ... فتلاقيه بقى عمالى يقول لنفسه إيه إللى إنت عملته ده مع فلان الإسبوع إللى فات وياترى ده صح ولا غلط مكنش المفروض ترد عليه كده وفلان ده مكنش المفروض تسكتله ده إنت سبحان من صبرك عليه وإزاى تتكلم مع فلانة كده النهاردة الصبح وياترى ده صح ولا غلط والذنب إياه إللى عملته أول إمبارح ما إستغفرتش ربنا عنه ولا صمت زى ما كنت بتقول يوم الإثنين إللى فات قال إيه كان يوم مشحون وورايا حاجات كتير ده كلام فاضى وحجج فارغة وإنت عارف أصلا إن أكتر يوم ما بتحسش فيه بالصيام اليوم إللى بيبقى مشحون ده ..أه وإيه كمان أه وماروحتش الكلية أول إمبارح بسبب حاجة مالهاش لازمة . وكان المفروض تعمل إيه كرد فعل على الموقف إياه مع الزميل أو المعيد إياه ومكلمتش فلان صاحبك من فترة ولا إطمنت عليه قال إيه مكنتش فاضى وكان ورايا إمتحانات وكمان ماهو كمان ما إتصلش أصلا ... ياسيدى ما يضرش ما إتصلش هو خليك إنت أحسن وإتصل إنت مش يمكن يكون عنده ظروف ولا حاجة دى الدقيقة بريال بطل بقى الندالة دى .
وحالة زهول عام تستمر لمدة ساعات أو أيام على حسب مقدرة صاحبها فى مواجهة نفسه وعلى حسب حزمه مع نفسيته وبالأخص فيما يتعلق بالروحانيات والإجتماعيات علاقتك مع ربنا ومع أصدقائك وأقاربك وصلة الرحم إلخ ...إلخ ...إلخ
فى نهاية هذا الحوار دائما ما يكون فى قرارات إتخذت فى هذا الإجتماع المغلق الذى ربما يستمر لأيام ... ولو كنت إنسان حازم مع نفسك إعرف إن قرارتك غالبا ستكون إيجابية لإنك لم ولن تسمح لها بالإستمرار فى الخطأ بل ستوقفها وتحاسبها وتتخذ إجراءات حاسمة كرد فعل على بعض الأخطاء التى أوقعتك فيها فى غفلة منك .... أما إذا كنت مكبر ومش فارق معاك حد ولا حاجة خالص صدقنى هتفقد أشياء كثيرة هى عزيزة وغالية عليك بس إنت مش عارف قيمتها لإنها فى إيدك دون أن تدرى
إيــــــــــــــــه بقى ؟؟؟؟؟؟
إيه
إنت أنهى واحد فيهم
ركز ... وتحاور مع نفسك ... إسألها ومتصدقش منها غير الإجابات المنطقية ... هتقعد تحور عليك وتقولك أصلى كانى ومانى ومكنتش ومعرفتش ... متصدقهاش خليك دايما أذكى منها وإتبع دايما معاها إسلوب الثواب والعقاب ظبططك ...ظبطها ....وقعتك فى الغلط ...بظهر إيدك زى الخدامين وما يهمكش هى إللى هتجيلك غصب عنها وتعتذرك ...أصل ما تقدرش تستغنى عنك هى ليها مين فى الدنيا غيرك ترخم
عليه ويرخم عليها
وتذكر
من أصلح ما بينه وبين الله أصلح الله له ما بينه وبين الناس
ومن أصلح أمر آخرته أصلح الله أمر دنياه
ومن كان من نفسه واعظا كان عليه من الله حافظا
الإمام على بن أبى طالب كرم الله وجهه

المنســـــ19ـــ4ــــ2010ــــــى

هل من مجيــــــــــــــــــــب

2009-12-24T19:35:00.000-08:00

رسالة إلى جمهورية مصر العربية حكومة وشعبا وإلى كل القيادات التنفيذية والسياسية المسؤلة والغير مسؤلة المعنية والغير معنية إلى علماء هذا البلد إلى محبيه إلى كل من يعتقد أن لهذا البلد فضل عليه بشكل أو بآخر
أكتب إليكم جميعا ولى أولا أحدثكم عن أشياء يبدولى أنكم تعرفونها جيدا أو يفترض هذا ولكن ((وذكر فإن الذكرى تنفع المؤمنين ))
فى الآونة الأخيرة وفى ظل إنشغال الشعب والحكومة فى قضايا تتعلق بالصحة العامة وحياة المواطنين مثل أنفلونزا الطيور والخنازير وقضايا تتعلق بالكرامة إللى أنا مش عارف هى فين دى مثل حادثة الجزائر وقضايا سياسية مثل الإنتخابات الرئاسية وغيرها وغيرها .....وفى ظل هذه القضايا عاشت مصر وتعيش وستعيش فترة من الإنحدار الفكرى والثقافى والسياسى وفى هذه الفترة التى ما أطولها يتثنى للمخربين والمجرمين والفاسدين اللعب كما يريدون وتكلمنا عن الكرامة جميعا حكومة وشعبا فى أثناء وعقب أحداث الجزائر ولم نتكلم عنها فى ظل موت المصريين على الحدود مع إسرائيل وخرق إسرائيل لمعاهدات السلام والجدار العازل الذى يبنى الآن وتكلمنا عن الصحة وحياة المواطنين أيضا حكومة وشعبا ولم نعطها نفس الإهتمام فى كل الحوادث التى أودت بحياة المواطنين من حرقى وغرقى وقتلى فى حوداث قطارات وطرق وما أكثرها مع العلم إن كل ضحايا الإنفلونزا كوباء لا يتعدى ربع ضحايا الحوادث فى الخمس سنوات الماضية مثلا
وفى ظل إنشغال العالم بقضايا تخص مستقبل الكرة الأرضية ككل نهتم نحن بماتشات الكرة ونستخدمها فى زيادة الإنشقاق مابينا فى حين أن العالم يجتمع لظاهرة مثل الإحتباس الحرارى وإختفاء مناطق من الكرة الأرضية نحن لا نزال نتكدس حول الدلتا ونرفض تعمير الصحراء مع العلم أن الدلتا بأكملها مهددة بالغرق إذا إستمر الحال على هذا المنوال
ماهو الإحتباس الحرارى :
الإحتباس الحرارى ببساطة هو إسم على مسمى يتم فيه حبس الحرارة داخل الأرض ويمنع خروجها ...بمعنى ...بزيادة الكثافة السكانية فى كل الكرة الأرضية وبذلك يزيد إستخدام الأكسجين وبقلة مساحة الرقعة الزراعية والمساحات الخضراء ( زى عندنا كده )وبقلة إنتاج الأكسجين وزيادة إنتاج ثانى اكسيد الكربون فى كلا الحالتين يزيد نسبة ثانى أكسيد الكربون فى الجو والتى تتسبب فى منع خروج الحرارة من الأرض بعد إستقبالها بعمل طبقة من ثانى أكسيد الكربون حول آشعة الشمس ويمنع رجوعها مرة آخرى مما نطلق عليه ظاهرة إحتباس حرارى
ماذا يترتب على ظاهرة الإحتباس الحرارى
1 – إرتفاع درجة حرارة الأرض ومنه إلى ذوبان الأقطاب الجليدية فى سطح الأرض مثل القطب الشمالى والجنوبى ومنه إلى إرتفاع سطح البحر وخصوصا البحر المتوسط كل دى حقائق علمية مسلم بيها لا تدخل فى نطاق الكهانة أو الخرافات وما إلى ذلك وإنما هى حقائق علمية ثبتت صحتها بالفعل ومن الدول إللى هتغرق نتيجة رفع مستوى سطح البحر مصر تحديدا دلتا مصر كلها تقريبا هتغرق من إسكندرية مرورا بدمنهور والغربية والقليوبية وده على حد علمى لحد دلوقتى وما خفى كان أعظم
ده كله يخلينا نغير تفكيرنا يخلينا نبطل نبص تحت رجلينا ونحاول نبص قدامنا شوية ونأخذ برأى العلم لإن هو ده المخرج الوحيد بعد إرادة ربنا من ما سنوصل إليه عن طريق إيـــــــــــــــه
على سبيل المثال لا الحصر
1 - ممر التنمية والتعمير وتفاصيله الكاملة فى اللينك ده وأكبر ميزة فيه بخصوص موضوعنا هو إنه رقم واحد هايحافظ على الرقعة الزراعية
2 – إستخدام الماء المالح (مية البحر ) فى الزراعة عن طريق إستخدام أهجنة آخرى من البذور الزراعية فى الزراعة ودى علماء الهندسة الوراثية شايفين شغلهم عليها كويس أوى والحمد لله
3 – إستخدام الطاقة النوية فى تحلية مية البحر ومن ثم إستخدامها فى الزراعة أو تصديرها أو ما إلى ذلك مع العلم إن لسة فى ناس فى مصر مش واصللها مية الشرب النقية والصحية
4 – الأراضى النيلية أو التى هى من صنع النيل فى كل دول حوض النيل الــ11 دولة وإللى مش لاقيين حد يزرعهم لغاية ما دول زى الصين وإسرائيل إشتروا ملايين الأفدنة من دول زى أثيوبيا وإريتريا عشان يزرعوها بمية النيل وبعمالة الدول دى ويأخدو الإنتاج معاهم وهما ماشيين والله يابلاش وإحنا مش عايزين حتى نزرع أرضنا أصلا
أعتقد إنه حان الوقت الذى يصمت فيه الجميع ويكفوا عن الهراء وسماع أنفسهم فقط ونعطى فرصة للعلم والعلم فقط أن يتكلم ويبوح بإسراره الذى ربما تنقذنا مما آلت إيدينا للوصول إليه
مادفعنى لكتابة هذه الرسالة الإحباط الذى أصيبت به عندما كنت فى زيارة لبلدى الأصل (الكدايا) إحدى قرى محافظة الجيزة
آخر مرة كنت زرتها منذ عامين وفى الغيطان يمتد البصر إلى ماشاء الله له مساحات خضراء ولكن كنت هناك من حوالى شهر صدمت من الوضع الذى رأيته – فالمساحات الخضراء دائما فى إنحسار والشعب مغلوب على أمره كما تعلمون وإن كان مشارك بعض الشىء – المهم – القيراط سعره كأرض زراعية بــ10 آلاف جنيه بمجرد مايبقى قريب من البيوت السكنية سعره يرتع إلى ثلاثة أو أربعة أضعاف مايقرب من 30 :40 ألف جنيه – يبيع المالك – الذى يملك من الأبناء 4 أو 5 أو أكتر ويبنى بيت لأبناؤه ويزوج الآخر ويخطب للآخر ليطمئن على أبناؤه ومن منا بنفس ثقافته وفى نفس وضعه لن يفعل ذلك والغريب فى الموضوع أنهم بمبلغ لا يتجاوز الألف جنيه فى هيئة إكراميات ورشاوى يستخرجون كل تراخيص البناء ويبقى وضعهم قانونى رغم أنف القانون والحكومة غافلة تائهة تهتم بمن جاء ليترشح للإنتخابات ومن سوف يجىء وتنظر لعام للأمام وتغفل عما فى إيديها من فرصة أخيرة للإصلاح وإثبات الذات

...عبارة سمعتها فى فيلم 2012((عالم شاااااب ...أفضل من 20سياسى مخضرم))يارب نفهم
وأخيرا لنا ولكم الله والبقية فى حياتكم
محدش عارف ممكن يصحى بكرة الصبح على إيه
المنســـــــ24ــــ12ــــــ2009ـــــــى

كما يريد القدر

2009-11-08T07:15:00.000-08:00

ظهرت فى حياتى بدون طرق على باب أو شباك .هبتها وأختبئت منها ووجلتها.عليه اللعنة – الخوف من المواجهة من المغامرة ...خوف القائم من القادم
طال إنعزالى عنها وهى تقف فى مكانها ترانى ولا ترانى تعرفنى وتريد أن تتتعرف عليا ...وأنا أيضا – أراها كل يوم ولكن سرعان ما أختبىء منها لماذا ؟؟ لا أدرى ....ظللت هكذا ساعات وأيام وأسابيع وشهور وطال إنتظارى وهى تبحث عنى وأنا لا أعرف ولا أدرى ولم يخبرنى أحد أنها تبحث عنى وكيف تخبرنى هى وهى لم تعرفنى بعد وتريد أن تعرفنى
وفجأة وبدون مقدمات جمعنا القدر فى يوم واحد فى مكان واحد – حاولت الهرب ولكن تسمرت قدماى وإنشل تفكيرى وجلست ساعات أنتظر- ماذا سيكون شكل المواجهة وهل كانت تستوجب كل هذا الهروب والفرار
أم أنا كنت مخطىء....وعندما جاءت اللحظة الحاسمة خفق قلبى وشعرت بغثيان وأنا ذاهب إليها وكأنى ذاهب إلى موتى
ووقفت أمامها وتبسمت فى وجهى إبتسامة أنارت الدنيا من حولى وسألتنى من أنت ؟ فجاوبت فى خضوع ...كادت تقفز من مكانها من الفرح أهو أنت حقا - طال بحثى عنك –طال إنتظارى إليك – إزداد خوفى وقلت عنى أنا قالت وعيناها تلمعان – نعم أنت – أما أنت من فعل وكذا وكتب كذا قلت نعم حدث ذلك وفجأة شعرت أنى أكبر مغفل فى هذا العالم
فمن كنت أهرب منها لأتحاشى مواجهتها كانت تبحث عنى لتؤازرنى ولتثنى على --- كم انا أحمق أنا وخوفى اما كنت أستطيع للحظة ان أستجمع قواى وأواجهها منذ البداية وأستمتع بوجودى بجوارها طوال تلك الفترة – ولكنى هدأت للحظات وقلت لنفسى أنها قدرت الله – وقدره المكتوب – وبعدها صارت بيننا حالة لا أستطيع وصفها هى أسمى من الصداقة وأجمل من الحب وأخلص من الأخوة ولا يدرى أحد ربما لو قابلتها منذ البداية كنت خسرتها طوال حياتى ... إذا أردت شيئا بقوة فأطلق سراحه فإن عاد إليك فهو ملك لك إلى الأبد – أعرف أنى لم أطلق سراحها ولكنى أطلقت سراح نفسى – ونفسى قد عادت وأعادتنى إليها ...ترى – هل يمكن أن أفرط فيها ثانية أو ترى هلى يوجد داعى للخوف أو الهروب أو المواجهة التى تولد فى غير وقتها فتحرمك من من تحب طوال حياتك أم تدعها للقدر ....يدبرها كيف يشاء .
المنـســــــ 9 - 11 - 2009 ـــــــى

شعارات ..............ولكن بدون أمل

2009-10-18T11:21:00.000-07:00

كلنا يعلم ويعى تماما مشكلة تصدير الغاز لإسرائيل التى كانت تشكل قضية رأى عام فى الآونة الأخيرة ونرى أنه فى ظل وجود الحملات الشعبية المضادة وموقف الشجب والرفض من مختلف طوائف الشعب . ليس على تصدير الغاز بثمن بخس فحسب ولكن أيضا للجهة المصدر إليها الغاز وهى إسرائيل .وبعد التورط الكبير والمعروف .نجد الإعلام الحكومى يطل برأسه علينا من شاشات التليفزيون تهاجمنا وتحاول إقناعنا عنوة بشعار جميل من صنع وزارة البترول وقال إيه بعد إعلان طويل عريض عن وصول الغاز لبعض أحياء الجمهورية (ييجى فى الأخر يقولك ) (وزارة البترول ...ثروتنا لبلدنا )
والمشكلة إن عامة الناس وهما إللى مش عارفين حاجة بيصدقوا ومش عاوزيين يعرفوا حاجة أصلا .
ويطل بعد حملة الإعلانات السالفة الذكر مجموعة من الحملات التضليلية الأخرى التى تتكلف ملايين الجنيهات
لتتصدر شاشات التلفزيون إعلان آخر وشعار جديد من طراز فريد آلا وهو (سكك حديد مصر .... لكل المصريين ) وبالرغم من أن كلنا أيضا إنه لم يعد شىء فى مصر يخص المصريين .
ويقولك فى الإعلان : إحنا دلوقتى بنصلح وبنطور وجايبيين الشعب الوحش المفترى إللى هو إحنا بنكس وبنبوظ وبياكلوا فى القطر وبيركبوا بين العربات وبيتهربوا من دفع التذاكر (وفى الأخر يقولك المصرى إللى على حق يقول للغلط لأ) مع العلم أيضا إن لو كل مصرى عارف يعنى غلط هو أكيد لا يعلم معنى كلمة لأ وإلا كان قالها من زماااان ...لأ والأدهى والأمر إن السنة الدراسية بدأت وبدأ معاها السفر والترحال
وروحنا السكة الحديد إللى هى لكل المصريين وشفناها زى ما سبناها ولا إتطورت ولا إتغريت ده إن لم تكن أسوأ
فتبدأ الحكاية من يوم الجمعة الماضية (ذهبت إلى محطة مصر كعادتى لإستقل قطار السابعة والربع القادم من الصعيد والمتجه الى الإسكندرية ليصل هو أى القطار كعادته فى الثامنة تقريبا مع العلم إن تأخير 45 دقيقة كفيلة بتدمير وتغيير كل المواعيد التالية لذلك مما ترتب على ذلك بدلا من أن يدخل القطار عند مجيئه الرصيف المحدد له وهو رصيف 9 وصل متأخرا إلى رصيف 11 مما إضطر كل من كان فى إنتظار القطار على الرصيف 9 إلى الجرى والزحف والقفز والنط إلى رصيف 11 طبعا فى وجود حالة من الهرج والمرج والإزدحام والتدافع وأكيد بطبيعتنا كمصريين متخيلين إحنا بنعمل إيه فى المواقف إللى زى كده ده طبعا فى ظل وجود أنا مسنين من الجنسين وسط التدافع والزحام فضلا عن المعاقين وناس شايلة شنط على شنط .. يعنى كانت ليلة حلوة ..كل ده حصل عشان تأخير 45 دقيقى بس .أه والله .بعد ما خلصت الحفلة الجميلة ده طلع القطار فى ميعاد الجديد إللى بيحدده لنفسه الساعة 8.30 ده غير إنه وصلنا الإسكندرية الساعة 12.30 بدلا من ميعاد المقرر الساعة 10.15 وبكده يبقى إجمالى التأخير حوالى 2.15 إضرب فى 80 وهم عدد ركاب العربة الواحدة (غير إللى واقفين ) يبقى فى 172 ساعة إضرب فى عدد العربات وليكن 9 زى المترو (هما فى الأصل حوالى 13 ) تلاقى فى حوالى 1548 ساعة بما يعادل 65 يوم ضايعين على الشعب المفترى إللى هو إحنا 65 يوم ضايعين على العمال والموظفين والطلبة والصنايعية ...إلخ
أليس هذا بقصف لعمر هذا الشعب وهذا البلد الأخرس الأبكم وبما إن الواحد حيادى زى ما حضارتكم عارفين وبيقول إللى ليه وإللى عليه جدير بالذكر هنا إننا نقول (الله أعلم بسبب إن القطر كده كده متأخر ولا هو إفترى يعنى ) إن الناس فى بعض المراكز إللى بين المحافظات أو بعض الناس كانت تسول له نفسه أو تطلب معاه بمعنى أدق ينزل هنا والقطر ماشى فيروح مشكورا رايح على حاجة إسمها تيل الفرامل وده موجود بين العربات ويروح شادد تيل الفرامل فيوقف القطر كله وينزل فى المكان إللى هو عايزه والعملية تستوجب لقيام القطر مرة تانية من 5 :15 دقيقة ده طبعا على حسب همة الكمثرية وشدة الجرار وحنكة السائق ...
تخيلوا بقى كل المصائب دى موجود فى ظل وجود الشعارات الجميلة إليس العمل الجدى أفضل من كل هذا الهراء وإسمحولى أقولكم الهراء كده عادى فى وسط الموضوع
ده طبعا غير الشعارات التى لم يصبنى الدور وأتعامل معاها على شاكلة إحسبها صح تعيشها صح ...والضرائب مصلحتك أولا ... وإستثمار يعنى عمار ...والمشكلة إننا بنصدق ده كله من غير ما نشوفه أو مابنصدقكش ومنكدبش ومابنتحركش
وكمان الشعارات مش فى الإعلام بس إحنا ساعات بنقعد نحور على نفسينا كده وإسمحولى يعنى أقولكم نحور كده فى وسط الكلام ...أه والله ..يعنى مثلا قريت على سور مدرسة ..ده طبعا بعد جميلة نظيفة ومتطورة ومنتجة ....
قريت إيه بقى ...لا للتدخين ...لا للإدمان ....نعم لمبارك ...
وكأن التدخين والإدمان يضروا بصحة المواطن ومبارك هو حقنة التفويق والبلسم الشافى ...مع إن الثلاثة ضررهم واحد ....لو يعلمون
هذا ويبقى الوضع كما هو عليه مؤقتا ونركز على كلمة مؤقتا دى...وعلى المتضرر عدم اللجوء للقضاء ولا للشجب ولا للتنديد ولا للرفض وهوووس كله يسكت
إلى أن يحين إشعارا وشعارا أخر سيتم الإفراج عنه فى القريب العاجل بمشيئة الله ولكنى هذه المرة أدعو الله
أن يوفقنى أن يكون شعارا مصحوبا بالفعل والأمل والعمل .....
المنسى ....من قطار الإسكندرية المتوجه إلى القاهرة وإللى جابلى شلل رباعى 15 - 10 – 2009
المنســـــــــــــــــــــــــى

ماهى العمارة

2009-10-11T11:23:00.000-07:00

عندما سؤلنا هذا السؤال الإسبوع الماضى من قبل الدكتور مؤنس قد ذكرنى بأول مرة سؤلت فيها هذا السؤال منذا عامين وبالتحديد فى أول أجازة صيف فى الكلية فى أول عهدى بالتدريب فى الموقع وفاجئنى المهندس وانا أسرد له البرامج التى تمت دراستها مثل الأوتوكاد والتى سيتم دراستها مثا الثرى دى مكس والفوتوشوب وقال لى إيه ده إيه ده (هى العمارة رسم )رديت عليه بثقة الفاهم والدارس معا (لأ طبعا العمارة تصميم )وأستمر بعدها فى الضحك حتى ظننت أنى خفيف الظل وبعد ما ما إنتهى من الضحك بص لى وقالى عارف يامحمد إنت عملت زى إيه قلت له إيه (قال لى إنت عملت زى إللى بيسألوه هى الللغة كلمات قال لهم لأ اللغة حروف وإستمر فى الضحك ثانية ولم يبدى لى مامعنى العمارة ....
إذن ما معنى العمارة هل هى فن أم علم وما علاقتها بالفنون الأخرى هذا ما سنحاول الإجابة عنه ؟
العمارة كما قال المعمارى المصرى عرفان سامى هى فن علمى والفن فيها يسبق العلم لإنه كان يستطيع هنا أن يقول هى علم فنى ولكن العمارة مثل السياسة لا يكون فى العلم رقم واحد فلكوربيزييه الفنان المعمارى زاول الفن المعمارى وهو لم يدرس الفنون من الأساس
فالعمارة أم الفنون والسياسة أب لهذه الفنون
يقول مارتن لوثر عن العمارة هى سجل للعقائد عقائد المجتمعات والشعوب ويقول فيكتور هوجو هى المرآة التى تنعكس عليها ثقافات الشعوب ونهضتها وتطورها ومعنى ذلك أن العمارة هى صورة للمجتمع .
صورة طبقا للأصل صورة تنقل نفسها بنفسها لا تسمح إلى كاتب أو مؤرخ أو رحالة ليكتب عنها فهى الناطقة بكل اللغات وهى فى الأصل صامتة صامدة ثابتة جميلة تتحدث داءما عن نفسها .هى التاريخ الصحيح الذى لا يمليه أحد على مؤرخيه هى فعلا حقيقة حقيقة لا تخدع ولا تكذب ولا تتجمل
ومن وجهة نظرى المتواضعة فالعمارة فكر كالسياسة بالضبط عمارة الشعوب وفنون الشعوب هى إنعكاس لثقافات وفكر هذه الشعوب وكيف كان يفكر هؤلاء ولا يمكن للمعمارى أو للسياسى أن يقبعوا فى برجهم العاجى بعيدا عن الحياة العامة لمواطنيهم فالمعمارى هو المنظم والثرموستات لكل أنماط الحياة اليومية

فهو مع الطبيب من باب المستشفى إلى غرفة العمليات مع الإمام والخطيب فى المسجد مع المتعبد فى محرابه وإحساسه بالقرب من ربه والخشوع والخضوع والذل بين يدى خالقه .كل ذلك يفعله المعمارى فى إطار فنى فائق الجمال والدقة والإتقان وهو أيضا مع المعلم فى المدرسة والأستاذ فى الجامعة والعامل فى المصنع هو مع الزائر فى الفندق هو مع كل فرد فى عمله وبيته وفى غرفة نومه فإذا لم يحسن المعمارى تخيله وهو يعيش فى هذا المكان فإنه قد يخل بأهم عامل من عوامل نجاح العمارة وهو الوظيفة وظيفة الحيز المعمارى تماما كالسياسى مع كل الناس فى حياتهم اليوميه ولكن بشكل مختلف
فالمعمارى ينظم حركة كل الناس ويوفر لهم سبل الراحة والسرعة والأمان كى تستمر الحياة ناجحة وفعالة والسياسى مشرف على ذلك أحيانا ومنغمس في مشاكله أحيانا أخرى
فإذا كان السياسى بارع وناجح سيكون تفكيره فى حل المشكلات فى وقت أقل وسرعة أكبر ودقة وروؤية أوضح وبالتالى ستكون فترة إشرافه أكبر
أما إذا كان كسياسيونا المعاصرين لا يفكر ولا يرى ولا يسمع غير صوت نفسه ولا يعمل إلا لأجل مصلحة شخصية أو غيرها فهو دائما منغمس فى مشاكل لا حصر لها ومتسبب فى مشاكل لكل فرد من مواطنيه ويتحول من مشرف ومنظم إلى أفشل فاشل فى حل المشاكل
وبما أن العمارة هى المرآة التى تنعكس عليها ثقافات الشعوب وبما أن الحياة السياسية هى المتحكم الأوحد فى مدى تطور ثقافات هذه الشعوب ومصرنا أكبر دليل (واللى مش حدق هايفهم ). كالأب تماما فى المنزل هو المتحكم فى كل شىء وتعكس الأم ذلك فى تربية الأبناء فإذا صحت إدارة الأب صحت تربية الأم وصحت أخلاق وثقافات الأبناء والعكس بالعكس صحيح وإذا صحت الحياة السياسية فى بلد ما وإتسمت بالحرية لا سمح الله والعدل لا قدر الله . لا القهر والظلم فستكون المرآة العاكسة لذلك وهى العمارة سنرى فيها وجه ناصع ناضج بشوش بسام تنطلق منه العبقرية والإبداع والحرية .... لا وجه متشاءم عبوس مظلم مكتئب ينطلق منه الضيق والقهر والملل .....
وأخيرا أى فنان بطبيعته معارض دائما بداخله ثورة تهيج أحيانا وتهدأ أحيانا أخرى ولكنه دائما يصرخ بالتغيير فإذا أتيح له ذلك سياسيا بكل ما تحمل الكلمة من معنى
أسعد وطنه وبنى حضارته وصنع تاريخه ومستقبله وغير كل طرق العلم والتعلم بداخله
ولكن
إذا قهر الأب هذه الأم المسكينة والمغلوب على أمرها بديكتاتوريته وظلمه إذا فلا أمل ولا سبيل إلى الرجوع فستظل الخطوات تائهة لا تدرى إلى أين تذهب وستصبح حياة هذه الشعوب بلا لون ولا طعم ولا رائحة
المنســــــ 9 ــــــ 10 ــــــ 2009 ـــــى

نقطة بداية ...جديدة

2009-10-10T16:28:00.000-07:00

كعادتى دايما أشرككم معى فى تساؤلاتى فى أحلامى فى أحزانى وأفراحى
خلص الصيف بكل حلوه ومره بكل حزنه وفرح وضغطه
وكان بالنسبة لى صيف ساخن جدا وملىء بالأحداث الجميلة
والمفيدة والناجحة أهمها على الأطلاق كورس الثردى ماكس والجرافيكس إلى بإذن الله هيدعمونى كتير فى السنة الجديدة طبعا بفضل دعواتكم وإننا إنتقلنا من دار السلام للمنيب وإن رمضان كان من أحسن شهور رمضان إللى قربت فيها من ربنا أوى
وطبعا البعد طول الفترة إللى فاتت كان بسبب ضغط الكورسات إللى أخدت شهرين ونص من ناحية وعدم توافر النت بشكل مستمر من ناحية
وكمان إحنا متفقين على العمل ثم العمل ثم العمل فى صمت ونبطل كلام شوية
المهم ...إليكم شهادات أهم إنجازات الصيف

طبعا انا موجود معاكم وده بيسعدنى جدا ويشرفنى جدا ومتباعكم بس على إستحياء كده لإن عملية التدوين دى كانت بتاخد منى وقت خرافى وكانت مجزانى عن حاجات كتير وده طبعا مايرضكوش

المهم بدأنا سنة جديدة

محتاج لدعمكم ودعواتكم جداجدا جدا جدا

وأشوفكم قريب على خير ياقلب وعيون ونبض مصر

المنســــــــــــــــــــــــــــــــــــــى

إلى أين ؟!!!!!

2009-09-07T13:17:00.000-07:00

سؤال طرحته عليا نفسى وأنا أسير فى أحد شوراع القاهرة فى إحدى الليالى الرمضانية ؛ إلى إين ؟!!
إلى أين أمة وشعبا إلى أين دينا ودنيا إلى أين مستقبلا إلى أين رقيا وتحضرا

نحن جميعا إلى أين
وكعادتى أجد صعوبة فى الإجابة على ما تطرحه عليا نفسى من أسئلة
فنحن شعب مصر قال الرسول صلى الله عليه وسلم عنا أننا فى رباط إلى يوم الدين وقال أيضا أننا خير أجناد الأرض .
شعب طيب كريم صبور خفيف الظل مسالم عزيز ذو نفس أبية يحب الخير ويعشق السلام والعدل والحرية
شعب هو الأعرق بين أقرانه والأفضل عند خالق أرضه وسماواته شعب نتباهى به بين سائر شعوب المعمورة شعب ذو تاريخ وحضارة وتدين وعادات وتقاليد هى الأعرق على الإطلاق
شعب كالأخ الأكبر فى حنانه وإحتوائه وعطفه ومشاعره
وكالأم فى رحمته وعطائه وإنشغاله
وكالأب فى حكمته ورويته وإحكامه وأحكامه
شعب جسور عظيم معطاء مقدام
شعب إذا أقدمنا على سرد مميزاته ومواصفاته مإنتهينا ولو ألفنا بعدد أفراده كتبا وعدد دروبه ومسالكه سطورا وكلمات فأخشى ألا أعطيه حقه فأمسك عليا لسانى وأكتفى بأقل القليل فى تعريفه
ولكن لايزال السؤال مطروحا ... نحن جميعا إلى أين
فالشعب الطيب المسالم المتوكل أصبح شعب شرسا مستبدا جشعا متواكلا

(إلى مارحم ربى كى لا نقع تحت طائلة شرك التعميم)

الشعب المجيد ذو الدين والعادات والتقاليد أصبح الدين فيه يتدهور تدهورا ملحوظا

ولا سبيل إلى مفر من ذلك وأصبح يستورد العادات والتقاليد بدافع التقدم والرقى وشتان مابين الإستفادة من ثقافات الآخر وبين الإنسلاخ من الأصل والذوبان فى هوية وثقافات الأخرين . الشعب خفيف الظل أصبح جزء منه وهو السواد الأعظم فى كآبة مستمرة وغياب تام عن الحياة وإنغماس فى هموم لا تنتهى من فقر وبطالة وهو الجزء الذى تحت خط الفقروجزء آخر يكفى يومه بالكاد لا يعرف شىء ولايريد أن يعرف عن أى شىء وجزء أخر أصبحت خفة ظله مبتذلة ومصطنعة وأصبح يسخر من كل شىء وعلى أى شىء فهو يسخر ويستهزىء وينكت على كل المشاكل دونما حل أو ربط وإنما فكاهة مصطنعة هى أقرب للـ(إستظراف )وشعب كريم وصل إلى هذا المستوى لايبقى له من كرمه إلا القليل الذى نستعرضه أمام السواح ومن حضارته وتاريخه سوى بعض الأطلال والأحجار التى طالما تكلمنا ونتكلم ولا نزل نتكلم عنها ونتشدق بها حتى لغته رابطته ووحدته هو وأقرانه من سائر الشعوب العربية تخلى عنها هى الأخرى ولا سبيل للخوض فى تفاصيل هذه الجريمة أيضا فقد تحدثنا عنها سالفا .فالأخ الأكبر بعد أن وصل إلى هذه الصفات لابد وأن يكون قد فقد هيبته وفقدت الأم حنانها وعطاءها وفقد الأب حكمته ورويته فلا تحدث مثل هذه الأمور إلى حينما تقوم الساعة
فنحن الآن إلا مارحم ربى أيضا واقعون تحت طائلة الإفراط والتفريط
الإأفراط فى المأكل والملبس وتغيير أجهزة المحمول إفراط فى إنحلال وميوعة وإنغماس فى شهوات إفراط فى إعلام فاسد وجهل يستشرى بيننا
وتفريط فى قيم ومبادىءوتفريط فى تحصيل علم ودين تفريط فى الخلق الحميدة التى طالما تحلينا بها تفريط فى الحقوق والواجبات والمعاملات تفريط فى عبادات تفريط فى التواصل بين بعضنا البعض تفريط فى كل ما خلقنا من أجله
إفراط فى القول وتفريط فى العمل
إفراط فى التواكل وتفريط فى التوكل
إفراط فى جدال عقيم وتفريط فى مناقشة بناءة وفهم وتعمق
كل هذا وذاك .... ولا يزال السؤال مطروحا بلا إجابة محددة وقاطعة
نحن جميـــــــــــــعا إلى أين ؟؟؟
السؤال يلح عليا من أعماق أعماقى .. هل فقدنا الأمل فى التغيير وفى الحياة فوصلنا إلى ما نحن فيه
هل فقدنا الأمل فى أن نكون أعزاء أحرار يسود بيننا العدل والحرية فبفقداننا الأمل وصلنا إلى ما نحن فيه
بالطبع توجد بيننا إيجابيات كثيرة ولكن السلبيات أكثر والتخلف والتدهور أوسع وواقع خطواته أكبر وليست الصورة بيضاء ناصعة كما عرضت فى أول الرسالة ولا سوداء صماء كما عرضت فى آخرها
ولكن بالطبع ما دفعنى لكتابة هذه الرسالة هو إحساس بعدم الأمان إحساس بعدم تحديد إطار عام نسير فيه إحساس بالفوضى وفقدان الهوية وإزدراء الأخلاق إحساس بالكذب والغش على أنفسنا طوال الوقت
وفى نهاية رسالتى هل من باحث معى عن الإجابة هل من أحد يشاركنى نفس إحساسى أم انا واهم وإختل إحساسى وتحولت إلى باحث عن سراب
هذه كلمات شاب يبحث عن الأمل فى حياة كريمة حياة خلقنا فيها فى المقام الأول لعبادة إله واحد وقال عنها رسولنا الكريم أنها دار فناء
وأيضا قال عنها كى لايساء فهمى
إعمل لدنياك كأنك تعيش أبدا كما قال إعمل لأخرتك كأنك تموت غدا
أو كما قال صلى الله عليه وسلم
شاب يبحث عن الأمل فى سلام قائم على الحب
وعلى مساواة أساسهاالعدل
شاب عربى مسلم يؤمن بكل الرسل ويحترم كل الأديان ويعمل بقوله تعالى

(لكم دينكم ولى دين )
شاب يحترم آدمية الإنسان ويحب فى الله إبن جلدته إخيه الإنسان ويحترم ثقافات ومعتقدات الأخر التى تقوم على العدل والحرية والمساوة والحب والتواصل لا على القتل والظلم والقهر والإحتلال والإستبداد
وكما قال مفكرنا الراحل عبد الرحمن الكواكبى
إن هى إلا كلمات حق وصيحة فى واد... إن ذهبت اليوم مع الريح فستذهب غدا بالأوتاد
المـنســـــ6ــــــ9ــــــ2009ـــــــــى

بدون عنوان

2009-09-07T12:51:00.000-07:00

منذ فترة ليست بالبعيدة ولم تسمع أذاننا هذه العبارة الرنانة

(محو الأمية )

بعد أنا نشأت أذاننا وترعرعت على سماعها... وألسنتنا على التغنى بها ..ولم تختفى هذه العبارة بإختفاء الأمية أو بالحد منها بل العكس تماما فقد إختفت هذه العبارة بعد فقدان الأمل من محو الأمية الفعلى الذى طالما حلمنا به ..ولكن
الجديد هنا أنها صارت أكثر من أمية ..هى لومجرد أمية فما أيسر من إزالتها ببضعة أيام مع قليل من الصبر والإرادة ..ولكن الموضوع صار جهلا حقيقيا بكل طرق العلم والتعلم...... ليس بأمية فحسب
وما هو الجهل إلا نتاج أمية بل وأشد خطرا من الأمية وليست الأمية هى المتسببة فى الجهل بغض النظر عن إنها أحد أعمدته الرئيسية
وما الفرق بين الجهل والأمية
الأمية :هى عدم تمكن المرء من القراءة والكتابة
ولكن الجهل :( الخطر الداهم ) هو عدم معرفة شىء ما أو فرع من فروع علما ما هو الجهل بهذا الشىء أو أحد فروع هذا العلم فيقال فلان جاهل بعلوم كذا أو كذا
ولكن عندما يكون فلان هذا من أمة إقرأ أمة العلم والتعلم ولكنه لا يعلم ولا يكون جاهل بعلم ما ولكنه جاهل بكل شىء وأى شىء هو لايريد أنا يعرف أى شىء عن أى شىء فهذا هو الخطر الأكبر والطوفان الأعظم الذى يأكل فى طريقه الأخضر واليابس
فالعلم اليوم وسبل المعرفة ما أكثرها فليست القراءة والكتابة هى المتحكمة فى أن يكون المرء متعلم أو جاهل فالمعرفة اليوم تحصل عن طريق قرائتها أو رؤيتها أو سماعها وما أكثر أدوات التنوير من برامج تلفزيون وإذاعة وسينما ومسرح ومسلسلات ودروس وخطب علمية ومحاضرات وندوات مبسطة لكل من يطلب علم سواء كان أمى أو غير أمى
وإذا تعلم الأمى وهو يتلقى العلم بأى وسيلة خلاف القراءة والكتابة فمن الممكن أنه بعلمه يمتلك الإرادة التى يمحى بها أميته
أما إذا لم يتعلم الأمى أصلا فإنه لا يعلم أنه لو محى أميته سيتغير شأنه وشأن دينه وعمله وحياته فلماذا يتعلم وهو بالفعل لا يعلم العلم أو لا يعلم لماذا يتعلمه وبالتالى لايهمه إذن إن كان قارئا أو كاتبا أو غيرها
وأكبر دليل على عدم ضرورة أن يكون كل أمى جاهل

(النبى الكريم معلمنا وقائدنا ((محمد ))صلى الله عليه وسلم )

فهو النبى الأمى والمعلم ولكنه لم يكن جاهلا بل كان عالما حكيما... نعى تماما أنه لم ينطق عن الهوى ولكنه تعلم العلم وحصله وهو أمى لا يعرف القراءة والكتابة
وأيضا من الممكن أن يكون المرء جاهل وهو قارئا وكاتبا هو بالفعل ليس بأمى ولكنه جاهلا وربما يكون طالب تعليم ثانوى أو متوسط أو عالى ولا يعرف فى دنياه سوى ما تعرض له فى دراسته ويكون جاهلا بباقى نواحى الحياة تقريبا ....
هل هذا لأنه لا يقرأ ؟ أم لأنه لا يقرأ ولا يسمع ولايرى ولا يتكلم ولا يحتك ولا يتناقش وإن تناقش أخذ بالجدل مرارا وتكرارا حتى أضاع على نفسه وعلى الآخرين فرصة تعلم شىء ما ...
فالدعوة التى نريد إطلاقها الآن لمحاولة إصلاح ما أفسد طيلة العقود الماضية هى دعوة ضد الجهل ..نعم ..الجهل نفسه وذاته ...الجهل الدينى والتاريخى الجهل السياسى والإقتصادى الجهل الثقافى والإجتماعى والحوارى والأخلاقى ..ضد الجهل بكل أنواعه وشتى معانيه
فليست الأمية هى العامل الرئيسى للجهل وإنما الجهل هو الذى يحفظ الأمية ويزيد من نسبتها
الجهل بمقدار وقيمة العلم والتعلم
الجهل بإن فضل العالم على العابد كفضل الشمس على سائر الكواكب
الجهل بإن العلماء هم ورثة الأنبياء
الجهل بالقراءة والكتابة
الجهل بالسمع والمشاهدة
الجهل بفنون النقاش وآداب الحوار
الجهل بالدين
الجهل بالقرآن والسنة
الجهل بأول كلمة أنزلت فى أطهر رسالة على وجه الأرض وهى كلمة (إقرأ)
فعندما يكون فى هناك جهل....سوف تتفاقم وتتزايد على أكتافه الأمية
فكل جهل يخرج من وراءه أمية ...وليست كل أمية يخرج من وراءها جهلا فى ظل كثرة تعدد أدوات التنوير فى عصرنا الحالى
___ملحوظة___
أنا لست عالما ولا مفكرا وهذا شرف لا أدعيه بعد ولكننى أسعى للوصول إليه فرفعة أمتنا وتقدم وطننا لا يأتى إلا بالعلم والمعرفة فهى اليوم سلاح كل راغب فى التقدم والرقى
المنســـــــــــــــــــــ 5 – 8 – 2009 ــــــــــــــــــــى

أسمع كلامك أصدقك أشوف أمورك2 ....

2009-07-16T04:38:00.000-07:00

فى كلية الفنون الجميلة بقسم العمارة قسمنا الجميل الذى يعمل كل من يعمل فيه على تطويره والرفع من شأنه ويحثنا كل من يحاضر لنا على تبادل الآراءا والنقاش وتطبيق مبدأ التشاور لوضع أساليب العلم والتعلم داخل القسم والإلتزام بالمواعيد وبالحضور وبالعمل المتواصل والدؤوب على رفعة هذه المهنة مهنة العمارة وهذا الفن الجميل وعلى رفعة وطننا أيضا .
ولكنى أرى القليلين هم من يفعلون ما يقولون على أرض الواقع
دون أن أخوض فى تفاصيل كثيرة
لقد لقى التعليم العالى حتفه كما لاقت مراحل التعليم المختلفة فى بلدنا العزيز مصر فكل عميد كلية يطبق مايريد على من يشاء وكل رئيس قسم شرحه ويذهب كل ذى منصب ويأتى الدور على من بعده لشن معركته الكبرى على ترك آثر فى القسم أو بصمة تحسب له لا للتعليم ولا للمتعلمين إلا ما رحم ربى وهم قلة والطالب والمواطن المصرى هو الخاسر الوحيد فى كل المعارك التى يخوضها ضده كل من يمتلكون المنصب الذى يمتلكون معه الرغبة فى وضع بصمة لهم لا لمن يتولون عليهم المنصب وليست وجهة النظر هذه تنفذ لكراسى رؤساء الأقسام فقط ولكن كل المناصب المسؤلة والغير مسئولة وإذا تحدثنا عن كل المواقف والسلبيات والأخطاء لم يكفينا عشرات الرسائل
ولكن ماحدث اليوم موقف قد حدث مرات عديدة قبل ذلك ولكن الجديد هنا أنى قمت بتصويره
وهو بعد تأجيل تسليم مشروع التصميم الخاص بالدفعة مرة وإثنان وثلاث واللعب بأعصاب الطلبة وعدم تطبيق مايقولونه عن الإلتزام وإحترام المواعيد كان الجديد أن التسليم تم تأجيله إلى ميعاد محاضرة آخرى لدكتور آخر من كلية الهندسة ولإنهم يعلمون جيدا أن المشروع وتسليمه يحتاج إلى وقت كبير أى دكاترة الكلية يعلمون أننا سوف نظل نعمل فى المشروع بشكل متواصل حتى صباح يوم التسليم مما يؤدى بنا إلى عدم حضور المحاضرة الأخرى فكان أول قرار مصرى ديكتاتورى حاسم دون مناقشته ومعرفة ما إن كان يمكن تطبيقه أم لا وهو أن تقيد تسليم المشروع بحضور المحاضرة المذكورة وإلا يتم رفض المشروع
وكانت المحاضرة فى الثانية عشرة ونصف والتسليم سيبدأ من الثانية عشرة إلى ميعاد المحاضرة يعنى نصف ساعة مع العلم أنها غير كافية بالمارة والجدير بالذكر هنا انا المهندس الذى عهد إليه إستلام المشاريع تأخر إلى الثانية عشرة والنصف أى فى ميعاد المحاضرة المذكورة مما دفعه إلى إستلام المشاريع فى حضور محاضر المحاضرة المذكورة بل والأخذ من وقت المحاضرة حوالى ساعة كاملة من الفوضى والهرج والمرج التى أدت لتوترنا وتشتتنا الموجود بالفعل والناتج عن العمل المتواصل حتى صباح يوم التسليم
وعندما كانت فى حيازتى كاميرتى الخاصة صورت الحدث بأكمله فيديو وصور أيضا ... وعندما كنت ألتقط إحدى الصورفألقت الكاميرا بالفلاش الغير مقصود مما أدى إلى ذعر المعيد المسؤل عن إستلام المشاريع ونظر ألى فاغرا فاه وقال (إنت بتعمل إيه )وقدم إلى مهرولا وقال(هات الكاميرا دى )وبعد محاولة تمنع منى وإصرار منه أخذ الكاميرا وقال لى (إبقى روح خدها بقى من رئيس القسم )
أه جالك الموت ياتارك الصلاة رئيس القسم كده مرة واحدة أستر ياللى بتستر ..المهم خلص تسليم المشروعات وبدأت المحاضرة فى إستياء كامل من الطلاب والمحاضر الموجود وأخذت اتخيل ماذا سيحدث لى بعد المحاضرة من رئيس القسم هلى سيناقشنى فيما فعلت ولماذا؟ أم ...أم ...أم
واخذت أفكر وأفكر
فرئيس القسم رجل أحبه وأحترمه من السنة الماضية حيث كان يدرس لنا مادة من المواد التى أحبها.. ورئيس القسم الذى جمعنا فى محاضرة فى أول العام الدراسى ليكلمنا عن الإصلاح فى العملية التعليمية بالقسم والإحترام المتبادل بين الدكتور والطالب وبين الطالب والطالب وعدم شرب السجائر داخل القسم وعدم الهزار باليد بين طلبة وطالبات القسم.. هو الذى سمح لهم بعرض أفلام داخل قاعة الكلية الرئيسية ((بــ2 جنيه النفر ))كنشاط من أنشطة إتحاد الطلاب فى كليتنا الجميلة (إللى عمرى ما سمعت عنه )) وأخذت أفكر وأفكر وإنتهت المحاضرة وكان على أن أذهب لملاقاة رئيس القسم وهنا كانت المفاجأة .فرئيس القسم الذى ظننت أنه سيناقشنى ويعرف منى لماذا فعلت هذا العمل وقمت بالتصوير مالذى كان يعجبنى فى الموقف أدى بيا إلى تصويره أو الذى لم يكن يعجبنى لالا لم يحدث هذا ولا ذاك ولكن
فوجئت برئيس القسم قائلا (إيه إللى إنت عملته ده )وانا ببلع ريقى ..عملت إيه يادكتور
إنت كنت بتصور زمايلك البنات
لا يادكتور الموضوع مش كده أنا دايما وإحنا بنسلم المشاريع بجيب الكاميرا معايا وبصور المشاريع إللى بتعجبنى ويوم التسليم يعنى بتبقى ذكرى حلوة بتفكرنا بشغلنا بعدين ودى حاجة متعودين عليها فى كل مشروع
راح قالى ..إنت مصور البنات من ..... محدش يفهمنى غلط (من ضهرها) وكده غلط إنت كان لازم تستأذن زمايلك الأول ...وقلت فى بالى هى الصور مكنش فيها غير بنات يادكتور ..وأتبع هو إنت متعرفش إنهم مسكوا واحد فى التحرير كان بيصور البنات من ضهرها
يادكتور لأ البنات دول إخواتى وزميلاتى وموجدين مع بعض بقالنا 3 سنين ويمكن بنقعد مع بعض بحكم الكلية أكتر ما بنقعد فى بيوتنا إشمعنا هصورهم بس النهاردة وأخذت أفكر ماهم قدامى طول الوقت إشمعنا النهاردة ولسة هقولو على كنت بصور ليه
أوقفنى بإشارة من يده قائلا أنا مسحت الصور ومتعملش كده تانى إلا لما تستأذن زمايلك
وأنا غصب عنى – أنا أسف يادكتور – بس ....
خلاص خلاص روح شوف محاضراتك
وانا ماشى أنا بصور بنات طب ليه هعمل بيهم إيه ماهم قدامى طول السنة إزاى يقول عليا كده وإزاى انا أتحمل الإهانة دى ..بس كنت هقول إيه منا لو كنت إتكلمت كنت هزود البلة طين((ولا أصحابى وانا طالعلوه إوعى تتكلم معاه يامحمد أو تعارضوه قله انا أسف وخلاص إحنا مش ناقصين عايزين نخلص من السنة دى على خير)) ..متقلقوش ياجماعة صدقونى ما هتكلم معاه فى أى حاجة
بس إزاى يتهمنى بكده وهو نفسه مسح دليل الإتهام طب كان خلاه عشان وهو بيقولى إنت كنت بتصور البنات كان يورينى البنات إللى أنا مصورها لو كان فى فعلا صور بنات تبقى صورة ولا إتنين ومش مقصودة ..طب كان مسحهم وساب الباقييين
يالله .... لماذا لا يناقشنى كما يقول ويسألنى مالذى أعجبنى ولم يعجبنى فى الحدث مما دفعنى إلى تصويره أين الحرية التى تتحدث عنها يادكتور أين وأين وأين .....
نزلت من القسم ...أصدقائى قابلونى وأطمنوا عليا وأطمنوا إنى سكت ومخرفتش
روحت البيت وانا هتشل
نمت
صحيت من النوم
كتبت البوست ده
ويبقى الوضع على ماهو عليه وعلى المتضرر خبط دماغه فى أكبر عمود خرسانى مسلح أو يشرب من البحر
9/11/2008
المنســــــــــــــــــــــــــــــى

أسمع كلامك أصدقك ..أشوف أمورك !!!!!!! 1

2009-06-22T12:44:00.000-07:00

الحرية فى بلادنا العربية من أجمل الأشياء نتكلم عنها كثيرا نقرأ عنها ونسمع عنها كثيرا ولكن لا نستطيع تطبيقها إلا على قصات الشعر ولبس آخر موضة وفرض الآراء على الآخرين بدافع الحرية
وحتى أنا وأنا أتكلم فى مثل هذا الموضوع أيضا أقع فى مثل هذه الأخطاء بقولى كلام وعدم تطبيقه أو عدم تطبيق بعضه أو قول كلام فى موقف والتعارض معه فى موقف آخر وينبهنى القريبين منى لذلك فأراهم فى بعض المواقف محقين وفى بعضها قد تسلل إليهم كلامى فى موقف ما بشكل خطأ إعتقدوا أنى أتعارض معه فى موقف آخر ولكن .........
عندما يكون من يقول كلام ويتعارض معه أحد الرموز أحد صناع القرار أحد القادة أو أولياء الأمور أو معلمينا أو رؤسائنا وقوادنا الذيت يتحكمون فى مستقبلنا ومصائرنا اللذين فى بعض الأحيان نكون قد إختارنا منهم مثلنا الأعلى الذى نقتدى به فى كل شىء
فالأمر خطير والمشكلة ليست بالسهلة
ففى هذه الأيام أصبح شعارنا جميعا إلا ما رحم ربى قول الكلام وعدم تطبيقه وربما التعارض معه على طول الخط
وكلنا إلا ما رحم ربى أيضا أصبحنا عباقرة ومعصومون فكل واحد شايف إنه من وجهة نظره هو الصح وكل الآخرين مخطئين هو المحق والآخرين متخلفين وإذا حاولت إقناعه أو حاول هو إقناعك وصلنا جميعا إلى طريق مسدود ينتهى بعبارة واحدة ده رأيى وانا حر فيه وإنت كمان حر فى رأيك
مما نتج عن ذلك تفكك مجتمعى مقطوع النظير وإنطوائية بلهاء وعدم التوافق والإنسجام مع الآخرين فى شتى المجالات وخصوصا أننا كمصريين فهلويين فكل واحد إلا ما رحم ربى يفهم فى كل شىء ويعرف كل شىء عن أى شىء وهو فى حقيقة الأمر لا يعلم أى شىء
إلا أن وصل شعارنا ضد الأخرين
أسمع كلامك أصدقك أشوف أمورك أستعجب
مادفعنى لكتابة هذا الموضوع موقف قد حدث لى ولكنه قد يطول شرحه وسأتكلم عنه فى البوست القادم

9/11/2008
المنســــــــــــــــــــــــــــــــــــــــــــــى

وحشتونى

2008-11-16T09:23:00.000-08:00

بعد غياب طويل وراحة من الكتابة والتدوين وإنفصال تام عن كل ما يشغل العقل والبال
ومرحلة من مراحل اليأس وتكبير الدماغ والتعب والكلل والملل
والإحساس بعدم القدرة على فعل أى شىء أو تغيير أى شىء
وحشتنى مدونتى جدا ووحشونى المدونين جدا جدا
برسل سلامى إلى كل المدونين بوجه عام وبقول لهم إن الحياة من غيرهم بجد ناقصها كتير
وبوجه خاص إلى المدونين إللى سألوا عليا وراسلونى فى غيابى
وبطمنهم وبقولهم الحمد لله أنا بخير بفضل دعواتهم
والمرحلة إللى فاتت كانت يأس تدوينى ليس إلا لكن الحمد لله كنت موفق فى مجالات أخرى
الحمد لله قضيت فترة الصيف بإستفادة بشكر ربنا عليها
والحمد لله دخل الملف بتاعى شهادتين جددوكالعادة بشرككم معايا فى فرحتى
شهادة التدريب الصيفى إللى بتعتبر شهادة خبرة ليا

وشهاد المستوى التانى من كورس الإنجليزى إللى والحمد لله قطعت فيه مرحلة كويسة جدا

والحمد لله الدراسة بدأت ومن ساعتها وإحنا ماشاء الله مطحونين لدرجة إنى مش عارف أشوف أمى ولكن الأمور بفضل ربنا ثم دعواتكم تمام والحمد لله
ممر التنمية والتعمير
الناس إللى كانت بتسأل عن ممر التنمية والتعمير بحب أطمنهم وقلهم ياجماعة مصر بخير والحمد لله الموضوع مفيهوش جديد كالعادة إلا أننا أعضاء جروب ممر التنمية والتعمير أو ده المفروض يعنى

قمنا بإرسال رسالة إلى صاحب المقترح
الدكتور فاروق الباز تنص على الآتى
السلام عليكم ورحمة الله وبركاته
أستاذنا العزيز وإبن مصر المعطاء
الدكتور فاروق الباز
نسأل الله جميعا أن تكون بخير داعين الله لك بدوام الصحة والإستقرار
نحن مجموعة من أبناءك وبناتك أبناء وبنات هذا البلد الذى دوما تفكر فى تقدمه وإرتقائه
لقد عرفنا بمقترحك الرائع ((ممر التنمية والتعمير ))
ونقوم الأن بنشره كبداية لأى مشروع عظيم مثل هذا المشروع بنشره وتعريف الناس به كما نصحت حضرتك لكى يكون هذا المشروع مشروعا قوميا ونقوم بذلك عن طريق المدونات المختلفة والفيس بوك وأى وسيلة أعلام متاحة
ونتمنى الإنضمام لحضرتك كى تمدنا بخبرة حضرتك فى خطواتنا القادمة وأن تكون معنا دائما موجها ومربيا وداعما ومحفزا إلى أن نحصل على ما تتمناه ونتمناه فى تنفيذ مقترحك الرائع كى نجنب مصر مستقبلا ليس بالأسود ولكن لا يليق بمكانتها بين الأمم
وإلى حضرتك روابط ما قمنا بعمله حتى الأن

http://www.facebook.com/group.php?gid=25883624458
رابط الجروب على الفيس بوك
http://elmancy2000.blogspot.com/2008/07/blog-post_15.html
رابط الموضوع على المدونة
http://www.facebook.com/group.php?gid=6625153727
جروب أخر خاص بالموضوع
http://www.facebook.com/group.php?gid=5185122683
جروب أخر خاص بالموضوع

وقمنا بإرسالها أيضا لكا أعضاء الجروب
وتفضل مشكورا دكتور فاروق الباز بالرد التالى
Dear Mohamed:
Many thanks for your thoughtful message and kind
remarks.
I had the opportunity to review your sites and I am
very pleased that you and your friends are getting
so involved.
My proposal was clearly for the benefit of your generation.
I am delighted that you are so concerned and discussing
all aspects of it with such concern.
Keep up the good work; may God bless you all.
Farouk El-Baz
وإللى ترجمتها بتنص على
عزيزى محمد
شكرا جزيلا لرسالتك المدروسة
وقد أتيحت ليا الفرصة لمراجعة موقعك وانا سعيد جدا انك وأصدقائك مهتمون بالمقترح وتعملون على تحقيقه
إقتراحة كان بشكل واضح لمنفعة جيلك
وسعيد جدا أنكم مهتمون به وتناقشونه بهذا الأهتمام
واصلوا العمل الجيد بارك الله فيكم
د: فاروق الباز
والحمد لله بعتنا الرسالة وردها على الجروب ولم يصلنا أى تعليق من أعضاءه مما أصابنى بالحاجات الكتير إللى قولتها فوق
دار السلام
أما بالنسبة لدار السلام والناس إللى كانت بتسأل التغيير ده تم ليه وهيدوم ولا لأ
فكل إللى اعرفه عن الموضوع إن دار السلام هتبقى مركز مستقل وليها قسم شرطة مستقل لإنها قبل كده كانت تابعة للبساتين والتغيرات إللى كانت بتحصل كانت للسبب ده هيدوم الكلام ده ولا لأ الله اعلم بس هى لغاية دلوقتى بخير والحمد لله حتى بعد ماهدوا أجزاء منها فى مدخل أسطبل عنتر على غرار حادث الدويقة ومعرفوش يسكنوا الناس إللى هجروهم فوقفوا الهدد وربنا يستر على إللى جاى كالعادة
مش هطول عليكم أكتر من كده أعذرونى لو مش هبقى موجود معاكم بشكل دائم الفترة القادمة أكيد هيبقى خارج إستطاعتى
وفقنا الله وأياكم إلى ما يحب ويرضى
ويبقى السلام هو مسك الختام
المنســــــــــــــــــــــــــــــــــــــــــــى

رسالة شكر إلى محافظ القاهرة

2008-08-11T06:46:00.000-07:00

بجد أنا مش مصدق إنى بركة وسرى باتع وصيتى واصل أوى كده من أول رسالة كده علطول ده على كده هبعت رسالة لجورج بوش يسيب العراق ويمشى أحسن له
ملحوظة إللى مش هيفهم حاجة يقرا البوست اللى فات
بقى ياسيدى صيحت من النوم الصبح ولبست ورايح الموقع كما جرت العادة وبوهم نفسى إنى خلاص بقيت مهندس
أوم إيه
عقبال ما وصلت على الطريق العمومى بتاع منتقتنا إللى بمشى فيه حوالى خمس دقايق وأوصل للمترو والاقى كام عربية من النص نقل بتاع الحكومة وعمالين يكسروافى الأكشاك بتاعة أكسسوار الموبيلات والعطور والشوز وكل حاجة موجود على الطريق ووراهم كام عربية من بتوع المرور إللى هما بيكلبشوا العربيات إللى راكنة فى الممنوع وبما إن العربيات فى دار السلام كلها راكنة فى الممنوع فكانو بيكلبشوا كل العربيات بس كده
لأ وكمان إيه عمال النظافة الله يكرمهم إللى لما حد يعدى عليهم يديهم شنطة زبالة وميدهمش فلوس ويقول لحد منهم نهارك أبيض يرد عليه يقولوا نهارك أسود ودى حصلت قدامى المهم لقيتهم شغالين ماشاء الله أنا قلت فى الأول تلاقى حد مهم معدى ولا حاجة مع أن ده محصلش فى دار السلام قبل كده
قوم إيه
وصلت لغاية كوبرى دار السلام عشان الاقى لجنة فيها مزيج من الرتب المختلفة وشوية عساكر مبيوقفيوش ولا ميكروباص فى الممنوع وعمالين نازلين مخالفات على صباحية ربنا بينى وبينكم السواقين كانو صعبانين عليا بس بينى وبينكم برضوا يستاهلوا إنه لا يصح إلا الصحيح وهما دول السواقين إللى بينشفوا ريق الناس عشان الأجرة وقلة الأدب إللى بيعملوها أهو جالهم إللى يربيهم كل ده عادى كنت ساعات بشوفه كل سنة مرة كده قبل العيد أو قبل السنة الدراسية الجديدة
ولكن الغريب بقى أنى وانا راجع أخر النهار لقيت نفس الموضوع
طريق مفتوح
عربيات لأول مرة بتجرى براحته
حتى كان فى واحد هيخبطنى لأنى بعدى الطريق براحتى معتمد على إنى وانا بتمشى أسرع من عربيات دار السلام
لأ وإيه
شالو كل بتوع العيش والمحمول والفاكهة وبتوع الليف والخضار والكريمات الضاربة كل دول معرفش ودوهم فين والطريق بدل ما كان بيمشى فى عربية واحدة بقى تلاتة واربة بالعرض يعنى
وكمان علاوة على كده كله
بقى فى أقل من ربع العربيات الموجودة على الطريق لأن عربيات دار السلام كلها من غير ورق وبالتالى كلها أختفت النهاردة والحمد لله
والكوبرى لأول مرة الأقيه مش واقف عليه ولا عريبة وسالك والحمد لله
والجديد بقى ركن العربيات صف واحد وعربية بتاعة كلبشات ركنة جانب السنترال مستنية إللى ماما تدعى عليه
وياسلام على دار السلام لما تتمدن
حطوا قدام كل بيت أو محل شجرة
هى أه شجرة صغيرة
بس مسيرها تكبر وعلى فكرة إجبااااااااارى
وظباط من كل نوع موجودين فى الشارع وقدام الكوبرى
وواحد صاحبى قالى إنهم رفعوا الزبالة إللى قدام المجمع إللى فى الشارع الرئيسى زى ما قلتلكوا
بس الزبالة جوه زى ماهى وعند العجمى الطريق مقفول خالص من الزبالة
بس واحدة واحدة
مش كله مرة واحدة
وانا مكنتش لسة عملت أى حاجة من مقترحات آبى ولا كريم ومكنتش هعمل منها إلى بسيط وقلت عليه فى التعليقات إللى فى أيدى يعنى
لكن حاجة مكنتش متوقعة خاااااااالص
منطقة الملاءة النهاردة
نيولوك
والشارع تزين بأكتر من مائة شجرة ده غير التواجد الأمنى ومفيش زحمة ولا قلة أدب ولا شجار بجد مكنتش مصدق
تفتكروا ده من أيــــــــــــــــــه
البوست بتاعى ههههههه
أشك
لأن أنا دايما منسى
هههههههههههههههه
طب ممكن يكون دعاء المدونين
ولا ده قانو المرور الجديد
كل شىء جائز
بس سيبكم أنتو
دار السلام من بره
هه من بره بس
بقت تحفة
وممكن أستضفكم فيها قريب
ده لو فضلت على كده
ملحوظة
المدونين إللى سألونى على أخبار ممر التنمية والتعمير هنزل الجديد فى البوست القادم إن شاء الله إللى أنا مش شايف إنه جديد أصلا
ملحوظة كمان من هنا وبأسم كل اهالى دار السلام ببعت رسالة شكر الى محافظ القاهرة
مش مهم علموا ده من إيه
المهم أنه تم واتعمل
المنســــــــــــــــــــــــــــــــــى

رسالة إلى محافظ القاهرة

2008-08-07T15:03:00.000-07:00

ياسيادة محافظ القاهرة يامحافظ بيه يامحافظة يانواب مجلس الشعب ياكل من هو قائم على العمل بأحياء القاهرة المختلفة بوجه عام وحى دار السلام الغنى عن التعريف للكثيرين بوجه خاص
أوجه لكم جميعا بإسم أهالى دار السلام
دار السلام التى تقل حواى 2 مليون مواطن فيما أكثر من الحوالى 9 مليون التى تقلهم محافظة القاهرة يعنى حوالى ربع سكان القاهرة أو يقل بقليل
دار السلام التى تشتهر بإسم الصين الشعبية ويعرف هذا كل من يستقل مترو الأنفاق فهى المحطة تكاد تكون الوحيدة التى ما أن يعبره المترو إلا وقد يكون قد خلى تماما وأمتلىء تماما بدون مبالغة
دار السلام التى يوجد بها كم شباب وطاقة بشرية غير عادية وانا واحد منهم طبعا
دار السلام إللى بمجرد أى أمين شرطة معفن يعرف أو يشك أو يشوف فى بطاقتك أو يشم بس ريحة إنك من دار السلام وراكب طيارة حتى لازم ينزلك ويفتشك تفتيش ذاتى كامل وكأنك قلتله من تل أبيب
دار السلام التى يحدها من النواحى الأربعة المعادى والمطبعة ونهر النيل والملك الصالح أو منيل الروضة
دار السلام التى تباع بها كل أنواع الصنف إللى هو المخدرات يعنى على مرأى ومسمع من أجهزة الأمن التى تكاد تكون منعدمة
دار السلام تحتضر ياسادة
دار السلام وتحديدا فى منطقة عزبة خير الله إللى هى منتقتى يعنى حصل فيها الأسبوع إللى فات إنفجار فى كل كابلات المنطقة تقريبا كادت أن تودى بحياة الكثيرين(((( ده طبعا ناتج عن الضغط وشدة حرارة الجو والضغط ناتج عن كثرة الأستهلاك لإن فى منتقتنا كل أسرة بتعيش فة أوضى وكل أوضة فيها عدادا وكل بيت فيه أوض كتيييييييييييييييير ومش سايبين الشقة كلها وقاعدين فى أوضى لاااااااااهو مفيش غير أوضة واحدة بس زى برعى بتاع شاهد مشفش حاجة ههههههههه))))
بعد أن كادت تودى بحياة الكثيرين لولا أنا عم زغلول وبعض من كهربائية المنطة بقيادة زعيم المنطقة عم زغلول بشكاير البودرة دخل على الكابل وهو بيفرقع زى الأسد وطفى النار إللى طالعة منه وكانو الكهربائيين فصلو التيار العمومى من الكابينة الأم
الحمد لله نمنا فى سلام من غير مراوح فى اليوم ده ومش هقولكوا بقى على إزاى الليلة دى عدت إلى أنا جائنا المدد فى نهاية اليوم التالىبتصليح الكهرباء
ملحوظة فى نفس اليوم كانت بعتت مباحث الكهراء لينا ناس متخصصة وعربيات مطافى بس كان بليل بعد ما كل حاجة خلص
كالعادة
دار السلام أيضا تغرق فى الزبالة وخصوصا فى الشارع الرئيسى الوحيد الموجود بها والموصل إلى المعادى وفايدة كامل من ناحية وإلى المطبعة ومنيل الروضة من الناحية الأخرى تصل فيه إرتفاعات الزبالة حوالى 3 متر بدون مبالغة
والمنطقة الثاية كمأوى لزبالة منطقة العجمى التى يوجد بها مقام سيدى العجمى وعلى جانبيها شركة النصر للتلفزيون ولاجانب الأخر مدرسة القاهرة الفنية المعمارية مدرستى سابقا وهى أكبر مدرسة على مستوى الجمهورية من حيث المساحة
والمكان الثالث أى مكان فاضى فى دار السلام إللى مفيهاش أماكن فاضية أصلا
تحت الكبارى أو الكوبرى يعنى الوحيد إللى فيها وجنب الأسواق وعلى نواصى الشوراع وجنب مجمع المدارس مشاء الله الزبالة بتنتشر بشكل مرروع لدرجة إنها وصلت للمخرج الوحيد المؤدى إلى الجيزة والسيدةوبيأخد عربيتين فى عرض الطريق
العربية الواحدة بقت بتعدى بالعافية
والله إرتفاع الزبالة وصل ل3 متر بدون مبالغة وركزو فى بدون مبالغة دى
دار السلام إللى كانت بتتوصف دى إللى هى منتقتى يعنى لا تحتوى على مداخل سوى مدخلين عرض كل واحد لا يتجاوز ال8 أمتار يستخدمهم كل سكانها تقريبا
أولهم مدخل شارع الجسر البرانى وده لدخول السيارات القادمة من الجيزة والسيدة زينب ولك أن تتخيل أن عرض الشارع ده فى أماكن منه لا يتجاوز ال4 متر وبيوسع ويضيق على حسب المحلات والورش وانت وحظك
والمدخل التانى ده للعربيات القدمة من السيدة عائشة يعنى على الجانب الأخر من الشاطىء من الأقصى للأقصى يعنى ده طبعا غير مترو الأنفاق إللى لولاه كان البلد ده إنفجرت من زمااااااااااااان
ولكوا أن تتخيلوا أيضا برضو بدون مبالغة دار السلام لا تحتولا على اى مصدر أمنى قرابة العشرين ساعة يوميا ولا حتى عساكر المرور ولا بعد تطبيق قانون المرور إللى بطبق فى كل مكان إلا دار السلام ودايما العربيات راكبة فوق بعضيها والطريق واقف طول اليوم والسواقين فى منتهى الخسة وقلة الأدب وبيدفعوا الركاب إللى هما عوازينه
والجميل بقى أنك لو خرجت من دار السلام الصبح
إبقى قابلنى لو عرفت تدخلها أخر النهار تسافر العراق أسهل
ويعينى بقى لو متريش وعايز تركب تاكسى لا سمح الله إبقى قابلنى لو وقفلك تاكسى هههههههههه
دى دار السلام يابا يعنى رجولة وأدب وأخلاق يعنى إللى يروح مايرجعش
يعنى التاكس لو لا قدر الله دخلها على الساعة 2 مش هيخرج منها قبل 5 ولو وقفت تاكسى مثلا وإنت فى التحرير وشايل حاجة تقيلة وده بيحصل فى المناسبات والأعياد الرسمية بس السواق يقولك تيييييييييييييت ويجرى
ياسيادة المحافظ ووزير الداخلية والمرور حضارتكم شغالين للبلد كلها مش للمهندسين ومدينة نصر وبس
دار السلام وعزبة خير الله وعزبة أبو قرن وفايدة كامل والبساتين والجزيرة ملزومين من سيادتكم برضو
يانواب مجلس الشعب ياريت نشوف حل إن شاالله حتى تنسفوها وتخلصونا طالما مش قادرين على مشاكلنا
دار السلام مليانة زبالة ومخدرات وشباب بيضيع على مرأى ومسمع من الحكومة الجميلة إللى بتتمثل فى معاون قسم البساتين
مجارى ضاربة وقلة مياه وتلوث ماشاء الله وتقصير فى كل نواحى الحياة وعدم تواجد أمنى بالمارة ولا حتى عسكرى مرور واحد
دار السلام بتخرب ياسادة
دار السلام بتموت
دار السلام بقيت دار شر
ملحوظة صغير

كل الأرقام التى وردت بهذا البوست أقرب للحقيقة وليست الحقيقة

وملحوظة كمان كان ممكن نملى البوست ده بالصور بس أنا بتكسف أنزل منتقتى بالكاميرا كده ليقولوا الواد إتجنن ولاحاجة ويقولوا دار السلام هتطلع فى التلفزيون ويموتونى

المنســــــــــــــــــــــــــى

هكذا ...........أحلم

2008-08-02T14:22:00.000-07:00

هكذا أحلم أن أرى كل أصدقائى المدونين والمدونات مجتمعين دائما على فعل ا لخير وعلى الإيجاب وعلى العمل والعطاء لا السلب والإسترخاء
سعدت جدا بلقاء أصدقائى المدونين والمدونات من مختلف المحافاظات ومختلف الأوساط التدوينية ومختلف المهن
بجد بجد بشكرهم كلهم جدا على الوقت إللى قضيته معاهم لكى أستفيد من تجاربهم جميعا
وأتمنى أن يجتمعوا دائما على الحب والعمل والإيجابية والعطاء
أنا مش عايز أنسى حد ولكنى أذكر نفسى برؤياهم جميعا
ومش هتكلم كتير لأنى بجد مشغول وسبحان من خلانى أقعد عشان أكتب البوست ده وبجد مدونين سعدت بيهم كلهم أدب وأخلاق وذوق وعلم وثقافة وحب وحاجات كتييييييييييييييييييييييييييييييييييييييييير
أول واحد كان حبيب قلبى إللى شبه خاللى إللى حبيته أول ما شفته
أيهاب الشاب الشنكوتى
كريم يوميات مطلق
نوشا انا الغريب
هيثم الدهشان وهمسات عشق
خالد أبو همس و همس الأحباب
نوران الشاملى صاحبة الحفل وعروس اليوم ده البت خيخة
إللى عندها كمية حب وتفاهم مفيش بعد كده كانت لمانا زى ما نكون عيالها جايبة كم العطاء والحنية دى من عند أنهى عطار والله مش عارف
بجد شكر خاص جداااااااااا ليكى ياخيخة
وماما فاتيمة وصاحبتها إللى كانو منورين الحضور
وآبى برنسيس المدونين لاتعليق
وداليا وقوس قزح
ياسمين ويوميات فنانة مفروسة جدااااا
وشيماء وشيماء الجيزى
بابا أبو خالد وذكرياته
وحبيب قلبى بخفة دمه ويارب نبقى زمل إن شاء الله نيجروو
والجميل أستاذ أحمد إللى نفسى أقعد معاه تانى رحايا العمر
وعسقلانى إبن حجر العسقلانى
وماما شاهى أطيب قلب و مفيش حاجة
ودكتورة مروة ولماضة
أحمد سوووو عجوز وعنده تلاتين سنة
ورودى البنت المصرية
وميرة أمرأة بعقل رجل
ومدونة أحسن تستاهل
وضياء
أعذرونى أنا مقصر فى الكلام عنكم ولكن مهما أتكلمت مش هقر أوفيكم حقكم بجد
تحياتى ليكم كوووووووووولكم وإللى نسيتهم أو متعرفتش عليهم ميزعلوش منى
الجايات أكتر وبكرة أكيد أحسن أن شاء الله
ويارب يارب يارب يدوم علينا نعمة الحب والألفة واللمة والعمل والجد والتعاون اللهم أمييين
المنســــــــــــــــــــــــــــــــــــــــــــــــــــــــــــــــــــــى

أخيراااا........ا قالت حاجة عدلة

2008-07-28T11:31:00.000-07:00

أه والله شوفتو إزاى أنا مش مصدق والله
قال إيه
أفتت دار الأفتاء المصرية أو دار إفتاء الحزب الوطنى الديمقراطى يلا مفرقتش كتير
المهم
أفتت وقالت وجلجلت وصحيت من النوم أخيرا وفاقت من الحاجة الأصفرا إللى كانت شرباها
وقالت إيـــــــــــــــه
قال إيه الإسلام لا يجيز التوريث سمعتى ياأم أحمد الإسلام لا يجيز التوريث ختى بالك ياأم جمال أهو شرعى أهو
الإسلااااااااااااااااام لاااااااااااااااا يجيــــــــــــــــــــــــز التوريــــــــــــــــــــــــــــث
أه أى نعم أنا لا أعترف بدار إفتاء الحزب ولا بشرعيةأى حاجة تابعة للحزب بس أهو حصل وعملوا حاجة عدلة فى حياتهم والواحد برضو لازم يقول إللى ليه وإللى عليه
إزاااااااااااااااااى بقى ده حصل
قال إيه بيقولوا إن طبقا للمادة 76 إللى أتفق عليها المصريين إللى هو إحنا يعنى إحنا إحنا
أه والله إحنا يعنى أنا وإنت ...............إنت يابنى إنت إنت بتبص فين أيوة والله إنت .....إيه مش مصرى ولا إيه منك لله يا إللى فى بالى نسيت الناس ملتها
المهم قالو إن نص المادة 76 إللى أتفقنا عليها بيقول إن رئيس الجمهورية
ركز معايا
ينتخب عن طريق الأقتراع السرى العام المباشر
كانت ناقصة النزيه الشفاف ههههههههههههههه
لذلك فإن النظام المتفق عليه بينا إحنا كمصريين ركزوا معايا إللى إتفقنا عليه هه إتفقنا
نون الجمع أهو
لاااااااااااااا يجيــــــــــــــــــــــز التوريــــــــــــــــــــث
ولا تولية العهد

اللهم بلغت اللهم فاأشهد
يعنى
يارب البعيد يفهم إننا رافضينه ومش طايقينه هو ولا أى حد من حزبه
وياريت ميعملش فيها عبده العبيط وميشرفناش بطلعته البهية
ياااااااااااااااااااااااارب
المنســــــــــــــــــــــــــــــــــــــــــــــــــــــــــــــــــــى

ممر التنية والتعمير

2008-07-15T13:33:00.000-07:00

أو ممر الباز والذى ذكرناه فى البوست الماضى والموجود البانر بتاعه فوق على اليمين أهو وممكن تعمل سيرش على جوجل هتلاقى عنه حاجات كتير تخيل وإنت متعرفهوش
لالالالا مفيناش من الحاجات دى ياعم الحج إيه الكلام الكبير ده
لحظة واحدة سيدى الفاضل وهتفهم كل حاجة
مين هو ممر التنمية والتعمير ده : ده مشروع بيقترحه عالم مصرى إسمه فاروق الباز وذكرته أيضا فى البوست قبل الماضى ولو مش عارفه ياسيدى متزعلش نفسك ده عالم مصرى من علمائنا الأفزاز وهو عالم بيئة وجيولوجيا ويعمل بجامعة بوسطن الأمريكية من الثمانينات والآن بجانب عمله فى جامعة بوسطن يعمل أيضا فى ناسا
ماشى كلام جميل إيه هو بقى ممر التنمية والتعمير
د: فاروق الباز ده زى ماقولنا عالم مصرى مش عاجبه زى ماهو مش عاجبنى ولا عاجبك ولا عاجب أى مصرى عاقل إننا نعيش على مساحة ال5% من مساحة جمهورية مصر العربية فإقترح وهو عالم جليل وعلى علم تام وضراية تامة بكل شبر فى صحارى مصر ما هو الإقتراح ؟
إقترح ان نقوم بعمل ممر موازى لمصر الحالية موازى لوادى النيل بطول مصر الموجود بطول 1800 كم يبدأ من العلمين شمالا إلى بحيرة ناصر جنوبا وزلك بعمق داخل اصحراء الغربية حوالى 1200 كم ويصل بين هذا الممر الطولى الموازى لمصر إحدى عشر ممرا عرضيا بين مصر الحالية ومصر الموازية أو الممر الجديد إللى هو بطول مصر الموجودة حاليا وموازى ليها تماما وفى هذه الإحدى عشر ممرا سوف تدب كل وسائل الحياة وتنتشر كل مقومات المعيشة من جامعات ومستشفيات ومصانع ومؤسسات وأكشاك حاجة ساقعة ومحلات لبن وعصير وكل حاجة بلد جديدة ومصر جديد تولد أتمنى أن نولد معها من جديد
عرض هذا المقترح للمرة الأولى فى عهد الرئيس الراحل أنور السادات وكان على ما أعتقد على وزير إسكان أو رئيس وزراء مش فاكر بالظبط إسمه حسب الله الكفراوى
والرد على الموضوع كان بالرفض طبعا لإن العين بصيرة والإيد قصيرة
اما الأن وبعد إعادة دراسة المقترح وعلى حسب كلام د: فاروق الباز نحن أحوج ما يكون فى هذه الأونة لعمل مثل هذا المشروع والمشاريع التنموية الأخرى
ملحوظة المشروع ده مشروع بنية تحتية
مشروع بناء جيل
بناء مستقبل
بناء أمل
وليس كمشروع ميناء السخنة
ولا الشروق
ولا 6 أكتوبر
المشروع ده بناء حضارة
هو ده فعلا إللى هينقل مصر نقلة كبيرة أوى
ويضعها ليس فى مكانتها بين الأمم ولكن سيضعها على أول السلم فيقول دكتور فاروق نحن أحوج الناس إلى هذا المشروع الأن خاصة فى هذه المرحلة بالذات وفى ظل التعدى الملحوظ على الأراضى الزراعية على جانبى نهر النيل
يقال على حسب التقارير التى تكلمت عن الموضوع فى الصحف والندوات المختلفة إن مع بداية العمل فى هذا المشروع سيتوفر أكثر من نصف مليون فرصة عمل كبداية قاضيا على البطالة وغيرها من مقومات عجز الحياة فى بلدنا العزيز مصر
يعيد دكتور فاروق الباز طرح الموضوع على الجهات المختصة ولكنه وكالعادة وكما نعرف جميعا فإن فى أماكن إتخاذ القرار فى بلادنا العربية بأكملها تنشر مجموعة من العملاء الذين يعرقلون عمل العملاء ويمنعون أى إنجاز من الوجود على أرض واقعنا الأليم
فعليك أنت
أيوة إنت إنت
الذى تقرأ رسالتى هذه
فقط ان تتعرف على بلدك ومواردها أن تقرا كتاب فاروق الباز عن ممر التنمية والتعمير موجود بمكتبة العين ولو عملت سيرش على النت هتعرف عنوانها وتليفوناتها
عليك إنك تعرف المشروع ومميزاته وعيوبه وتشارك برأيك وبجهدك

نعمله عشان كدا وكدا ومنعملوش عشان كذا وكذا لو متكلمتش دلوقتى وشاركت دلوقتى هتتكلم إمتى وتشارك إمتى لازم تعرف مصلحة بلدك فين طالما إن إللى بيسموهم كبار مش عارفين أو مش عايزين يعرفواومتجاهلينك حاسسهم إنك عايش وموجود وليك رأى ووجهم رغم أنوفهم بدل ما عمالين يبرطعوا ومحدش قادر يلمهم
دى بلدنا كلنا مش عزبة حد
مش كده ولا إيـــــــــــــــــــــــــــــه
وعلى حسب الإحصائيات الخاصة بالمقترح إنه ميزانيته ستتكلف البلايين وليس المليارات ومحدش يقولى معندناش فلوس أحسنله
وعلى حسب كلام دكتور فاروق بيتقدم بإقتراح فى كتابه إن المشروع يكون مشروع قومى لإن مشروع وطن بالكامل ويتعمله إستفتاء ولو نجح وهيتنفذ المشروع إن شاء الله نبدأ برأس المال المحلى والحكومى ورجال الإعمال .............
وبعدها رأس المال العربى والمستثمرين العرب ثم المستثمرين الأجانب
هذا ولن أنسى ندوة كنت قد حضرتها عن هذا الموضوع لدكتور أحمد راشد كبير الداعين إلى هذا الموضوع عندما قال سر إزدهار أمريكا هو تخطيطها
الذى يسهل لك فى أن تكون محاضر فى جامعة فى ولاية ما وتسكن فى ولاية أخرى المسافة بين الولايتين كالمسافة من القاهرة إلى الإسكندرية او تزيد قليلا ولكن الوقت المقطوع فيها هو 30 دقيقة فقط بفضل شبكة الطرق الرهيبة الموجودة فى الولايات المتحدة
على عكس ما نشهده فى بلدنا العزيز فيوم منا بسافر إسكندرية بالقطار لو عمل معايا واجب يودينى فى 3 ساعات دو لو عمل ههههههههه
لنا الله
بجد ساعدونى إيدى فى إيدكم نبنى بلدنا ومستقبلنا إيدى فى إيدكم نفكر مرة مرة واحدة صح فى مستقبلنا قولوا أرائكم وأفكاركم وإزاى ننشر الموضوع إعلاميا وإزاى نبدأ نفكر فيه من البداية المشروع ده ينفع كلنا نفكر فيه الكاتب والسياسى والمهندس والمعمارى والمحاسب لإنه محتاجنا كلنا محتاج ولاد وبنات مصر إللى مش هتتصلح إلا بيهم وعلى إيديهم ياريت لو حد عنده أى حلول يكتبها ونناقشها
ده ممكن بجد يبقى حدث القرن كله
وآه لو مرة نأخذ برأى علمائنا ونستفيد من علمهم زى مالعالم كله بيستفيد من علم علمائنا إحنا وإحنا
حدث ولا حرج
مستنى أرائكم الإيجابية
ونجعل السلام دائما هو مsك الختام

تحديث

http://www.facebook.com/group.php?gid=25883624458

ده الممر على الفيس بوك لمن يريد التواصل والإدلاء بالمقترحات والعمل على نشر هذا المقترح

تحديث 2

هحطلكوا شوية صور من كتاب الباز مأخوذة من أقمار صت=ناعية يتم دفعها إلى 36000كيلو متر فوق سطح الأرض وعند هذا الأرتفاع تعادل سرعة دورانها حول الأرض سرعة دوران الأرض حول محورها لذلك تبقى ثابتة فوق نفس النقطة من خط الإستواء ومحدش يسألنى فى أى حاجة عشان مش فاهم أى حاجة من إللى أنا بقولوه ده

وصور أيضا اخذت عن طريق

برنامج لاندسات الأمريكى منذ إنطلاق أولها عام 1972

وأقمار لاند سات تبث صورا توضح أجساما بنصف حجم 15 مترا ما أوضحه أحسن ما سلفه 30 مترا ولذلك فمعلومات وصور هذه الأقمار تستخدم بكثرة فى دراسة الأرض من الفضاء

خريطة توضح دلتا النيل باللون الأحمر وإزدياد الزراعة على جانبيها باللون الأزرق من 1972 - 1990
خريطة طبوغرافية توضح مسارارات الممر وهى عبارة عن خطوط رفيعة باللون الأحمر خارجة من مصر الحالية

خريطة مبسطة لموقع محور الإسكندرية والصورة التى بالأسفل صورة فضائية للمسار
المنســــــــــــــــــــــــــــــــــــــــــى

الأقصر لاس فيجاس

2008-07-07T14:40:00.003-07:00

ده كان بوست قديم عندى كنت نزلته قبل كده على مدونتى القديمة قبل ما أمسحها

وحسيت إنى عاوز أتكلم فى الموضوع ده تانى

المواضيع مخلصتش ولا حاجة ولكن المشكلة لاتزال قائمة وهو ما شجعنى على الكلام فى نفس الموضوع

والبحث عن حل

مع الموضوع

السلام عليكم ورحمة الله وبركاته
الأقصر لاس فيجاس وحقوق الملكية الفكرية
إتكلمنا قبل كده على بلوج الكلية على الأقصر لاس فيجاس
ولسة كتيييييييييييير مننا لغاية دلوقتى ميعرفش يعنى إيه الأقصر لاس فيجاس
تعالو معانا نعرف يعنى إيه الأقصر لاس فيجاس
بس أعذرونى إن أطلت عليكم لإنه والله غصب عنى لإن الموضوع ده كل يوم بيعصبنى عن اليوم إللى قبله
ونظرا لإنى زهقت من كتر الكلام ده مع كل القريبين منى تقريبا بقى مفيش حد يعرفنى إلا ويعرف الأقصر لا فيجاس
أو على الأقل سمع عنها
إيه الحكاية ياعم إنجز وجعت دماغنا
هقولكم إيه الحكاية
كل مافى الموضوع إن حضارتنا وتاريخنا ولغتنا ولغتنا كمان أه ولغتنا كمان زى ماكلمتكوا فى موضوع الفرانكو أرب ( ده كان على البلوج أو المدونة القديمة برضو )
وجدودنا تسلب منا وإحنا واقفين ساكتين بل ورافضين رفض تام مبدأ إننا نعمل حاجة أو حتى نتكلم أو يبقى لينا علاقة
بالموضوع أصلا

ياراجل طب هو إيه إللى حصل
إللى حصل إن لاس فيجاس دى من ولاية من الولايات المتحدة الأمريكية أو كما يطلقون عليها مدينة الأحلام
قدمت هذه المدينة بإغتصاب حقوقنا فى الحفاظ على تراثنا وحضارتنا فقدمت على مايسمونه إستنساخ للأثار المصرية معرفش إمتى
فجأة كده لقينا عندهم الهرم الكبير وأبو الهول بنفس سكيلهم أو مقاسهم يعنى ونركز شوية مع كلمة بنفس سكيلهم دى أه فعلا بالظبط كده وهوده إللى حصل
ومش بس الهرم وأبو الهول لأ ده أخد كمان مدينة الأقصر المصرية كاااااااااملة وأطلقو عليها مدينة الأقصر لاس فيجاس
وكمان المشكلة الأكبر من كده بكتيييييييير إيماننا منهم بإن اليهود هما إللى بنوا الهرم واليهود والأمريكان واحد وضعوا على الهرم الكبير نجمة داوود
طب إيه رأيكم ديه كمان مش مشكله يا عم زهأتنا وديه كمان مش مشكله أماال إيه المشكله

المشكله إننا لاتحركنا ولا اتكلمنا ولكن فى مننا كتير النهارده بيقولوا إن فعلاً اليهود إلى بنوا الهرم مع إن مثبت فى كتب كتير جداً وعلى رأسهم كتاب شخصية الهرم للمعمارى أحمد إبراهيم حلمى وموسوعة مصر القديمه للدكتور سليم حسن إن اليهود أصلاً ظهروا فى الأسره ال19 والهرم أجددنا بنوه فى الأسره التانيه والتالته زى ما قلت ده كله مش مشكله المشكله إن يطلع ناس مننا إحنا يقولوا إن اليهود بنوا الهرم ولو حتى كأداه كما يزعم البعض إن الفراعنة أغارو عليهم وأخذوهم لبناء الهرم غصب وإقتدار لأ والأدهى والأمر إن عند إفتتاح مدينة الأقصر لاس فيجاس الأمريكيه أهدت الحكومه المصريه إلى الحكومه الأامريكيه بما إنهم حكومتين صديقتين تحالفوا ضد مصالح هذا الشعب متحفاً كاملاً يضم عناصر غنيه من الأثار المصريه كإهداء للإنجاز العظيم التى أنجزته الكلام إلى أنا قلته ده كله حصل خلاص النهادرده بأه إيه إلى بيحصل
1 . عدد زوار الأقصر لاس فيجاس 46 مليون سائح سنوياً فى حين
2 . عدد زوار الأقصر المصريه 4 مليون سائح سنوياً
3 . يخدم الأقصر لاس فيجاس مليون ومئتى موقع على شبكة الإنترنت
4 . فى حين يخدم الأقصر المصريه ألف ومتين موقع على شبكة الإنترنت
متخيلين نهبنا إلى أى مدى يا عم بطل حسد طب همه ناس بتشتغل وعرفت تظبط نفسها بطل أر وخليك فى حالك أنا مش بأر ولا حاجه بس فى قانون دولى إسمه حقوق الملكيه الفكريه وده المفروض بيحمى حقى وحقك وحقنا كلنا طب على الأقل نحاول نستخدمه
طب وهوه فيه حد قبل كده إستخدمه

طبعاً
زى مييييييييييييين هقولك يا سيدى
1 . عارفين صاحب شركة دجاج كنتاكى طبعاً عارفينه
كنتاكى ديه ولايه من الولايات المتحده الامريكيه إتسمت واشنهرت بإنتاج الدجاج... لما اتسعت شهرة دجاج كنتاكى كسلسلة مطاعم لعمل الدجاج بطعم مميز رفعت عليهم ولاية كنتاكى قضيه فى اليونسكو وهى قضية حقوق الملكيه الفكريه ليـــــــــــــــه لمجرد إنهم مستخدمين إسمهم إسم ولاية كنتاكى طب وبعدين عملوا إيه كسبوا الأمريكان القضيه كالعاده وعرضوا على دجاج كنتاكى عرض من إتنين يا إما تدفع نسبه من ألأرباح على استخدامك لإسم الولايه ويا إما مافيش دجاجه تدخل سلسلة مطاعم كنتاكى إلا من إنتاج ولاية كنتاكى وفاز بالقبول العرض الثانى وهمه طبعاً المستفيدين
طب ماشى يا عم ديه أمريكا إلى استخدمته

لأ ثوانى فى حد تانى زى ميـــــــــــــن هقولك برضو شوف أنا حلو معاك إزااااى
طبعاً كلنا نعرف برج إيفيل وموجود فى فرنسا ما علينا ماله يا عم البرج الإمارات وتحديداً فى إمارة دبى عملوا واحد زيه وبنفس إسكيله وعلمت فرنسا بالموضوع تعمل إيــــــــــــــــــــه
رفعت هيه كمان قضية حقوق ملكيه فكريه وكسبتها فى وقت قليل جداً والآن فرنسا تتقاضى مبلغ 150 مليون يورو سنوياً من الإمارات ده على شان البرج بس شوفت إزاااااااااااااااى طب يا عم ديه فرنسا طب إسمع ديه كمان

طريفه من الطرائف

للمصريين فقط
فرنسا بدأت تستنسخ الأثار المصريه ولكن الصين سبقتها إلى هذا العمل وعند معرفة الصين بأن فرنسا تستنسخ أثاراً مصريه رفعت الصين قضية حقوق ملكيه فكريه على فرنسا لأنها تشاركها فى إستنساخ الأثار المصريه محدش يضحك واحنا المصريين إلللى أصلاً أصحاب المولد كله لا حياة لمن تنادى
لينا حق نتكلم ولا لأ مش بأوول هانعمل حاجه ولكن نتكلم الأول وبعدين نتفأ ده أكيد هايوصلنا فى الأخر لحاجه بس يبأه فيه موضوع ويبأه فى هدف فى الأخرصدقونى أكيد هايبأه فيه فعل

وكما قال الأبنودى
في حد ممكن أن يفرط فى لحية وأكفان وجلباب بل وعصا جده نعم
ها نحن المصريون الأصلاء
ملحوظه
كل الكلام المذكور من ندوة الأستاذ الدكتور أحمد يحيى راشد
رئيس قسم العماره بكلية الهندسه جامعة المنصوره والمتولى الموضوع ولايه كامله
ولو عملت بحث ببعض الكلمات على موقع جوجل مثلاً بإسم لأقصر لاس فيجاس أول ما سوف يظهر لك هذا اللبحث الشهير الذى أعده الدكتور راشد وسلمه إلى رئاسة مجلس الوزراء المصرى ولم يصله رد وأيضاً قام بأبحاث أخرى وسلمه لدكتور زاهى حواس رئيس المجلس الأعلى للأثار وأيضاً لم يجد الرد وغيرها إلى دكتور فاروق حسنى وزير الثقافه وأيضاً لم يجد الرد وقم بحملته الشهيره على مواقع الأنترنت وكلما ذهب إلى مكانت أو ندوه أو محاضره يردد نفس الكلام ويتكلم فى نفس الموضوع آملاً أن ينشره ومن ضمن هذه المرات كانت سبب معرفتى بالموضوع عندما جائنا الدكتور راشد فى كلية الفنون الجميله قسم العماره وذلك يوم الأربعاء الموافق 9 مايو 2006
يا رب الكلام ده يكون مصحوب بقليل من الفعل والله ماهنقدر نبنى مستقبلنا إلا لما نؤمن بماضينا وكلنا عارفين المثل الشهير من فات قديمه تاه يا رب نتحرك يا رب مانسكتش يا رب نعمل حاجه متهيألى مافيش وقت محتاجين فيه إننا نتكلم أكتر من الوقت ده
ولو إحنا فعلاً دفعة عماره دفعه بجد لازم نعلق على الموضوع ده تعليقات بناءه

دفعتى إللى كنت منلهم الموضوع قبل كده برضو
لنرى ماذا سنفعل حيال من يحاولون أن يمسحون أسماء المصريين بل والعرب بل والمسلمين من على وجه الدنيا نهائياً
هذا والله الموفق
والسلام ختام
ملحوظة كمان الصورتين دول والصورة إللى فوق من جوجل للأقصر لاس فيجاس
المنســــــــــــــــــــــــــــــــــــــــــــــــــــــــــى

أبناؤك يامصر

2008-06-23T13:17:00.000-07:00

عفوآ أمى
مش هقدر أوصفك بإنك قاسية على أبنائك ولكنه القدر الذى أسلم القط مفتاح القرار
المهم : ندخل فى الموضوع
لماذا العالم العربى بوجه عاااام ومصر بوجه خاص لايحترم العلم ولا العلماء ليس فقط بل وننبذهم ونجنى عليهم
لماذا كل هذا الجفاء على أبناؤك الذبن بودون خدمة بلادهم وأوطانهم
لماذا يبنى إبنك وطن آخر بينما تظلين أنتى واقفة هكذا لاتحتلى مصاقك بين الأمم بل فوق الأمم
لماذا ترضى بمكانة متدنية وأنتى أم الدنيا والسيدة فوق كل العالم
لماذا ترضين بالتأخر والفشل والبطالة وأنتى العظيمة وأنتى العظيمة الأبية الخالدة المعطاءة دائما
لماذا كل من يحاول وضع لبنة فى بنائك يكون جزاؤه كمن يضع مسمار فى نعشك
لماذا نحن لانحترم العلم ولا العلماء
لماذا نربى ونعلم ونكبر ليستفيد بهذا كله قوم آخرين وأوطان أخرى
لماذا وبالفعل مصر تحتوى على أذكى عقل بشرى فى العالم
هذا اللينك لحلقة من حلقات برنامج بلا حدود بقناة الجزيرة

http://www.youtube.com/watch?v=i3V4gABc598

يستضيف فيها العالم المصرى د: فاروق الباز والذى يعمل بوكالة ناسا و جامعة بوسطن لعلوم الفضاء وكلنا نعرف وكالة ناسا صاحبة الإنجازات العظيمة فى مجال الفضاء وكلنا يعرف إنها أمريكية وفى إحصائية مصرية وردت فى مقدمة البرنامج أن من مصر فقط أكرر من مصر فقط 824 ألف عالم من المهاجرين العلماء والعلماءومن ذوى الكفاءات وهم مقسمون على النحو التالى
318 ألف عالم فى أمريكا&110 ألف فى كندا& 70 ألف فى إستراليا &35 ألف فى بريطانيا و36 ألف فى فرنسا& و25 ألف فى ألمانيا &و14 ألف فى سويسرا وفى وكالة ناسا وحدها فقط وكالة ناسا وحدها فقط 350 عالم عربى يقال إنهم من أصل 800 عالم حينى على مقربة من نصف علماء ناسا عرب تخيل فحسب
وليس من العجيب والغريب أن نسمع هذا فمصر معطاءه وشعبها معطاء ولكن الغريب أن ينسب كل هذا لبلد آخر أو إنجازه وما ينجزوه لقوم آخرون ولا نستفيد به ولا تستفيد به مصر بأى شكل من الأشكال وينسب بالكامل لبلدان آخرى ليستفيد به اناس آخرون

ولكن السؤال؟

لماذا نفعل كل هذا بعلمائنا ....... ليه لما ييجى عالم جليل زى د: فاروق الباز يقول ياجماعة هنعمل مشروع إسمه ممر التنمية والتعمير وده راجل دارس صحارى مصر مش شبر شبر لأ ده سنتى بسنتى
ملحوظة رفيعة (ممر التنمية والتعمير هنتكلم عنه بالتفصل إن شاء الله البوست القادم
وليه كمان لما ييجى خبير فى الهندسة الوراثية ويقولنا ياجماة أبوس إيديكو أن إخترعت أو إكتشفت هجين جديد من القمح بيتزع فى المناطق الساحلية والمناطق إللى مفيهاش ميه كتير وبيه نقدر نحقق الإكتفاء الذاتى من القمح خلال عامين برضو محدش بيعبرو
ليه لما ييجى واحد زى الدكتور رشدى السعيد ويقول لأ ياجماعة منحطش مترو الأنفاق فى وسط العاصمة علشان ده هيعمل تكدس سكانى فى وسط العاصمة ماحدش بيعبره وفعلا كلامه إتحقق والنهاردة فعلا القاهرة زى ماسمعت فى ندوة كده القاهرة مفضوحة
وغيره وغيره وغيره ليه كل ماييجى واحد يصلح يأخد بالجذمة القديمة
ليــــــــــــــــــــــــــــــــــه .......... يخصص لمصر من الميزانية العامة كإنفاق على البحث العلمى أربعة من عشرة فى المائة بينما فى إسرائيل أقل من أن يقال عليها دولة تنفق على البحث العلمى أربعة فى المائة يعنى حوالى 10 أضعاف ما نحن ننفقه
ليــــــــــــــه وإحنا 400 ملبون عربى لعام 2005 يسجل فقط 21 عال معربى براءة إختراع من بينهم تقريبا 4 مصريين بينما لنفس العام فى إسرائيل وهم 8 مليون فقط يسجل 1031 عالم براءة إختراع من الأجدر بذلك هذا الكيان أم نحن
ليه لغاية النهاردة مفيش أستيكة مصرية الصنع مائة فى المائة ليه بقينا كلنا دلوقتى بنشتغل تجار من أكبر شركة إستثمار فى مصر لحد أصغر تاجر بيشتروا من بره وبيبيعوا جوه والعكس غير صحيح
ليه مصر مش دولة منتجة بالرغم من إننا فى يوم من الأيام كنا المصدر الأول للقمح ونحن الأن لا نجد رغيف الخبز
ليــــــــــــــــه لما إحنا بنستخرج من بحيرة ناصر أطنان من الأسماك ولا نستفيد بها بسبب إرتفاع الحرارة وطول المسافة الذى يؤدى إلى إفساد الأسماك وعندما يجىء عالم مصرى بإختراع أجهزة تبريد غير مكلفة بالمارة نظرا لإن هذه المنطقة غير موجود بها وقود فإخترع أجهزة تبريد تشتغل عن طريق الطاقة الشمسية والمتوفرة ببزخ فى هذا الماكن من صعيد مصر لماذا لا ناخذ بكلام هذا العالم
أعتقد أنه لابد ونحن المدونين أو غيرنا من أبناء هذا الشعب ولكن المدونين بشكل خاص لابد أن يكون لنا رد فعل إيجابى تجاه العلم والعلماء وما يحدث لهم وتجاه من يقوم بفعل هذا إتجاههم
آلا تتفقون معى فى الآراء وخصوصا

إللى فى بالى

إللى هيقولى فين مقترحاتك وحلولك
إذن ماذا نفعل
كتير هيقول إحنا فى نظام ظالم ......... أه هوو نظام ظالم وعميل كمان بكل الطرق والوسائل
معاك والله
ممكن العلماء يشتغلو من غير ما يدفعوا الحكومة مليم واحد
إيه ده ياعم الحج إهدى شوية إزاى من غير مليم واحد ..........ده أصلا هما بيشتغلوا من غير مايأخدوا ولا مليم وبعد كده بيعرضوا شغلهم على المسؤلين إللى بدورهم وهم عملاااااااااااااااااااااااااااااااء
بيرفضوه وكلنا شوفنا فيلم ليلة سقوط بغداد وإللى مش حدق هايفهم
لأ

أقولك يشتغلو العلماء ويصرفوا عليهم وعلى أبحاثهم رجال الأعمال إللى بقوا كتير أوى بسم الله ماشاء الله
أنا مش بأر أنا بحسد بس
وكمان رجال الأعمال دول هيستفيدوا برضوا من الأبحاث والشغل ده لما يبقى على أرض الواقع مش نبقى كلنا بنستورد وبس وبكده الصناعة تزيد وفرص العمل تكتر والكل يعمل على رفعة هذا الوطن ورخاؤه وهذا واجب وطنى وقومى وديتى يجب السعى نحوه وفى كمان فى الحلقة بتاعة اللينك إللى فوق ده حاجة كده إتعملت فى قطر إكتشفوا بير غاز بدل مايصدروه لإسرائيل زى ناس لأ سموه بير الفكر أو حاجة كده وكل إللى ييجى من البير ده بيصرف على البحث العلمى ومش بيتعبهم فى حاجة حاجة كده من عند ربنا
ولازم كمان العلماء يقفوا وقفة بدل ما يختارو الحل الأسهل ويروحوا يشتغلوا بره ولما تشوفو الحلقة هاتفهموا كلامى أكتر
ياريت نشوف بجد حل برأيى ورأيك لإن الموضوع كبير وهو الوحيد القادر على إصلاح ما أفسده هذا النظام العميل وفى وقت قياسى

إننا نأخذ برأى العلماء

ليس العلماء فحسب

ولكنها مجرد وسيلة من الكثير والكثير
مش كده ولا إيـــــــــــــــــــــــــه
أسف للإطالة
ونجعل السلام دلئما هو مسك الختام
المنســـــــــــــــــــــــــــــــــــــــــــــــــــــــــــــــــــى

ثقافة الإعتذااااار

2008-06-18T14:07:00.000-07:00

ذات يوما وانا اتصفح جريدتى المفضلة الدستور كنت قد قرأت مقالا لكاتب أحب أن أقرأ له وهو دكتور نبيل فاروق وكان بعنوان تعالو نعتذر
وكان هذا المقال قد ترك بداخلى أثرآ كان موجود بالفعل من كثرة قرائتى فى كتب التنمية البشرية والبرمجة اللغوية العصبية وهو مثل فن التواصل مع الآخر وتقبل الآخرين
وكان هذا المقال بعنوان تعالوا نعتذر
إيه رأيكم تيجوا نعتذر
إعتذر أولا لنفسك فأكيد أخطأت فى حقها فى يوما ما وانت لاتدرى إعتذر لأصدقائك لإهلك لوالديك لربك فكثيرا ما نخطىء ويجب علينا الإعتذار ونحن لاندرى بذلك
والإنسان المتحضر الراقى هو الذى يعتذر ويتقدم بالإعتذار إذا ادرك أنه مخطىء وإن كان من وجهة نظره هو ليس بمخطىء
ولكن توصل للأخر انه أخطأ فى حقه ووجب عليه الإعتذار
((وإنه عندما يعتذر فإنه يعلن أنه إنسان يثق فى نفسه وفى قدراته وعلى من يتم له الإعتذار أن يستقبله فى إحترام وتقدير وأن يكون أكثر تحضرا ورقيا وهو يلتقط حبل الود الذى إمتد إليه ويحوله إلى فرع لزهرة الإحترام والصداقة )))
مقتبس من المقال
فكم من أساتذتى بالجامعة كانوا يعتذرون لنا عن التأخير فى أحيان وعن تغيير موعد إمتحان فى أحيانا اخرى وهذا ما كان يبعث فى نفوسنا كل الحب والإحترام والتقدير لهؤلاء الأساتذة بعد ما نكون قد اعلنا عليهم الحرب ولكن بكلمة الإعتذار يصبوا كل شىء إلى محله وتهدأ النفوس ويعم الحب والسعادة أرجاء المكان
فيجب علينا جميعا الإعتذار بمجرد إدراكنا أننا مخطئين فالإعتذار يذرع الود بينك وبين الأخر ويزيل ماكان عالقا من سوء تفاهم أو من بغض أو ضيق
فالكثير منا يختلف فى وجهات النظر مع الأخر ويضطر كل واحد إلى اللجوء إلى أى طريقة للدفاع عن وجهة نظره وفى هذا الشأن يغضب الأخرون ويتسبب الضيق لكل من تجاذب أطراف النقاش دون قصد شىء من ذلك

أول ما فكرت أنا أقدم لهم الإعتذار أثناء كتابتى لهذا البوست أصدقائى المدونين
أتقدم بإعتذار رسمى علناًوعيانا ًبياناً كما رفعت البوست الذى أغضبهم علناًوعيانا ًبياناً لكل المدونين اللذين أعلنوا غضبهم واستيائهم من البوست الماضى والذى تم رفعه بسبب ذلك
ولكى لا يقول أحد مثل أحد المدونين وهو اخ عزيز ويعلم الله - بتخاصمنى فى الشارع وتصالحنى فى عطفة –
وبعد ان أهاننى وقلل من شأنى على مدونته و طالبنى بعدم الحضور إلى مدونته مرة أخرى
ولكن قال رسول الله صلى الله عليه وسلم
لايهجر المسلم أخاه المسلم فوق ثلاث
صدق رسول الله صلى الله عليه وسلم
وليس من هذا الحديث فقط ولكن النصوص كثيرة ولكن كلنا يحتاج أنا نكون قريبين من بعض ومترابطين ومتحدين لا مختلفين وطبعا محتاجين نوصل لطريقة نقاش حضارية وموضوعية قائمة على الفهم والرأى والرأى الأخر والكلام الكبير ده إللى إتقال قبل كده وأخدت عليه جزائى والحمد لله
تانى
بتوجه بإعتذار رسمى لكل المدونين بشكل عام والمدونينإللى كانوا متواجدين اليوم ده على البورصة اليوم إللى كان سبب نزول البوست إللى فات
محاولا بذلك تقريب المسافات وكسر الحواجز النفسية التى تولدت عن ذلك ومد حبل الود والتعبير بالنقاش عن حسن النية وليس ماوصلهم من سوء فهم للموضوع إللى فات
بعتذر لأى حد أساء فهمى فى يوم من الأيام أو أخطات فى حقى عن قصد أو عن طريق الخطأ
أعتذر لكم جميعا عن أى شىء وعن كل شىء وليس الإعتذار عن خطأ أوردته فى حق أحد منهم ولكن الإعتذار عن ما وصل إليهم من سوء فهم يعلم الله أنه غير ما قصدت ربما كنت أنا المخطىء فى التعبير عن ذلك وإنتقاء الكلمات التى فسرها أحدهم إلى مالا كنت أقصد
ولكن يبقى الإعتذااااااااااااااااااااااار
الإعتذار فقط
ولا أنتظرإعتذار من أحد على ماورد ذكره فى حقى فانا أعلم أن ما بنى على باطل فهو باطل والخطأ المبنى على خطأ والذى تول د نتيجة خطأ أو نتيجة ما وصلهم على أنه خطأ أنا لا أنتظر عليه إعتذار
ونهاية وأخيرا وليس أخرا
دمتم جميعا بخير
دمتم لمصر ودامت مصر لكم وبكم
ويبقى سلامى للجميع هو مس ختامى
المنســــــــــــــــــــــــــــــــــــــــــــــــــــــــــــــــــــــــــــــــــــــى

تاج الأحلام

2008-06-14T13:16:00.000-07:00

وحشتونى وحشتونى وحشتونى
الحمد لله خلصت العام الدراسى خلصت وخلصت
أدعولى بقى ربنا يستر فى النتيجة
أولا أحب أهنىء كل المدونين المشاركين فى كتاب مدونات مصرية للجيب بجد كتاب سمعت عنه إنه رائع ومشتاق لقرايته
ثانيا باركولى وهنونى فقد جائنى ولأول مرة تاج... التاج المسمى بتاج الأحلام والذى جائنى من حيث لا أتوقع من أختى الغالية دائما سالى بنت مصر وبنت دمياط والذى بفضله على رأيها تم تدشينى رسميا بوسام البلوجرية
لأكون مدون ميه فى الميه
والتاج هيبقى صعب الأجابة عليه أوى لإن واضح من أسمه إنه تاج الأحلام وانا مبعرفش أحلم خااااااااالص
فربنا يستر
ثالثا أحب أوجه إعتذر رسمى لكل المدونين إللى قرأو البوست الماضى وأعلنوا عن غضبهم إتجاه هذا البوست وعلى رأسهم المدون أحمد الصباغ بجد بعتذرلهم جميعا
مع الإحتفاظ بحقى فى رأيى الذى أرى و يرى الكثيرين أنى لم أخطىء فيه
وأرحب بمناقشتهم جميعا مصرا على أن الحوار هو الطريقة الوحيدة لفهم وجهة نظر الأخر وإزالة أى من كان عالقا من سوء تفاهم أو غيره
والله الموفق
نبدأ بقى نجاوب على التاج..........
بسم الله الحمن الرحيم
أذكر خمس أحلام على الأقل تخص ماضيك وتحلم فيها بتغيير أشياء ماذا ستعدل وماذا ستترك
فى الماضى يعنى زمااااااان وانا صغير كانت أحلامى تشبه احلام أى حد فى سنى كنت عايز أطلع ظابط أو مهندس او دكتور ولما كبرت شوية وانا فى ثانوى كان نفسى أطلع مهندس وبس والحمد لله أدعولى ربنا يوفقنى فى ده مهندس أبنى
أبنى بلدى ودينى ووطنى وأبنى كل حاجة تفيد الناس
ومن ضمن أحلامى القديمة أشوف إخواتى كلهم بالمناسبة أنا ليا أربع إخوات بنات نفسى أشوفهم زى أى أب نفسه يشوف بناته متجوزين ومستورين ومتعلمين والحاجات دى يعنى وده بيتحقق شوية شوية مع مرور الزمن فواحدة إتجوزت والتانية مخطوبة وطبعا الظروف صعبة زى منتوا عارفين اليومين دول فربنا يستر
والإتنين التانيين فى مراحل التعليم المختلفة أدعولى وأدعولهم.......
واهم أحلامى طول عمرى كان نفسى أقابل صديق أو أخ بمعنى الكلمة وده لسة بدور عليه ومش عارف ألاقيه
وأهم أحلامى القديمة إللى ماإتحققتش بسبب حاجات كتير بعضها معروف كان نفسى من زمان أحب
الحب.....متهيألى لسة موجود مش كده
أذكر خمس أحلام على الأقل تخص مستقبلك
المستقبل الجميل بقى

المستقبل عندى غير الماضى خاااااااااااااااااااالص
أولا نفسى أكون معمارى كبير أكبر معمارى فى مصر وفى العالم وأرفع إسم مصر فوق أى إسم
ثانيا نفسى مصر تطالب بحقوقها فى الملكية الفكرية للأقصر لاس فيجاس و يتم تنفيذ مشروع ممر التنمية والتعمير ( هنتكلم عليهم بشكل موسع البوستات القادمة )
بعد كونى معمارى كبير معرفش إزاى فى نفس ذات الموقف وفى نفس ذات اللحظة عايز أبقى سياسى ناجح وأقف فى وش الظلم والفسادوالمحسوبية والرشوة وعندى فكرة تأسيس حزب بل ووضعت أهدافه كمان حاسس إن مش دى مصر عايز أصلح حاجات كتير كتير جدا كل حاجة وأى حاجة مش شايف حاجة بتحصل كويسة من تعليم وتعلم وصناعة تجارة وحتى سياسة
ومن مبدأ العمارة أم الفنون أستوحيت مبدأ أخر وهو السياسة أم الفنون وليست العمارة
فأنا أرى السياسة بحر واسع يغرق فيه الكثيرين وهى فن أيضا لايجيده الكثيرين فى مصرنا الأن وسأشرح فيما بعد من أين جائنى هذا الإيحاء
ومن احلا م المستقبل أيضا أطلع أمى حبيبة قلبى ست الكل بجد رحلة الحج إللى نفسها فيها وبكده يبقو الخمس أحلام خلصوا والحمد لله
ولكنى لا أسميها أحلام ولكن هى أهداف وأعمل جاهدا على تحقيقها فالفرق شاسع بين الحلم والهدف
أذكر شخصين على الأقل متواجدين فى حياتك حالياكنت تود وجودهم قبل الآن بزمن
كل أصدقائى المدونين والتدوين عامة كنت أود أعرفه وأعرفهم من زمان وكانوا سيغيرون كثيرا فى حياتى وإهتماماتى
لا اعتقد أنه يوجد شخصا أخر عرفته وتمنيت أن أعرفه قبل الآن
أذكر شخصين على الأقل غير متواجدين فى حياتك حاليا كنت تود وجودهم الأن أو فى حياة أولادك مستقبلا
أولهما أبى ....أبويا يعنى.. كان نفسى يبقى معايا دلوقتى وأفرحه أبى الذى رحل عنا فى السادس والعشرين من هذا الشهر ولكن فى سنة 97 أى انه فى 26 من الشهر الجارى تكون ذكراه الحادية عشر
ونفسى يبقى فى فى حياتى الفترة القادمة أو مستقبلا الحب الذى كثيرا ما إنتظرته وتمنيته فى زمن يصعب فيه الحصول على ما يسمى بالحب
وأخيرا وليس أخرا أدعوا الله إلى مرسلة هذا التاج سالى بنت دمياط أن يوفقها الله ويوفق شعبها شعب دمياط ويثبت أقدامهم فى الوقوف فى وجه الظلم وأقول لها ولهم شعب مصر كله معكم ويرفض المصنع كما ترفضون ويرفض الحكومة العميلة هذه كما ترفضون
وبكده أكون حاولت جاهدا أنا أجاوب على
تاج الأحلااااااااااام
ناقص بقى مرحلة التمرير
أمرر التاج لمين
لكل المدونين الزعلانين الغاضبنين من البوست إياه وبدعوهم وبقولهم فى تاج الأحلام
تعالوا نحلم
أحمد الصباغ
آبى
هيثم الدهشان

أهكذاالكبار ......إنهم يقولون مالايفعلون

2008-05-11T13:54:00.000-07:00

فى يوم الثلاثاء الموافق 25 من مارس سنة 2008 كنت قد حضرت ندوة فى مكتبة الإسكندرية بعنوان مستقبل مدينة الإسكندرية وكان قد حضرها كلا من
السيداللواء عادل لبيب محافظ الإسكندرية
ود: محمد عوض مدير مركز دراسات الإسكندرية
والسيد العميد : أحمد على مدير التخطيط العمرانى
وأ. د : المعمارى عبد الله عبد العزيز
وأ.د: المعمارى عبد المحسن برادة
و أ. د:المعمارى يسرى عزام
والسيد اللواء طيار سعيد خلاف مدير مطار برج العرب
والسيد اللواء بحرى : توفيق أبوجندية مدير ميناء الإسكندرية
والدكتور :جان إيف إيمبرور مدير معهد الدراسات السكندرية
والواضح من عنوان الندوة وهو مستقبل مدينة الإسكندري هو تطوير مدينة الإسكندرية فى شتى المجالات وخاصة وهو الواضح من مناصب السادة الحضور تطويرها بريا وبحرا وجويا بفضل مديرى مطارها ومينائها وبعض المعماريين الأفذاذ وعلى رأسى كل هؤلاء السيد المحافظ عادل لبيب وفى هذه الندوة بدأت تسرد المشروعات وكان على رأس هذه المشروعات مشروع تطوير الميناء الشرقى وتطوير منطة بحيرة مريوط وقام وقتها عضو بجمعية ما لم أتذكر أسمها يطالب بعدم ردم البحيرة تحت مسمى أى تطوير وإن كان مشروعات حضارتك تقوم على ردم شبر واحد من بحير مؤيوط فنحن وأهالى مريوط رافضين هذه المشروعات وهذا التطوير شكلا وموضوعا ورد عليه أحد المتواجدين من المسؤلين قائلا أنا أأيدك فى القول والمشروع غير قائم على الردم بل وبالعكس ده قائم على تنمية الثروة السمكية للبحيرة وإنشاء قرى للصيادين والحفاظ على البحيرة وتجميلها وانه ليس منالصواب ردم هذه البحيرة وهى مقامة من آلاف السنين ومصدر رزق للآلاف من الصيادين و.....و.....و......
التصريحات المعروفة
وكان معظم الحضور إن لم يكن كل الحضور فى جلسة نفاق كبرى قد آشاد بالمواقف البطولية للسيد اللواء المحافظ وإحترامه لقانون والقوانين وحفاظه على جمال مدينة الإسكندرية بعد المحافظ السابق الوحش إللى مش كويس عبد السلام محجوب إللى كان فى عهده بيتقال عليه زى مابيتقال على عادل لبيب دلوقتى .....ماعلينا من الكلام ده كله بتقول الكلام ده كله ليـــــــــــــــه
أقولك ياسيدى
الأحد 27 إبريل بعديها بشهر يعنى وانا قاعد الصبح بتصفح جريدتى المفضلة الدستور
أفاجىء بعنوان طلب إحاطة للحكومة حول ردم ألف فدان من بحيرة المريوطية
وفى التفاصيل تقدم النائب صابر أبو الفتوح بطلب إحاطة إلى رئيس الوزراء ووزيرى التمية المحلية والزراعة حول تخصيص ألف فدان من بحيرة المريوطية بالإسكندرية لردمها وأشار النائب أنه فى الوقت الذى من المفترض أن تسعى فيه الدولة لتوفير البروتين الناتج عن الثروة السمكية بعد نقص البروتين الحيوانى من الطيور بسبب أنفلونزا الطيور وبدل من توفير فرص عمل للشباب نجد الحكومة تهدر حق الصيادين فى العمل وفى إيجاد حياة كريمة لهم ولذويهم وبعد أن تردم الحكومة 1000 فدان وتحولها إلى منطقة سكنية وتحول الصيادين إلى طابور العطلين ده غير المبالغ الطائلة التى ستصرف على ردم البحيرة إعادة تأسيسها لتكون صالحة للبناء طب مافى أراضى جاهزة للبناء والصحراء موجودة وممر التنمية والتعمير موجود طب ليه ليه النظام الفاشل ده
ليه التفكير العاقر ده حد يررد عليه
أنا عايز أعرف حاجة ليه التناقد العجيب الغريب بين مسئولى الحكومة إنهاردة مش هنردم بكرة لأ هنردم النهاردة منطقة الضبعة دى نووية بكرة لأ دى سياحية ليـــــــه
إيه الحكاية
النظام ده والحكومة دى بعد أن أصيبت بشلل كامل وشامل فى شتى وظائف جسدها ألم يأن لها تخنع وتقنع انها لاتجوز لحكم هذا البلد
تعالوا بقى نشوف المصيبة الأفظع
ده مش هيردموا مريوط وبس ده هيوقفوا الصيد لمدة شهرين كاملين
وإيقاف أى من يخالف هذا القرار لمدة شهرين أيضا ومصادرة مابحوزته لحساب الهيئة المصرية العامة لتنمية الثروة السمكية دى مش المفروض يسموها التنمية السمكية دى المفروض سموها ووه الشفط السمكى مش التنمية السمكية
ولم يكن هذا القرار الأول من نوعه هذا العام ولكن تم منعهم أيضا45 يوم من السنة الماضية بعد أن خففت بعد تدخل أعضاء مجلس الشعب ويقولون صيادو رشيد إن القرار ظالم وله اغراض شخصية وغير مدروس من قبل المسؤلين زى قرار تقسيم القاهرة والجيزة كدة اللى قالوا عنه إنبيدرس من عشر سنوات وفى الأخريفتكروا إن المحكمة الدستورية موجودة فى المعادى إللى بقت تابعة لحلوان والقانون المصري ينص على إن المحكمة الدستورية تكون موجودة فى العاصمة فراحو مرجعينها تانى للعاصمة وده على أساس إن إللى بنى مصر كان فى الأصل حلوانى
المهم هل من المنطقى ان صاحب عمل أو شركة اومؤسسة أو أى حاجة فى الدنيا يقعد عامل عنده من غير عمل يعول به أفراد أسرته شهرين متتاليين وبدون أى عائد مادى ولا غيره وكأن الصيادين دول مش بنىآدمين ومحتاجين للشغل ده لإستمرار حياتهم وإن الصياد الواحد لو قعد من الشغل يوم واحد مش هيلاكى يأكل هو وعياله حراام ده ولا حلااااااااال
وفين بقى إحترام القوانين واللائحة والروتين لافى قانون ولا روتين فى الدنيا بينص على كده مش كده ولا إيــــــــــــــه
وفين بقى المشروعا التطويرية والإرتقاء بمستوى الصيادين وبناء قرى لهم ولا إحنا أصلا مش بنطور مريوط لأهلها علشان نجيب فيها سياح يستجموا فيها بينما أهلها جوعى ومش لاقين حت ياكلوا
نهاية
حسبنا الله ونعم الوكيل فى هذا النظام العميل وفى هؤلاء الذى يصدرون قرارات وهم فى مكاتب مكيفة ولا يعلمون شيئا عن معاناة أحدا
انا وبصفتى مدون مصرى أرفض وبشدة رفض تام أى إعتداء على شبر واحد من بحير حريوط لإن هذا يضر بمصلحة مواطنين وبمصلحة البلد
رحمنا الله ورحم شعب مصر من هؤلاء الفاشية الذين يقولون مالايفعلون

لمااااااااذا

2008-05-06T00:27:00.000-07:00

زى ما إتفقنا فى البوست إللى فات إنن ممكن ننزل تقييم فى آخر البوس أو ببوست جديد نشوف ونقول فيه إحنا وصلنا لإيه من الموضوع السابق

والذى كان بعنوان لماذا

أولا أنا بعتذر عن التأخير الفترة دى فترة إمتحانات أدعولى ربنا يوفقنى

وندخل فى الموضوع بالنوسبة للموضوع والذى كان يتكلم عن التديون الإيجابى وإستخدامنا الخاطىء للمدونات ومش المدونات وبس وده ذكر بالتفصيل فى البوست الماضى

وصلنا من التعليقات ماهو مؤيد ومؤيد ومعارض وعلى الحياد ومخالف مع إقتناعه بإن التدوين لازم يكون مفيد بس فى ناس براحتها وتكتب إللى هى عايزاه وناس بتفضفضوكده يعنى

ياجماعة أنا مين علشان أحجر على رأى حد أو مدونة حد ده بالعكس إحنا بنمى التوافق بينا

إحنا بقينا بعيد أوى عن بعض فى كل حاجة وسورى يعنى مابنعرفش نتناقش ولا بنعرف نختلف أنا إللى عاوزه إننا نكتب ونفكر ونتكلم ونفضفض ونعمل كل إللى إحنا عاوزينه فى نطاق مفيد وبس

زى ماسووووو قال دى كيميات وزى ما مارو قال ممكن الناس دى تكون بتفضفض وبتكتب أحداث حلوة أو وحشة فى حياتها يارب إللى إحنا بنكتبها منجيش إحنا نفسنا فى يوم تناى نقول إيه الهبل ده أنا كنت كاتب كده والناس شافته كمان يادى الفضايح أه والله فى ناس كده أنا حصل معايا كده

وبالتقييم إللى عملته ع السريع كده

الناس كلها ده طبعا برأى الناس إللى علقت إن الناس كلها هتكتب إللى هى عايزاه حتى ولو كان تافه دى ناس دماااغه كده وممكن إنت تدخل المدونة إللى تعجبك أو ماتدخلش براحتك

ودى حاجة ترجعلك وإن كنت أنا مخالف لهذا الرأى قليلا ولكن أتقبل آرائهم بكل الحب والإحترام وذلك مع إجماع الكل على عدم الشتيمة أو البذاءه فى المدونات

ياجماعة المدونات عالم جميل ليه نلوثه بالفاظ مش هيه علشان أنا ماعجبنيش رأى فلان أو علان

عايزين كلنا عرب ومسيحين ومسلمين نتقبل إختلاف الآخر

لولا إختلاف الأذواق لبارت السلع

ونحاول نستفيد بوقتنا حتى إللى بيكتب مذكراته ممكن يكتبها بشكل هو يستفيد منه ولو حد قرلها بعده برضو يستفيد منه

ونتعلم كلنا وانا أولكم إزاااى نتناقش ونقبل مناقشتنا بعضنا البعض بدون (قلة أدب )

والله......والله............والله

إحنا فى أحوج مايكون إننا نكون متفقين أو مختلفين ولكن بنقد بناء وأهداف ونتائج بناءه

سعدت بمناقشتكم جميعا

آسف جدع على الإطالة

دمتم جميعا بخير

المنســــــــــــــــــــــــــــــــــــــــــــــــى

لماذا

2008-04-21T08:58:00.000-07:00

لماذا
ليه كل حاجة عندنا بنستخدمها غلط ليه كل تكنولوجيا نكتشفها أة تيجى لنا نستخدمها أسوأ إستخدام ممكن ووصل الكلام ده النهاردة التدوين
أنا بعتبر التدوين نعمة ليه نستخدمها غلط ومش بس التدوين ده كل حاجة فى حياتنا بنستخدمها غلط

النت
إحنا من أكتر شعوب العالم إستخداما لشبكة الإنترنت بس للأسف بنستخدمها فى ........... والكلام إللى مش كويس وإللى مش حدق برضو هايفهم
الفضائيات كمان معمولة علشان إنفتاح العالم وتواصل الثقافات وإنتشارها وإحنا مع الفضائيات ما بندورش غير على إلل............. وإللى مش حدق برضو هايفهم إلا مارحم ربى طبعا
السؤال بقى
ليه مابنستخدمش كل حاجة صح

السؤال الأخص
إمتى هنستخدم التدوين للتدووين وبس من أجل الكلمة وحريتة الكلمة
الكلمة التى قال عنها عبد الرحمن الشرقاوى الكلمة نور
متى يكون للتدوين أهداف ونتائج وتأثير إيجابى علينا وعلى مجتمعنا
أنا أكيد مش بخص كل الناس بالكلام ده فى مدونات كتير إعلامية أو بتكتب شعر أو قصة أو تنمية بشرية وغيرها وهى مدونات أعتقد إنها هادفة جدا وانا شخصيا بستفيد منها كتير
وفى مدونات كتير العكس تماما وفى مدونة أكتر حاجة نرفزتنى وخليتنى أعمل البوست ده ولو قريتوا كلامى أكيد هتعرفوا مدونة إيه( حد كده كان كاتب إنه صحى من النوم ولما دخل الحمام ووقف أقدام المراية ونفخ خدوده وضربهم بصوابعه وقال بوف وكلام غريب ومدونات تانية ناس بتشتم فى ناس وناس عايزة تغير مبادىء ناس بالعافية وناس مصرة على إنتقادد ناس مش لإنهم غلط لأ لأنهم بس عكسهم )
وكأن هؤلاء نسيوا ان لكل إنسان طباعه ومبادئه وإنتمائاته وميوله وفى مدونات أخرى على الحياد مثل الجرائد القومية فى الأيام العادية يوم خبر مفرقع ويوم أخبار بايتة ويوم بيت شعر فاشل زى إللى عندى ده وهكذا
أنا بجد أناشد جميع المدونين والمدونات ياريت ياجماعة بجد نبقى إيجابيين أكتر محدش يدون لمجرد إنه يدون ويبقى موجود وبعد كده ييجى يقرأ كلامه يقول إله الفرف ده إللى انا كاتبه ده
لأ
يدون كلام يفيد بيه نفسه ومجتمعه وبلده ودينه ويدون ضد الظلم والفساد أو للى بيكتب شعر أو قصة أو فى أى مجال مايكتبش غير الشىء إللى ناتج من وراه هدف ما تكتبش غير إللى حاسس بيه مش لمجرد إنك تبقى موجود ببوست جديد وخلاص
التدوين الإيجابى
إنا طبعا مش العبقرى إللى فيكم هاكوا تدونوا إيه وإيه لأ بس خلينا نتفق إن تدوينا يبقى هادف بمعنى إيه
كلنا كل واحد بيعمل بوست فى موضوع ما ويتعمل على البوست ده عشرين كومنت أوخمسين أو مائة وبعد كده يتقفل الموضوع بنزول البوست الجديد طب إيه إللى تم إيه إللى أخدته طب إيه إللى إستفدته هل المشكلة إللى طرحتها وجدت سبيلها للحلهلى الخبر قد وصل إلى من كتب إليه هل أبيات الشعر أو القصدية وصلت المعانى المقصودة منها
من رأيى إننا نخلى إيجابية فى الموضوع أكت من كده بمعنى
أنا طرحت مشكلة وتلقيت التعليقات أكيد هنلاقى تعليقات تقبل وتعليقات ترفض وتتناقد ياريت بقى كل مدون وده من وجهة نظرى طبعا فى نهاية كل تدوينة يكتب فى أخر الكومنتاتا أو ببوست جديد كما يترأى له إيه إللى أخدناه أو نتيجة البوست بكومنتاته
وتعالو كلنا نقول أنا مدون طب بدون ليه
إيه أهداف مدونتى
إيه إللى عايزه من التدوين
هل هى كتابة مذكرات أوو ققصة أو شعر أو أخبار وإعلام أو مناقشة قضايا هامة فى الدين والسياسة وغيرها
ونشوف النتائج والحلول والأهداف وإيجابياته عشان مايبقاش الواحد بيقضى الساعات الطوال أمام شاشات الكمبيوتر والكيبورد ليصيغ موضوع ما وفى الأخر يطلع بيهزر
موضوعك لو مش مفيد زى صاحبنا إللى كتب هو لما دخل الحمام عمل إيه الوقت إللى بيضيعه فى كتابة الموضوع ده ربنا هايحاسبه عليه
ونتذكر
وعمرك فى ما أبليته
ومايلفظ من قول إلا لديه رقيب عتيد
مش كده ولا إيـــــــــــــــــــــــــــــــــــــــه
أسف إن أطلت عليكم
تفضلو جميعا قبول فائق إحترامى
والسلام دائما هو مسك الختام

ملحوظة رفيعة

إللى من حضارتكم يعجبوا الموضوع ونظرالإن المدونة لا يعرفها الكثيرين من المدونين ويحب يشارك معايا فى الموضوع ده ينشر الموضوع على قد ما يقدر

بحبك يامصر

2008-04-15T10:26:00.000-07:00

أولى تجاربى الفاشلة فى الشعر

بحبك يامصر
أه بحبها والله بحبها
متسألوش ليه أهو كده وخلاص بحبها
سألت نفسى ليه لقيت ألف إجابة وإجابة
بحبها كده كلها على بعضها
بترابها وسماها وقمرها وشمسها
بحبها
بدرويها وشوارعها ونيلها وبحرها
بقسوة صحاريها وطيبة شعبها
بس والله بحبها
ببلاعاتها المفتوحة ومساميرها فى عيشها وقمحها
بحبها كده كلها على بعضها
ومحبهاش ليه
وهى إللى شيلانى وحفظانى ورعيانى على أرضها
وفى نن عيونها وقلبها
بحبها
بضلامة مخها وكرهها لأهلها
وخفة دم اهلها وتكبيرة دماغها ووسع كرشها
بس برضو بحبها
سمعت عنها فى كتب واغانى وحواديت جابتها من اوائل عصرها
ومشيت على ارضها وشربت من نيلها وعومت فى بحرها
وصاحيت كتير من أهلها منهم إللى مكبر دماغه ومنهم إللى شايل همه وهمها
نفسى ييجى اليوم إللى أقدر فيه أحررها من ظلمها
ظلمها لنفسها وشعبها ودينها وأرضها
وأرجع كل حقوقها وحقوق شعبها
وأخضر صحاريها واعمر أرضها
وأجهز جيشها وأحارب عدوى وعدوها
وأرتقى بمكانتها وعلماءها وعلمها

رد فاتر على قرار فاجر

2008-03-31T08:25:00.000-07:00

رد فاتر على قرار فاجر
بعيدا عن أى حاجة وعن كل حاجة وأى شىء وكل شىء مجرد مقالة قريتاه فاأثارت بداخلى شيئا ما فا قلت أنازلهالكو
المقالة فى جريدة الجمهوريةوهى جريدة قومية فى عدد يوم الخميس وهو العدد الإسبوعى للجريدة
صفحة 4 باب أخر الأسبوع بقلم محمد أبو الحديد رئيس مجلس الإدارة
والذى جاء بعنوان (نحن وشروط المعونة الأمريكية )
رد فاتر ..... على قرار فاجر
ومعملتش عليه أى إضافات
المقال كما نشر فى الجريدة
مع المقاال
لست راضيا على الإطلاق عن مستوى رد فعلنا الرسمي والشعبي على قرار الكونجرس الأمريكي حول المعونة للأمريكية المقررة لمصر فى العام الجديد الذي يبدأ بعد أيام ولا أجد تعبيرا ولا أجد تعبيرا أصف به ردنا على هذا القرار سوى أنه( رد فاتر على قرار فاجر )
القرار صدر فى ررأيى بصيغة تحمل متعمدة لمصر ولكبريائنا الوطني الإهانة المعتمدة تبدوا واضحة فى شقين تضمنها القرار العام بالذات
الأول تعليق صرف مائة مليون دولار من المعونة حتى تلبى مصر مطالب أمريكية محددة فى سياستها الداخلية وفى علاقتها بإسرائيل وتحديد مدة زمنية لذلك مدتها أربعون يوما ومن حق وزيرة الخارجية الأمريكية إنهاء هذا التعليق إن رأت فى هذا ضرورة للأمن القومي الأمريكي
الثاني إخراج جزء من المبلغ المتبقي من المعونة من أى سيطرة للحكومة المصرية بمعنى أنا تنفرد الإدارة الأمريكية بتحديد من فى مصر يتسلم هذه المبالغ وماذا يفعل بها وبشرط ألا يتم ذلك تحت رقابة الحكومة المصرية خاصة بالنسبة للجمعيات العاملة فى مجال الديمقراطية وحقوق الإنسان.
الشق الأول يعتبرنا ببساطة تلاميذه فى المدرسة الأمريكية.
فلو أن هذا الشق تضمن قطع المائة مليون دولار نهائيا من المعونة لكانة الإهانة أخف لإن ذلك كان سيعنى على الأقل إننا فعلا بإرادتنا الوطنية المستقلة شيئا أغضب أمريكا أو إستفز الكونجرس وإستحق القطع .وهذا لوحدث شهادة لنا لا علينا .لكن تعليق الصرف وربط إنهائه بشروط وإعطاء وزيرة الخارجية الأمريكية حق الوصاية علينا
يحمل منتهى الضغط علينا لكى نفعل لكن ما تريده أمريكا .
فنحن التلامذة فى مدرسة أمريكا لن نحصل بمقتضى ذلك على هذا الجزء المعلق من مصروفنا إلا إذا لبينا المطالب الأمريكية وخلال مدة زمنية محددة وبشهادة حسن سير وسلوك من الأبلة كوندليزا رايس وليس حتى من ناظر المدرسة الرئيس بوش تقدمها للكونجرس عنا إمعانا فى الإساءة إلينا . أى أنه مفروض علينا أن نفعل كذا وكذا وبإرادة أمريكية خالصة .
الشق الثانى يعنى ببساطة إلغاء وجود الحكومة المصرية وولايتها على بعض مؤسسات مجتمعا وأفراده فهذه المؤسسات والأفرا ستتعامل هاالحكومة الأمريكية مباشرة خارج أى قنوات رسمية مصرية فالحكومة الأمريكية هى التى ستحدد لهذه المؤسسات والأفراد أهدافها وهى التى ستقدم لها التمويل اللازم لتحقيق هذه الأهداف وهى التى ستراقب إنفاقها لهذا التمويل المتحدثون الأمريكيون بإسم الإدارة والكونجرس يبررون ذلك كله بإنه يهدف لضمان سرعة إنجاز مصر للإصلاحات الضرورية فى الإقتصاد والديمقراطية وحقوق الإنسان . فماذا كان رد فعلنا كمصريين حكومة وشعبا
1- أطلقنا على المستوى الرسمى تصؤيحا مستهلكة وضعيفة نؤ كدفيها رفضنا لأي شروط تضمنها برنامج المعونة الأمريكية للعام الجديد أى أننا نرفض الشروط لكننا نريد المعونة فماذا لو أصر الكونجرس الأمريكي ؟
وربما كان موقفنا سيبدو أفضل لو قلنا إننا نرفض المعونة نفسها إذا إرتبطت بشروط
2- أتهمنا كالعادة وعلى المستوى الرسمى أيضا اللوبى الموالى لإسرائيل فى الكونجرس بإنه وراء تعليق مبلغ المائة مليون دولار وهو أيضا إتهام مستهلك وضعيف ونحن نعرف أنا هذا اللوبى موجود منذ وجود إسرائيل قبل سيتن سنة وأن له نفوذه داخل الكونجرس والإدار وكافة مؤسسات صناعة وإتخاذ القرار فى أمريكا ونعرف أنه ينشط كلما حان موعد تقرير المعونات الخارجية لعام جديد أو كلما لاحت بوادر إتفاق مصرى أمريكى على صفقة سلاح أو أى خطوة إيجابية .
لكن ما علاقة هذا اللوبى بدفع التطويروالإصلاحات الإقتصادية والديموقراطية فى مصر؟ هذه مطالب وإشتراطات أمريكية خالصة
3- لم يصدر حتى الأن على المستوى الشعبى رد فعل قوى وواضح على قرار الكونجرس الأمريكى وشروطه رغم أن هناك الكثير الذى يمكن عمله فى مثل هذا الموقف .
ولذلك فإننى أقترح على سبيل المثال:
أ – أن يجتمع الكونجرس المصرى بمجلسيه الشعب والشورى ويصدر بيانا مشتركا يرفض فيه بإسم الشعب المصرى شروط المعونة الجديدة التى قررها الكونجرس الأمريكى
ب- أن يتبنى أى حزب معارض مثل الوفد أو التجمع ولا أقول الحزب الوطنى حتى لايبدو هذا العمل وكأنه بإيعاز رسمه دعوة كافة الأحزاب والقوى السياسية والوطنية إلى إصدار بيان مشترك برفض الأحزاب المصرية للشروط الجديدة فى المعونة
ج- أن تعلن الجمعيات المصرية العالة فى مجالات حقوق الإنسان والديموفراطية التى قصدها الكونجرس بالتمويل الأمريكى المباشر رفضها لأى تمويل خارجى لا يتم عبر القنوات الشرعية المصرية إبرا لذمتها وتاكيد بإنها ليس لها أهدلف تتعارض مع المصالح القومية العليا للوط والمجتمع هذا قليل من كثير يمكن عمله فى الإطار السياسى والديموقراطى الطبيعى ودون تشنج أو إنفعال أو مزايدة
ولابد أن يتم ذلك من الأن وقبل زيارة الرئيس بوش المرتقبة لمصر حتى تصله الرسالة واضحة فيتخذ القرارالصحيح أو يدرك على الأقل أنه يتعامل مع شعب حى متحد غير قابل للشراء أو المساومة لقد مللنا إسطوانة المعونة الأمريكية و إستخدامها من جانب أمريكا كورقة ضغط سياسى على مصر والملاحظ أنه فى كل سنة تتزايد الضغوط والسبب أننالا نقابل هذه الضغوط فى أى مرة بموقف قوى حاسم رسمى وشعبى يكفى لوقوفها ولم ننجح فى إشعار الطرف الأمريكى بإن الدور الذى قمنا ونقوم به فى إستقرار المنطقة و سلامها يفوق دولارات المعونة الأمريكية مهما بلغت قيمتها
وإذا كنا ندرك أننا سنواجه فى المستقبل ضغوطا مماثلة أو متزايدة فى هذه القضية أو غيرها فلابد من أن نجمع فى أيدينا الأوراق مايكفى للدر على هذه الضغوط موقفا بموقف وإجراء بإجراء ودون خروج على إطار العلاقات الطبيعية مع أمريكا كقوة عظمى أيا كان مسمى هذه العلاقات صداقة أم تفاهما أم تحالفا وأمريكا تحترم بل تخشى الأقوياء وموقفا أخيرا من نوتين روسيا ونجاد إيران أكبر دليل على ذلك ولهذا حديث أخر
طبعا المقال إتنشر وبوش جه تف على شرم ومشى انا أسف على اللفظ

وبعد كده لا طلع صوت لا للأحزاب ولا لأخوان ولا لشعب ينبض ولا غيره

والنتيجة إحنا ما نعرفش إلللى أمريكا طالبها فى المقال ده إتنفذ ولا لأ بادهية دقى ده لو إتنفذ

فعلا يبقى مصر مش دولة ذات سيادة يعنى غحنا محتلين إحتلال داخلى وخارجى

طبعا الشىء الوحيد إللى نفسه اعرفه دلوقتى الشروط دى إتنفذت ولا لأ وكمان ليه إتعمل عليها تكتيم ماحدش بيسمع عنها ليه

وياريت كمان تقولولى إحنا موقفنا إيه كمدونيني من حاجة زى كده

وإستنوا البوست الجاى عن التدوين والمدونين

وسلبيات وإيجابيات التدوين

لكم فائق إحترامى

صاااااااااااااابر يامصرى

2008-03-22T11:22:00.000-07:00

بسم الله نبدأ أول بوست من المدونة الجديدة إللى بإذن الله مش ناوى أعتزل فيها عن التدوين

بجد التدوين ده من أحسن الحاجات إللى قابلتنى فى حياتى ومن دلوقتى أنا مش عارف أنا هكتب فى إيه ولا إزاى ولا إمت بس مش مهم المهم إنى هكتب هكتب بحب هكتب بصدق هكتب إللى أنا شايف وبس مش مهم هو إيه بس هكتب هكتب

هكتب علشانى هكتب علشان دينى علشان بلدى علشان وطنى علشان الظلم علشان الفساد هنا على صفحات المدونات الناس كلها هتعرف انا مين عايز إيه عايش ليه نفسى فى إيه

ونحاول نحققه سوا

طبعا انا معرفش مين هيقرا كلامى بس إن شاء الله كلامى يعجبه وميكنش مجرد كلام
الحمد لله خلصت الإمتحانات وتوجهت انا وبعض أصدقائى للتنزه لفترة بعدها إنتفلت إلى المنزل لأستعد على السفر للقاهرة
اخذت على عاتقى فى تحضير حقائبى وبعدها وعلى مقربة من الساعة نويت السفر إلى القاهرة فإذابى حاملا حقائبى ومتوجها إلى محطة قطار سيدى جابر لأستهل بعدها قطار الخامسة وعندما وصلت إلى المحطة إذابى تصلنى رسالة من أحداصدقائى هذا نصها
قطعت الكهرباء تماما فى غزة
1700 مريض مهددون بالموت خلال ساعات فلنتفق على أن نصلى ركعتين قضاء حاجة بعد المغرب بلغ كل من تستطيع
وأخذت أفكر للحظات حيث لم يكن فى إمكانى فعل شىء سوى أننى ظللت أبكى من قلة حيلتى حتى صار الناس ينظرون إلى أبكى لعدم حيلتى على فعل شىء ولو قليل من الكثير الذى نستطيع فعله وبعد البكاء لفترة قررت الإتصال بأحد أصدقائى الذى كنت متأكده أنه متواجد على الإنترنت فى هذا الوقت وأبلغته بنص الرسالة مطالبا إياه بنشرها قدر المستطاع حيث لم يكن معى من الرصيد تليفونى مايكفينى لتبايغها لأشخاص أخرين
وفى ذلك الحين وأنا داعيا ربى بفك الحصار عن إخوننا المحتلين وكانت قد إنتابتى فترة أخرى من البكاء وعندها يذيع المذيع الداخلى للمحطة عن قدوم القطار المتوجه إلى كفر الشيخ والمتأخر كعادته
وإذا بالمصريون كعادتهم يتزاحمون ويتسارعون من أجل الوصول إلى للقطار لا من أجل الجلوس على كرسى مشغول أومبطن أو بعيدا عن رائحة الحمام الكريهة أو الجلوس فى مكان بعيدا عن شباك مفتوح لكى لا يتأذوا من هواء الشتاء القارس لا لا لا
لا يتزاحمون من اجل ذلك كله ولكنهم فقط يتزاحمون من أجل الوصول الوصول إلى مكان قدم فى أى عربة قطار فيضعون قدم بداخل عربة القطار وأخرى بخارجها وهنا توقفت عن البكاء لفترة لأنظر من منا المحتل من منا الأصعب حالا نحن أما أخواننا فى فلسطين بالطبع الفلسطينيون لإنهم محتلون من قبل محتل صهيونى غاصب أما نحن فمحتلن من قبل محتل اخر يقول أننا أحرار وذو كرامة على الورق فقط كما يدعون
ولكن حالنا نحن أسواء من حيث أننا بالإسم فقط غير محتلون على الورق فقط كما يقولون ويدعون
فالمصرى مازاااااال صابرا
لايعرف ولا أعرف إلى متى ولكنه صابر
ويقول ويردد خذوا منأى شىء وكل شىء وسيبولى الكرامة الكرامة
ولكنى أتسأل أين هى الكــــــــــرامة
فالمصرى طوال حياته ورغم كل معناته دائما يقول أهم حاجة الكرامة
أى كرامة فى هذا أى كرامة فى زحامنا على قطارا أهدرت عرباته وكسرت فتحاته وهبت الرائحة الكريهة من دوراته أى كرامة فى هذا أى كرامة فى زحامنا على قطارا لا لكى نجلس فى مكان هادىء لكنه زحام فقط من أجل الوصول وصول إما إلا منازلنا أو إلى قبورنا ياعالم إنت وحظك تظل واقفا ساعة ربما ساعتين إن لم تكن ثلاثة انت وما اوتيت من الحظ وعند مقربة القطار على القيام من المحطة إذا بإمراءة كبيرة فى السن يبدوا من ملابسها إنها مسيحية تكاد تلهث مثل الكلب من الجرى لكى تلحق بالقطاروشاورت بعينها وإصبعها لإنها لاتكاد تستطيع الكلام من كثرة ماجرت فينتظر سائق القطار مشكورا قليلا وأفسحوا لها الناس الذين يضعون قدما خارج القطار وقدما بداخله مكانا حتى إستطاعت الوقوف بالكامل فى داخل القطار ووقفت وهى تلهث تحمد الله على الإنجاز العظيم التى أنجزته
هذا ولا يزال المصرى صاااااااااااابر
صابرا من أجل ماذا من أجل الكرامة أتعجب قائلا أى كرامة فى هذا
وبعدها مباشرة إمراءة أخرى كبيرة السن أيضا حدث معها مثل ما حد مع من قبلها ولكن فى هذه الفترة كان قد سءم السائق الإنتظار وأراد أن يقوم بقطاره من المحطة وإذا بهذه المرأة كادت قدميها ان تنزلق من على باب القطار لولا أنا امسك بها مجموعة من شباب مصر الصابرون الواقفون على أبوب العربات حتى أدخلوها بالكاد داخل عربات القطار وهى تبكى من ما حدث فأبكانى ثانية بكاؤها وخرج القطار من المحطة ولا يزال المصرى صاااااااابرا من أجل الكرامة
أين هى إذا
هل هم إعتادوا على ذلك إعتادو على الظلم والمهانة
هل هم إعتادوا على قولهم نحن أفضل من غيرنا فى أى شىء
فى أى شىء
قطار مظلم كظلمة القبر بدون أبواب بدون شبابيك وبدون أن يكون له أى مصدر من مصادر الحياة ولا يصلح للإستخدام الأدمى أصلا
ولحظات
ونادى المذيع الداخلى للمحطة بقدوم قطار الخامسة وعشرة المتوجه للقاهرة ليتكرر نفس المشهد السابق ذكره وإذا بالقطار من الداخل
سويقة
وليس قطارا
هذاولايزال المصرى صاااااااابر
أبواب مفتحة شبابيك غير موجودة بالمرة والابعة الجائلون ومايقال عنهم إنهم متسولون الله أكبر ما أروعهم
إين هى الكرامة التى يدعونها فهذا القطار المسمى قطار درجة تانية سياحى وهو ليس بالمكيف ولاغيره بل هو فقط قطار عامة لشعب الشعب الشعب الذى يتكلم فقط عن الكرامة ولا يفعل شىء تجاهها هو قطار لعامة الشعب والطلبة أمثالى والموظفين وما شابههم دقائق وقام القطار من المحطة لتحدث مهزلة أخرى مهزلةالباعة الجائلون
القطار معتم مظلم ظلمة كظلمة القبر تكاد لاترى يديك
كل بائعا يعلق على صدره كشافا لينير أمامه بضع خطوات ويتسارعون وييتعارضون بأصواتهم فيقول أحدهم
حمص ولديدة وحمص وحلويات طنطا
حمص وحلاوة ومشبك
وآخر
شاى شاى شاى شاى مظبوط وسكر زيادة
شوشو سوخون شوشوحيلو شاى وإشرب
وآخر
حاجة ساقعة بيبسى وطرى على قلبك حاجة ساقعة وإشرب بنص وجنيه
وكأنهم يتفقون مع بعض تنظيم ما بعده تنظيم
تكاد العربات لا تخلو من أصواتهم للحظات
وفى ظل هذا تجتاح موجة من الصداع وحرقة الدم لكل من يستقلون القطار
أنا لا ألوم على هؤلاء .......................ولكن
وآخر يعبر ويقول أى كتاب بنص جنيه
الشراب بإتنين جنيه ونص الشراب المستورد
والجاونتى أيضا
وآخر ملحوظة
هذه السيدة العجيبة التى أشاهدها منذ عامين وهى تردد نفس الكلام وتقول بنتى عنها مرض السرطان والدكتور أمر بقطع صوابع إيديها ورجليها ساعدونى يساعدكم ربنا
و.....و......و......و.......و.........و
هذا القليل من الكثير
إذا القطار معتم لايصلح أصلا للحياة الأدمية لايجوز فيه أن تستثمر وقتك وتقرأكتابا أو قرآنا أو ماشبه ماذلك
يعنى لابد وأن تجلس للرغى فى إللى ملكش فيه أو تنام النومة إللى إحتمال تنام ماتصحاش أو تستمتع ببر الشباك القارس الذى مهما حاولت ومهما تحصنت لم ولن تستطيع أن تفت منه
فالله فعلا لنا
ونحن فعلا لا نملك إلا الدعاء
فليكن الله فى عون أهل فلسطين من العدوان الصهيونى الغشيم
وفليكن الله فى عون اهل مصر من .............................
هذا ولا يزال المصرى صاااااااااااااااااااااااابر

بسم الله الرحمن الرحيم

2008-03-21T10:48:00.000-07:00

بسم الله نبدأ

بسم الله الرحمن الرحيم

وبه نستعين

والصلاة والسلام على اشرف المرسلين سيدنا محمد وعلى أله وأصحابه أجمعين