أه والله شوفتو إزاى أنا مش مصدق والله
قال إيه
أفتت دار الأفتاء المصرية أو دار إفتاء الحزب الوطنى الديمقراطى يلا مفرقتش كتير
المهم
أفتت وقالت وجلجلت وصحيت من النوم أخيرا وفاقت من الحاجة الأصفرا إللى كانت شرباها
وقالت إيـــــــــــــــه
قال إيه الإسلام لا يجيز التوريث سمعتى ياأم أحمد الإسلام لا يجيز التوريث ختى بالك ياأم جمال أهو شرعى أهو
الإسلااااااااااااااااام لاااااااااااااااا يجيــــــــــــــــــــــــز التوريــــــــــــــــــــــــــــث
أه أى نعم أنا لا أعترف بدار إفتاء الحزب ولا بشرعيةأى حاجة تابعة للحزب بس أهو حصل وعملوا حاجة عدلة فى حياتهم والواحد برضو لازم يقول إللى ليه وإللى عليه
إزاااااااااااااااااى بقى ده حصل
قال إيه بيقولوا إن طبقا للمادة 76 إللى أتفق عليها المصريين إللى هو إحنا يعنى إحنا إحنا
أه والله إحنا يعنى أنا وإنت ...............إنت يابنى إنت إنت بتبص فين أيوة والله إنت .....إيه مش مصرى ولا إيه منك لله يا إللى فى بالى نسيت الناس ملتها
المهم قالو إن نص المادة 76 إللى أتفقنا عليها بيقول إن رئيس الجمهورية
ركز معايا
ينتخب عن طريق الأقتراع السرى العام المباشر
كانت ناقصة النزيه الشفاف ههههههههههههههه
لذلك فإن النظام المتفق عليه بينا إحنا كمصريين ركزوا معايا إللى إتفقنا عليه هه إتفقنا
نون الجمع أهو
لاااااااااااااا يجيــــــــــــــــــــــز التوريــــــــــــــــــــث
ولا تولية العهد
اللهم بلغت اللهم فاأشهد
يعنى
يارب البعيد يفهم إننا رافضينه ومش طايقينه هو ولا أى حد من حزبه
وياريت ميعملش فيها عبده العبيط وميشرفناش بطلعته البهية
ياااااااااااااااااااااااارب
المنســــــــــــــــــــــــــــــــــــــــــــــــــــــــــــــــــــى
10 comments:
اااااااااااااه
وودن من طين وودن من عجين
وياريتهم ما قالوا
شكلهم هايتشالوا فيها طبق واحد
بس يارب يخيب ظننا كووووووووووووووووولنا
وما يورثش (البعيد)للبعدا علشان المسافات بعد كده مش هاتنفع بالمترو، ربناااااااا
على الظالم والمفتري وابن الحرام
واضيف وبابا (ربنا ياخده البعيد) انتوعارفين
انا مش هاتكلم
تفاءلوااااااااااااا خيرا
يووووووووووا يا ما قالوا بس عند التنفيذ
الهبل بيشتغل وبكره يطلعوا اى حاجه مش هو نفسه مغسه اللى اجازه قبل كده
قال اقتراع قال
ما هو يا ابنى بيزورا الامنخابات
عارف علشان لما يجى البيه يوقل جه بالانتخابات مش احنا قولنا مفيش توريث هههههه
يا جماعة انتوا بتتكلموا فى ايه ما يقولوا زى ماهما عايزين مانتوا عارفين اللى فيها احنا اكبر بلد بلا فخر فيها قوانين وتشريعات والخ الخ ومحدش بينفذ يعنى على رايك يا محمد هيعمل فيها عبده العبيط وبعدين يا سيدى انت فاكر ان احنا نقدر نعمل حاجة من غير اوامر اختنا الكبيرة امريكا لازم نستاذن الاول طبعا واكيد كلللللللللللللللللنا كمصريين يعنى عارفين رأى حضرتها ايه
ملحوظة: استخبى اليومين دول يابنى لحسن يقفشوك ويفسحوك اهلك عايزينك يا بنى
والسلام ختام
شوف يا أخويا يا منسي يا غلبان زي كتير من الغلابة المصررين بتوعنا
أنا مسمعتش حاجة عن موضوع التوريث ده بس حتى لو قالوا لا للتوريث وحتى لو قالوا إن النبي عليه الصلاة وأفضل السلام نفسه قال إن حرام شرعاً التوريث ده على فرض إن نبينا محمد قال كده
هيجوا يعملوا انتخاباتهم الجميلة اللذيذة والنزيهة واللي بيها كل شفافية وحيادية (وركز معايا في نزيهة وكلها شفافية وحيادية دي)هيقولك إن الحزب إختار جمال للترشيح لرئاسة العزبة بتاعتنا وملناش دعوة بأبوه ولا بأمه ولا [اي بلا أزرق لإن دي سياسة واختيار حزب ولا تخضع لأي توريث
وهينزل البعيد زي ما إنت بتقول كده الانتخابات وطبعاً عن طريق الانتخابات النزيهة واللي كلها حيادية وشفافية وركز معايا للمرة التانية
هيقولك إن الشعب هو اللي اختار جمال وكل الفئات من اللي مش لاقيين يأكلواللعمال والفلاحين والصنايعية كمان انتهاءاً للموظفين الغلابة لحدالحرامية الكبار اللي على قلبهم فلوس تجوز شباب المصريين كلهم وتسدد ديون مصر كله هيقول كلمة واحدة بس وهي إنهم إختاروا جمال
وساعتها بقى إخبط دماغك وأنا قبل منك واللي زينا كمان واللي مش عاجبه يولع في روحه بجاز وسخ أو ياخدها من قصيرها وينتحر ويريح نفسه
ومعلش بقى طولت عليك
بس في آخر كلامي هقولك سلملي على دار الإفتاء والشرع والدين اللي ماليين البلد وكله بيمشي عليهم الكبير قبل الصغير
تحياتي ليك يا أخويا يا منسي يا غلبان
يا عم القوالة حاجة وكل حاجة تانية حاجة تانية
لو علي الكلام ياما سمعنا
بس عاوز الحق
هي شجاعة
تحياتي
أسماء ربيع
ياااااااااااه ده إنتى قلبك مات
أنا ياماما بحب بابا حسنى مليش دعوة باللى بتقوليه ده
هههههههههههههههه
إنتى عارفة أبيعك فى اول محطة
آبى
عندك حق قالو الجمل طلع النخلة
قالوا أدى الجمل وأدى النخلة
أما نشوف ساعة التنفيذ
_____________________
semsemtwinsi
---------------------
أنا بس كنت بقول إنهم إحتمال يصدقو مرة إنتوا كلكوا فقدتو الأمل زيى
وعارفين إنها باعتة
ههههههههههه
ربنا يستر بس خلينا ورا الكداب يمكن
-----------------------
نوشاااااااااا
أولا منورنى ومنور المدونة
هههههههههههههه
إيه يابنى ده
إنت شايل منه ليه
ده جيمى
حبيب الملايين
ههههههههههههه
مش ده إللى قالولوه
جيمى ياحرية
جيمى ياوطنية
ههههههههههههههههه
------------------
كوشيا
أنا برضو بقول إن إحنا ياما سمعنا
بس أرجع وقول يمكن
أه ديل الكلب ميتدعلش لو علقه فى أخره قالب
بس مع التطور العلمى والتكنولوجى الموجود ممكن يحطولوه جيل ويتعدل ههههههههههههههه
تتحياتى ليكوا كوووووووولكوا
هو بالافتاءات !!! الموضوع مالوش دعوة بكده خالص على فكرة
للأسف ده كلام جميل وحلو للتهدئة
لكن في الواقع هيورثوا بالمادة المطبوخة علي مقاس الأندر وير بتاع جمال
معلش يا محمد الفتوي الجاية وعليك خير
لكن المرة دي كانت بيع وشرا ليس إلا
بيبيع كلام وبيشتري هدوء
موناليزا
أومال ليه دعوة بإيه
بالطبخة إللى هتنطبخ على رأى ضياء ولا بإيه
الشعب المصرى كله ماشى على مثل
خلينا ورا الكداب
منتا عارف إنه كداب بتمشى وراه ليه
إنه القدر ههههههههههههه
تحياتى ليكى
--------------------
ضياء
أول زيارة ليك ويارب متكونش الأخيرة
وسعدت جدا بلقائك
تحياتى
مش فارقه كتير ..
ياسمين
نوته و قلم
أسعدتني زيارتك أوي :)
Post a Comment